উদীয়মান লেখিকা ময়ূৰী বৰাৰ নৱতম গ্ৰন্থ “অভিপ্সিত” উন্মোচন।
দেৰগাঁও সাহিত্য সভাৰ চন্দ্ৰনাথ খাউণ্ড ভৱনত উদীয়মান লেখিকা ময়ূৰী বৰাৰ নৱতম গ্ৰন্থ “অভিপ্সিত” নামৰ এখন কবিতা পুথি উন্মোচন কৰা হয়।
কবিতা পুথি খন আনুষ্ঠানিক ভাবে উন্মোচন কৰে বিশিষ্ট সাহিত্যিক ড°বসন্ত কুমাৰ গোস্বামীয়ে ।
লেখিকা ময়ূৰী বৰা অধিক আশাবাদী এই নৱতম গ্ৰন্থ খনক লৈ।
দিব্য জ্যোতি কাকতি, ৰঙামাটি
সলনি হ’ব টোলকৰ সংগ্ৰহৰ পদ্ধতি!
মাৰ্চৰ ভিতৰত দেশৰ টোলগেটসমূত জিপিএছ সংযোগ কৰাৰ সিদ্ধান্ত কেন্দ্ৰীয় চৰকাৰৰ।
এই কথা জনালে কেন্দ্ৰীয় মন্ত্ৰী নীতিন গাডকাৰীয়ে।
ৰঙ বিৰঙী বিবিধ ফুলৰ পৰা ৰেণু কঢ়িয়াই আনি মৌ মাখিয়ে অশেষ কষ্টেৰে এই অমৃৎস্বৰূপ ‘মৌ’ বা ‘মধু’ তৈয়াৰ কৰে। সোৱাদত মিঠা এই মৌৰ বহুতো চমৎকাৰী গুণ আছে।
প্ৰিয়জনৰ মুখৰ মিঠা মাতষাৰক ‘মৌ সনা মিঠা মাত’ বুলি ৰিজনী দি কোৱা কথাষাৰেই ইয়াৰ গুৰুত্ব সুন্দৰকৈ বুজাই দিয়ে।
‘মৌ’ শব্দটো ইমানেই মিঠা যে বিদেশত প্ৰিয়জনক মৰমেৰে ‘Honey’ বুলি মতা হয়।
অতীতৰে পৰা শিশুক মৌ চেলেকাই দিয়া পৰম্পৰা চলি আহিছে। কান্দি থকা শিশুৰ জিভাত মাত্ৰ অকনমান মৌ চেলেকাই দিলে তৎক্ষণাত কান্দোন বন্ধ হৈ যায়।
কেঁচুৱাৰ জিভা চাফা কৰোতেও মৌ ব্যৱহাৰ কৰা হয়। ঠিক তেনেকৈ গৰ্ভৱতী স্ত্ৰীক পঞ্চামৃত খুৱাওঁতেও মৌ ব্যৱহাৰ কৰা হয়।
প্ৰাচীন আয়ুৰ্বেদ শাস্ত্ৰত মধু বা মৌৰ বিষয়ে বিস্তৃত বিৱৰণ পোৱা যায়। আয়ুৰ্বেদ শাস্ত্ৰ অনুসৰি মাক্ষিকা, ভ্ৰামৰ আদি কেইবাপ্ৰকাৰৰ মধু আছে।
প্ৰত্যেকবিধ মৌৰ গুণাগুণ বেলেগ আৰু ভিন ভিন চিকিৎসাত ব্যৱহৃত হৈছিল।
মৌৱে ত্ৰিদোষ (বাত, পিত্ত, কফ) সাম্য অৱস্থাত ৰাখে। বহু আয়ুৰ্বেদিক ঔষধৰ লগত মৌক অনুপান (as an adjuvent) হিচাবে খাবলৈ দিয়া হয়।
ই ঔষধৰ কাৰ্যক্ষমতা বৃদ্ধি কৰে।
ইয়াৰ উপৰিও-
*মেদবহুলতা,
*কৌষ্ঠকাঠিন্য,
*নিদ্ৰাহীনতা,
*ৰক্তহীনতা,
*হাপানী আদি বিভিন্ন ৰোগ নিৰাময়ত মৌৱে গুৰুত্বপূৰ্ণ ভূমিকা পালন কৰে।
পৰম্পৰাগত চিকিৎসা পদ্ধতিত বহুতো ৰোগৰ চিকিৎসাত মৌৰ ব্যৱহাৰ হয়। শিশুসকলৰ কফজনীত সমস্যাত আদা, তুলসীৰ ৰসৰ লগত মৌ মিহলাই খাবলৈ দিয়া হয়।
বৰ্তমান সময়ত স্বাস্থ্যসচেতন বহু লোকে চেনিৰ সলনি মৌ ব্যৱহাৰ কৰে। বিশেষকৈ ডায়েট প্লেনত থকা বহু লোকেই পুৱাই পুৱাই নেমুৰ ৰস আৰু মৌ মিহলি কুহুমীয়া পানীৰ সেৱন কৰে।
ঠিক তেনেকৈ বিভিন্ন প্ৰকাৰৰ হাৰ্বেল টিত মৌ মিহলাই খোৱাটো এটা ফেশ্যনো হৈ পৰিছে।
তদুপৰি সৌন্দৰ্য্য চর্চাতো মৌ ব্যৱহাৰ হয়। ছালৰ বাবে ক্লিনজাৰ, টনাৰ (toner), মইচাৰাইজাৰ (moisturiser), মাস্ক হিচাবে বা চুলিৰ কণ্ডিচনাৰ হিচাবেও মৌৰ ব্যৱহাৰ হয়।
বিভিন্ন প্ৰকাৰৰ ব্যঞ্জন বনাওঁতেও মৌৰ ব্যৱহাৰ হয়।
*গ্লুকজ,
*ফ্ৰুক্টজ,
*প্ৰটিন,
*আইৰণ,
*কেলচিয়াম,
*এমিন’ এচিড,
*এনজাইম আৰু
*বিভিন্ন এন্টিঅক্সিডেন্ট সমৃদ্ধ মৌ অজস্ৰ গুনেৰে ভৰপূৰ।
১)বিভিন্ন এন্টিঅক্সিডেন্ট থকা বাবে শৰীৰৰ ৰোগ প্ৰতিৰোধ ক্ষমতা বৃদ্ধি কৰে আৰু জ্বৰ, কাহ আদি বিভিন্ন সমস্যা প্ৰতিৰোধ কৰে।
২)কাহ,
*টনচিলাইটিছ,
*ফেৰিঞ্জাইটিছ,
*ব্ৰংকাইটিছ,
*হাপানী (asthma) আদিত মৌ উপকাৰী।
এই ৰোগসমূহ নিৰাময়ৰ বাবে ব্যৱহাৰ কৰা ভিন ভিন ঔষধিৰ লগত মৌ দিয়া হয়। যেনে তুলসী পাতৰ ৰস, আদাৰ ৰস, শেৱালি পাতৰ ৰস আদিৰ লগত মৌ মিহলাই ৰোগীক খাবলৈ দিয়া হয়।
মৌ দিয়াৰ বাবে শৰীৰৰ ৰোগ প্ৰতিৰোধ ক্ষমতা বৃদ্ধি হয় আৰু ই ঔষধিৰ গুণাগুণো বৃদ্ধি কৰে। শিশুৰ কফজনীত সমস্যাত মৌ খুৱালে সুফল পোৱা যায়। সেয়েহে কফৰ বহু আয়ুৰ্বেদিক ঔষধ, লজেঞ্চ আদিত মৌ থাকে।
২)কৌষ্ঠকাঠিন্য সমস্যাতো মৌ উপকাৰী।
৩)মৌৱে তেজ পৰিষ্কাৰ কৰে, ৰক্তহীনতা দূৰ কৰে।
৪)শিশুসকলৰ স্বাস্থ্য ৰক্ষাত মৌ উপকাৰী। ই শিশুৰ শৰীৰৰ ৰোগ প্ৰতিৰোধ ক্ষমতা বৃদ্ধি কৰে আৰু বহু ৰোগৰ পৰা ৰক্ষা কৰে। যিসকল শিশুৰ ভোক কম লাগে তেওঁলোকক মৌ খুৱাব লাগে।
৫)কলেষ্টৰলৰ সমস্যাতো মৌ উপকাৰী। শৰীৰৰ বাবে অপকাৰী LDL কলেষ্টৰল, ট্ৰাইগ্লিচাৰাইড কম কৰে আৰু উপকাৰী HDL কলেষ্টৰল বৃদ্ধি কৰে। সেয়েহে মৌ হাৰ্টৰ বাবেও উপকাৰী।
৬)মৌ মেদবহুলতাৰ সমস্যাত উপকাৰী।
*মৌ দি বনোৱা গ্ৰীণ টি,
*জিনজাৰ টি,
*লেমন টি,
*মিণ্ট টি,
*ডালচিনি টি আদিয়ে মেদবহুলতা ৰোধ কৰে।
কুহুমীয়া পানীৰ লগত নেমুৰ ৰস আৰু মৌ মিহলাই পোৱা খালি পেটত খালে পেটৰ চৰ্বি কম হয়। ডালচেনিৰ গুৰিৰ লগত মৌ মিহলাই খালে ওজন কমি যোৱাত সহায় হয়। শাৰীৰিক পৰিশ্ৰম আৰু খাদ্যভ্যাসৰ ওপৰতো চকু দিব লাগিব।
৭)মুখৰ ভিতৰত হোৱা ঘাঁত(mouth ulcer) মৌ লগালেও সুফল পোৱা যায়। ইয়াত থকা জীৱাণুনাশক গুণৰ বাবে দেহত হোৱা বিভিন্ন সংক্ৰমণজনীত ৰোগত মৌ উপকাৰী।
৮)নিদ্ৰাহীনতাত(insomnia) ভোগা লোকৰ বাবেও মৌ উপকাৰী। কাৰণ ইয়াত থকা এবিধ এমিন এচিডে টোপনি অহাত সহায় কৰে।
নিতৌ এগিলাচ কুহুমীয়া গাখীৰত এচামুছ মৌ মিহলাই শোৱাৰ আগত খালে সুফল পোৱা যায়।
৯)মৌত থকা এন্টিঅক্সিডেন্টে ফ্ৰী ৰেদিকেলৰ প্রতিকূল প্ৰভাৱৰ পৰা বচাই ৰাখে আৰু সোনকালে বাৰ্ধক্য অহাত বাধা দিয়ে।
ইয়াৰ উপৰিও বৃদ্ধ লোকৰ বাৰ্ধক্যজনীত বহু ৰোগ প্ৰতিৰোধ কৰাত মৌৱে সহায় কৰে।
১০)দাঁতৰ সুস্বাস্থ্যৰ বাবে মৌ উপকাৰী। চেনিয়ে দাঁতৰ ক্ষতি কৰে, কিন্তু মৌৱে দাঁতৰ উপকাৰহে কৰে।
১১)এলাৰ্জিৰ সমস্যাত ভোগা লোকে নিতৌ এক চামুচ মৌ সেৱন কৰিলে সুফল পায়। ইয়াৰ লগতে পথ্য অপথ্যৰ ওপৰতো গুৰুত্ব দিয়া উচিত।
যেনে কেঁচা হালধিৰ ৰস গাখীৰৰ লগত, মাজে মাজে তুলসীৰ পাত দুখিলা বা তিনিখিলাকৈ খালে এলাৰ্জিৰ সমস্যা বহুখিনি কমি যায়।
১২)ষ্ট্ৰেছ কম কৰাতো মৌ উপকাৰী।
*মানসিক দুচিন্তা,
*উদ্বিগ্নতা আদি সমস্যাত ভোগা লোকে মৌ সেৱন কৰা উচিত।
১৩)মৌৱে পুৰুষ, স্ত্ৰীৰ যৌনক্ষমতা অটুট ৰখাত সহায় কৰে। ই স্ত্ৰী, পুৰুষ উভয়ৰে হৰম’নসমূহ নিয়ন্ত্ৰণ কৰাত সহায় কৰে।
১৪)ছালৰ উজ্জ্বলতা বৃদ্ধি কৰা,
*শালমন,
*খজুৱতি আদি ছালৰ বিভিন্ন সমস্যা নিৰ্মূল কৰাত মৌ ব্যৱহাৰ কৰা হয়।
মৌৰ লগত নেমুৰ ৰস মিহলাই লগালে ই ফেচৱাছৰ দৰে কাম কৰে আৰু ছালৰ উজ্জ্বলতা বৃদ্ধি কৰে।
ইয়াৰ উপৰিও বিভিন্ন ফেচপেক, ফেচমাস্ক আদিতো মৌৰ ব্যৱহাৰ হয়।
১৫)চুলিৰ সৌন্দৰ্য্য বৰ্ধন,
*উফিৰ সমস্যা,
*চুলি সৰা,
*চুলি ফটা(split ends) সমস্যাত মৌ উপকাৰী।
কণী, নাৰিকল তেল আদিৰ লগত মৌ মাস্ক হিচাবে ব্যৱহাৰ কৰিলে সুফল পোৱা যায়। শ্বেম্পু কৰাৰ পিছত মৌ মিহলি পানীৰে চুলি খিনি ধুলে ই কণ্ডিচনাৰৰ দৰে কাম কৰে।
উৎকৃষ্ট গুণসমৃদ্ধ মৌক সঁচাকৈয়ে অমৃতৰ লগত তুলনা কৰিব পাৰি। ইয়াৰ গুণসমূহৰ উপকাৰীতা লাভ কৰিবলৈ হ’লে বিশুদ্ধ মৌ সেৱন কৰিব লাগে। বজাৰত উপলব্ধ সকলো মৌ বিশুদ্ধ নহয়।
তদুপৰি ঘৰে ঘৰে বিক্ৰী কৰিবলৈ অহা মৌজোলৰ বেপাৰীয়ে মানুহক ঠগাও দেখা পোৱা যায়। সেয়েহে মৌ কিনোতে অলপ সতৰ্কতা অৱলম্বন কৰা উচিত।
লেখিকা: ডাঃ ৰেইনী দেৱী
স্বাস্থ্য আৰু পৰিয়াল কল্যাণ মন্ত্ৰালয়ৰ শেহতীয়া তথ্য অনুসৰি কেৰালাত সৰ্বাধিক ২,৩৪১ জন, কৰ্ণাটক ৯২ জন, তামিলনাডুত ৮৯ জন, মহাৰাষ্ট্ৰত ৪৫ জন আৰু গুজৰাটত ২৩ জন, কেন্দ্ৰীয় শাসিত অঞ্চল পুডুচেৰীত ২২ জন সক্ৰিয় ৰোগী, গোৱাত ১৯ জন।
তেলেংগানা আৰু পঞ্জাৱত ক্ৰমে ১৪ আৰু ৬ জন সক্ৰিয় ৰোগী আছে।
নতুন কৰ’না ভাইৰাছৰ চাবভেৰিয়েণ্ট JN.1ৰ উত্থানৰ মাজতে ভাৰতীয় কৰ্তৃপক্ষ সষ্টম হৈ পৰিছে, বৈজ্ঞানিক সমাজে এই ষ্ট্ৰেইনৰ তীক্ষ্ণ তদন্ত কৰি আছে।
নিটি আয়োগৰ সদস্য (স্বাস্থ্য) ডাঃ ভি কে পলে জনোৱা মতে, সমগ্ৰ দেশতে এতিয়ালৈকে JN.1 sub-variant ৰ মুঠ ২১ টা Covid-19 ৰোগী ধৰা পৰিছে।
শ্ৰী ৰাম জনমভূমি তীৰ্থ ক্ষেত্ৰত অহা মাহত ৰাম মন্দিৰ অভিষেক অনুষ্ঠানৰ বাবে ছোনিয়া গান্ধী, মল্লিকাৰ্জুন খৰ্গেকে ধৰি কংগ্ৰেছৰ জ্যেষ্ঠ নেতালৈ নিমন্ত্ৰণ পত্ৰ প্ৰেৰণ কৰা বুলি একাধিক খবৰ প্ৰকাশ পাইছে।
প্ৰাক্তন প্ৰধানমন্ত্ৰী মনমোহন সিং আৰু এইচ ডি দেৱেগৌদা, আৰু প্ৰাক্তন ৰাষ্ট্ৰপতি ৰামনাথ কোবিন্দকো আমন্ত্ৰণ জনোৱা হৈছে।
প্ৰধানমন্ত্ৰীয়ে মুকলি কৰিব ৰাম মন্দিৰ। অনুষ্ঠানত উপস্থিত থাকিব ইউ পিৰ মুখ্যমন্ত্ৰী যোগী আদিত্যনাথ।
সমাগত ২২ জানুৱাৰীঃ মুকলি হ’ব ৰাম মন্দিৰ, দেশৰ ৫ লাখ মন্দিৰত সম্পন্ন হ’ব পূজা
বিশ্ব হিন্দু পৰিষদৰ সংবাদ মেল সমাগত সেই বিশেষ দিনটো। ২২ জানুৱাৰীত ৰাম মন্দিৰ স্থাপন হোৱাৰ সময়ত দেশৰ ৫ লাখ মন্দিৰত পূজা অৰ্চনা হ’ব।ভাৰতৰ বাহিৰৰ প্ৰায় ৩০ খন দেশত বিশ্ব হিন্দু পৰিষদৰ সদস্য ভৰ্তি হৈছে।দিনৰ ভাগত যেতিয়া ৰাম মন্দিৰ স্থাপন হ’ব সেই সময়চোৱাত ডাঙৰ স্ক্ৰীন লগাই ভক্তসকলক দেখুৱা হ’ব।
সেই দিনাই দেশৰ প্ৰতি গৰাকী হিন্দু মানুহৰ ঘৰত চাকি-বন্তি জ্বলোৱা হ’ব।সমগ্ৰ বিশ্বজুৰি এইটো সুবিশাল আয়োজন।অসমৰ প্ৰতি ঘৰ লোকৰ ঘৰত ১ জানুৱাৰীৰ পৰা ১৫ জানুৱাৰীলৈ প্ৰতিজন হিন্দু পৰিষদৰ সদস্য সমূহ যাব।
২২ জানুৱাৰীৰ দেশ বিদেশৰ বিভিন্ন প্ৰান্তৰ সাহিত্য, সংস্কৃতি, ক্ৰীড়াৰ সৈতে জড়িত লোক সকল উপস্থিত থাকিব।এই মন্দিৰ দেশৰ বাবে স্বাভিমানৰ কাৰণ।ভাৰতৰ অৰ্থ ব্যৱস্থাত এই ৰাম মন্দিৰ হ’ব উল্লেখযোগ্য উৎস।২২ তাৰিখৰ পাছত সমগ্ৰ দেশৰ ভক্তসকলক ৰাম মন্দিৰলৈ আহিবলৈ অনুৰোধ জনোৱা হৈছে।সমাগত ২২ জানুৱাৰীত ৰাম মন্দিৰৰ অভিষেক! দেশৰ ৫ লাখ মন্দিৰত হ’ব পূজা অৰ্চনা
চলচ্চিত্ৰ সমালোচক, সাংবাদিক চন্দন শৰ্মাই বুধবাৰে শেষ নিশ্বাস ত্যাগ কৰে৷ মৃত্যুৰ সময়ত তেওঁৰ বয়স হৈছিল ৬১ বছৰ৷ অসমৰ চলচ্চিত্ৰ সমালোচনাৰ ধাৰাটোক নতুন গতি প্ৰদান কৰা চন্দন শৰ্মাৰ বিয়োগৰ লগে লগে চলচ্চিত্ৰ সমালোচনাৰ এটা সুকীয়া ধাৰাৰো অন্ত পৰিল৷ চলচ্চিত্ৰ সমালোচনাৰ উপৰি ‘সূৰ্যাস্ত’কে ধৰি কেইবাখনো পূৰ্ণদৈৰ্ঘৰ চিনেমাৰ চিত্ৰনাট্যও লিখিছিল চন্দন শৰ্মাই৷
সংঘাত, আৰ্থিক দীনতাৰ মাজতো নৈতিকতা আৰু মূল্যবোধক জীৱনৰ আধাৰ হিচাপে গ্ৰহণ কৰিছিল চন্দন শৰ্মাই৷ ২০২২ৰ পৰা জটিল ৰোগত আক্ৰান্ত হৈ অৱশেষত আজি শেষনিশ্বাস ত্যাগ কৰে তেওঁ৷
১৯৬২ত গুৱাহাটীত জন্মগ্ৰহণ কৰা চন্দন শৰ্মাই কটন কলেজিয়েট স্কুল, কটন কলেজত শিক্ষাগ্রহণ সম্পূর্ণ কৰি ১৯৮৭ত গুৱাহাটী বিশ্ববিদ্যালয়ৰ পৰা নৃতত্ত্ব বিভাগত স্নাতকোত্তৰ ডিগ্রী লাভ কৰে। অসম ৰাজ্যিক আৰু গুৱাহাটী বিশ্ববিদ্যালয় দলৰ হৈ প্রায় দহ বছৰ ৰাষ্ট্রীয় পর্যায়ত বেডমিন্টন প্ৰতিযোগিতাত অংশগ্রহণ কৰিছিল।
১৯৮৪ৰ পৰা ১৯৮৯লৈ অইল ইণ্ডিয়া লিমিটেডত চাকৰি কৰাৰ পাছত ১৯৯০ত প্রসিদ্ধ সাহিত্যিক যোগেশ দাস সম্পাদিত অসমীয়া মাহেকীয়া আলোচনী ‘অধিনায়ক’ত সহকাৰী সম্পাদকৰূপে যোগদান কৰে আৰু একেবছৰতেই দৈনিক কাকত ‘দ্যা নর্থ-ইষ্ট টাইমছ’ত যোগদান কৰি তেৰ বছৰ কাল সংবাদসেৱা আগবঢ়ায়
৷
‘দ্যা টেলিগ্রাফ’, ‘চেভেন চিষ্টার্চ পোষ্ট’ আদি কাকতৰ নিয়মীয়া লেখক চন্দন শর্মাই সান্ত্বনা বৰদলৈ, বিদ্যুৎ চক্রৱৰ্তী, হেমন্ত কুমাৰ দাস, ৰঞ্জিৎ দাস আদি কে’বাগৰাকীও ৰাষ্ট্রীয় পুৰস্কাৰপ্রাপ্ত পৰিচালকৰ একাধিক টেলিভিছন ধাৰাবাহিকৰ চিত্ৰ-নাট্য লিখিছিল। কাজিৰঙা ৰাষ্ট্ৰীয় উদ্যানৰ পটভূমিত নির্মিত তিনিখন তথ্যচিত্রৰ চিত্র-নাট্য আৰু পৰিচালনা চন্দন শৰ্মাৰ। ইয়াৰোপৰি তিনিখন অসমীয়া পূর্ণদৈৰ্ঘৰ কাহিনীমূলক ছবিৰো চিত্ৰ-নাট্য লিখিছে শৰ্মাই। চলচ্চিত্র, নাটক, শাস্ত্রীয় গীত-নৃত্যৰ সমালোচক শৰ্মাৰ একাধিক লেখা ইংৰাজী আৰু অসমীয়া ভাষাত বিভিন্ন কাকত-পত্রিকাত প্রকাশ পাইছে। দূৰদৰ্শন কেন্দ্র গুৱাহাটী আৰু আকাশবাণী গুৱাহাটীৰ নিয়মীয়া আলেখ্য লেখক আছিল চন্দন শর্মা।
মহাৰাষ্ট্ৰত কোৰিয়াৰক বল্’গাৰক অশালীন আচৰণ কৰা ব্যক্তিক অৱশেষত গ্ৰেপ্তাৰ
পুনেত দক্ষিণ কোৰিয়াৰ এজন ভ্লগাৰক এজন লোকে নিৰ্যাতন কৰে৷ নিৰ্যাতন কৰা লোকজনক এই ঘটনাৰ ভিডিঅ’ ছ’চিয়েল মিডিয়াত ভাইৰেল হোৱাৰ পাছতে গ্ৰেপ্তাৰ কৰা হয়। অভিযুক্তৰ নাম ভাৰত উঞ্চলে,ব্যক্তিজন মূলতঃ কৰ্ণাটকৰ বিদাৰৰ। ছ’চিয়েল মিডিয়া প্লেটফৰ্মত বহুলভাৱে শ্বেয়াৰ কৰা এই ভিডিঅ’টোৱে জনসাধাৰণৰ ক্ষোভৰ সৃষ্টি কৰাৰ পাছতে তেওঁক গ্ৰেপ্তাৰ কৰা হয়।
ভাইৰেল হোৱা ভিডিঅ’টোত দেখা গৈছে যে কোৰিয়ান পৰ্যটক কেলিয়ে স্থানীয় এখন দোকানত দোকানী আৰু গ্ৰাহকৰ সৈতে কথা-বতৰা পাতি আছিল। হঠাতে পটভূমিত দুজন মানুহ দেখা দিয়ে আৰু এজনে কেলিৰ ডিঙিত হাতখন থৈ পৰ্যটকগৰাকীক ধৰি লয়। কেলিয়ে নিজকে আঁতৰাই ৰাখিবলৈ চেষ্টা কৰাৰ পাছতো হাৰাশাস্তি অব্যাহত ৰাখে, যাৰ ফলত কেলিৰ বাবে পৰিস্থিতি অধিক অস্বস্তিকৰ হৈ পৰে ৷
ভিডিঅ’টোত কেলিয়ে কোৱা শুনা গৈছে যে “মই ইয়াৰ পৰা দৌৰিব লাগিব”। কেলিয়ে দীপাৱলী উদ্যাপনৰ সময়ত পিম্পৰী-চিঞ্চৱাদ অঞ্চললৈ আহিছিল আৰু যোৱা সপ্তাহত এই ভিডিঅ’টো নিজৰ ইউটিউব চেনেলত পোষ্ট কৰিছিল।উল্লেখ্য যে, একেধৰণৰ ঘটনাত যোৱা বছৰ মুম্বাইত দক্ষিণ কোৰিয়াৰ আন এজন ভ্লগাৰক ষ্ট’কিং, হাৰাশাস্তি কৰাৰ অপৰাধত দুজন লোকক গ্ৰেপ্তাৰ কৰা হৈছিল।
সাংবাদিক চলচ্চিত্ৰ সমালোচক চন্দন শৰ্মাৰ মৃত্যু
চলচ্চিত্ৰ সমালোচক, সাংবাদিক চন্দন শৰ্মাই বুধবাৰে শেষ নিশ্বাস ত্যাগ কৰে৷ মৃত্যুৰ সময়ত তেওঁৰ বয়স হৈছিল ৬১ বছৰ৷ অসমৰ চলচ্চিত্ৰ সমালোচনাৰ ধাৰাটোক নতুন গতি প্ৰদান কৰা চন্দন শৰ্মাৰ বিয়োগৰ লগে লগে চলচ্চিত্ৰ সমালোচনাৰ এটা সুকীয়া ধাৰাৰো অন্ত পৰিল৷ চলচ্চিত্ৰ সমালোচনাৰ উপৰি ‘সূৰ্যাস্ত’কে ধৰি কেইবাখনো পূৰ্ণদৈৰ্ঘৰ চিনেমাৰ চিত্ৰনাট্যও লিখিছিল চন্দন শৰ্মাই৷
সংঘাত, আৰ্থিক দীনতাৰ মাজতো নৈতিকতা আৰু মূল্যবোধক জীৱনৰ আধাৰ হিচাপে গ্ৰহণ কৰিছিল চন্দন শৰ্মাই৷ ২০২২ৰ পৰা জটিল ৰোগত আক্ৰান্ত হৈ অৱশেষত আজি শেষনিশ্বাস ত্যাগ কৰে তেওঁ৷
১৯৬২ত গুৱাহাটীত জন্মগ্ৰহণ কৰা চন্দন শৰ্মাই কটন কলেজিয়েট স্কুল, কটন কলেজত শিক্ষাগ্রহণ সম্পূর্ণ কৰি ১৯৮৭ত গুৱাহাটী বিশ্ববিদ্যালয়ৰ পৰা নৃতত্ত্ব বিভাগত স্নাতকোত্তৰ ডিগ্রী লাভ কৰে। অসম ৰাজ্যিক আৰু গুৱাহাটী বিশ্ববিদ্যালয় দলৰ হৈ প্রায় দহ বছৰ ৰাষ্ট্রীয় পর্যায়ত বেডমিন্টন প্ৰতিযোগিতাত অংশগ্রহণ কৰিছিল।
১৯৮৪ৰ পৰা ১৯৮৯লৈ অইল ইণ্ডিয়া লিমিটেডত চাকৰি কৰাৰ পাছত ১৯৯০ত প্রসিদ্ধ সাহিত্যিক যোগেশ দাস সম্পাদিত অসমীয়া মাহেকীয়া আলোচনী ‘অধিনায়ক’ত সহকাৰী সম্পাদকৰূপে যোগদান কৰে আৰু একেবছৰতেই দৈনিক কাকত ‘দ্যা নর্থ-ইষ্ট টাইমছ’ত যোগদান কৰি তেৰ বছৰ কাল সংবাদসেৱা আগবঢ়ায়৷
‘দ্যা টেলিগ্রাফ’, ‘চেভেন চিষ্টার্চ পোষ্ট’ আদি কাকতৰ নিয়মীয়া লেখক চন্দন শর্মাই সান্ত্বনা বৰদলৈ, বিদ্যুৎ চক্রৱৰ্তী, হেমন্ত কুমাৰ দাস, ৰঞ্জিৎ দাস আদি কে’বাগৰাকীও ৰাষ্ট্রীয় পুৰস্কাৰপ্রাপ্ত পৰিচালকৰ একাধিক টেলিভিছন ধাৰাবাহিকৰ চিত্ৰ-নাট্য লিখিছিল। কাজিৰঙা ৰাষ্ট্ৰীয় উদ্যানৰ পটভূমিত নির্মিত তিনিখন তথ্যচিত্রৰ চিত্র-নাট্য আৰু পৰিচালনা চন্দন শৰ্মাৰ। ইয়াৰোপৰি তিনিখন অসমীয়া পূর্ণদৈৰ্ঘৰ কাহিনীমূলক ছবিৰো চিত্ৰ-নাট্য লিখিছে শৰ্মাই। চলচ্চিত্র, নাটক, শাস্ত্রীয় গীত-নৃত্যৰ সমালোচক শৰ্মাৰ একাধিক লেখা ইংৰাজী আৰু অসমীয়া ভাষাত বিভিন্ন কাকত-পত্রিকাত প্রকাশ পাইছে। দূৰদৰ্শন কেন্দ্র গুৱাহাটী আৰু আকাশবাণী গুৱাহাটীৰ নিয়মীয়া আলেখ্য লেখক আছিল চন্দন শর্মা।
৪ বছৰতকৈ কম বয়সৰ শিশুক কফ ছিৰাপ সেৱনত নিষেধাজ্ঞা।
বিশ্বজুৰি কফ ছিৰাপে প্ৰাণ লৈছে ১৪১টাকৈ শিশুৰ।
এই সন্দৰ্ভত DCGI-এ ঔষধ কোম্পানীবোৰলৈ জাৰি কৰিছে সতৰ্কবাণী। সকলো ৰাজ্যলৈ পত্ৰ প্ৰেৰণ DCGIৰ।
