Breaking

লেখাপানী, জাগুনত ৰেচন কাৰ্ড নথকা লোকক বিনামূলীয়া চৰকাৰী চাউল

0 212

সুজিৎ হাতীবৰুৱা, জাগুন

লকডাউনৰ সময়ছোৱাত খাদ্যৰ অভাৱত খাটি খোৱা লোকসকলৰ এক বৃহৎ অংশ চৰম বিপদত পৰিছে। এই সময়ত সকলোৰে সুবিধা হোৱাকৈ চৰকাৰী সাহায্য পুঁজিৰ পৰা ৰেচন কাৰ্ড নথকা লোকসকলক বিনামূলীয়া চৰকাৰী চাউল দিয়াৰ ব্যৱস্থা কৰা হৈছে।শনিবাৰে লেখাপানী আৰু জাগুন পঞ্চায়তৰ জৰিয়তে ৰেচন কাৰ্ড নথকা বহু লোকক চাউল দিয়াৰ ব্যৱস্থা কৰা হৈছে। পৰিয়ালৰ প্ৰতিজন সদস্যৰ নামত পাঁচ কেজিকৈ এই বিনামূলীয়া চাউল দিয়া হৈছে। দুয়োখন পঞ্চায়তৰ বিভিন্ন ৱাৰ্ডৰ বহু লোকে চাউল নিবৰ বাবে ভিৰ কৰেহি যদিও প্ৰত্যেকেই কিন্তু সামাজিক দূৰত্ব বাহাল ৰাখি বিনামূলীয়া চাউল সংগ্ৰহ কৰে এক সুস্থ বাতাবৰণৰ মাজেৰে।