চিবিআইয়ে জেট এয়াৰৱেজৰ প্ৰতিষ্ঠাপক নৰেশ গোৱেলৰ বাসগৃহত তালাচী চলাইছে৷ ৫৩৮ কোটি টকাৰ কানাড়া বেংক জালিয়াতি গোচৰত নকেশ গোৱেল অভিযুক্ত। নৰেশ গোৱেলৰ উপৰিও শুকুৰবাৰে কোম্পানীটোৰ কেইবাজনো প্ৰাক্তন বিষয়াৰ বাসগৃহত তালাচী চলায়৷ কেন্দ্ৰীয় অনুসন্ধান ব্যুৰো (চিবিআই)য়ে শুকুৰবাৰে দিল্লী আৰু মুম্বাইকে ধৰি সমগ্ৰ দেশৰ সাতটা স্থানত তালাচী চলাইছিল।

জেট এয়াৰৱেজৰ কাৰ্যালয়তো অনুসন্ধান আৰম্ভ কৰা হৈছে। ২০১৯ চনৰ এপ্ৰিলত বিত্তীয় সমস্যা আৰু ঋণৰ দ্বাৰা জর্জৰিত জেট এয়াৰৱেজৰ উৰণ বন্ধ হৈ গৈছিল। সেই সময়ত নৰেশ গোৱেল দেশৰ সৰ্ববৃহৎ ব্যক্তিগত বিমান সেৱাৰ গৰাকী আছিল। ইয়াৰ পিছত, কোম্পানীটো পুনৰুজ্জীৱিত কৰিবলৈ আৰু বিমান সেৱা আৰম্ভ কৰিবলৈ ২০২১ চনত ‘জালান কালৰক’ নামৰ এটা কনচৰ্টিয়াম গঠন কৰা হৈছিল। জেট তেওঁলোকৰ দ্বাৰা পুনৰুজ্জীৱিত হোৱাৰ বাবে অপেক্ষা কৰি আছে। চিবিআইয়ে অভিযোগ কৰিছে যে জেটৰ মুৰব্বী নৰেশ গোৱেলে কানাৰা বেংকৰ পৰা বৃহৎ পৰিমাণৰ ধন আত্মসাৎ কৰিছিল। কেলেংকাৰীটোত কোম্পানীটোৰ কেইবাজনো বিষয়াও অভিযুক্ত। অৱশ্যে, জেটৰ নতুন কাৰ্যবাহীসকল দুৰ্নীতিৰ গোচৰত জড়িত নহয়।

এজন অপৰাধীক কেনেদৰে দিয়া হ’ব মৃত্যুদণ্ড। কি পদ্ধতিত কাৰ্যকৰী কৰা হব আদালতৰ নিৰ্দেশ। ভাৰতত মৃত্যুদণ্ডৰ কাৰ্যকৰী কৰা হয় ফাঁচী দি। দণ্ডিতজনৰ মূৰ কলা টুপিৰে ঢাকি দিয়া হয় প্ৰথম পৰ্যায়ত। নিৰ্দিষ্ট সময়ৰ লগে লগে জাল্লাদ গৰাকীয়ে এই কাৰ্য সমাধা কৰে। প্ৰায় আধা ঘন্টা মৃত্যুদণ্ডৰে দণ্ডিত জনক ওলোমাই থোৱা হয়। মৃতদেহটো উঠাই আনি চিকিৎসকে মৃত বুলি ঘোষনা কৰাৰ পিছত এই কাৰ্যৰ অন্ত পৰে। ৰচীৰে ওলোমাই কাৰ্যকৰী কৰা মৃত্যুদণ্ড সম্পৰ্কীয় এক গোচৰ চলি আছে উচ্চতম ন্যায়ালয়ৰ মজিয়াত। গোচৰটোৰ শুনানী গ্ৰহন কৰি মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত গঠিত বিচাৰপীঠে ২১ মাৰ্চত কেন্দ্ৰক বিষয়টোৰ সন্দৰ্ভত সবিশেষ অৱগত কৰিবলৈ নিৰ্দেশ দিছিল।

আদালতৰ নিৰ্দেশ মৰ্মে ২মে’ত কেন্দ্ৰই উচ্চতম ন্যায়ালয়ক ফাঁচীৰ সন্দৰ্ভত এখন বিশেষজ্ঞ কমিটি গঠনৰ বিবেচনা কৰাৰ বিষয়ে অবগত কৰে। উচ্চতম ন্যায়ালয়ে বিষয়টোৰ সন্দৰ্ভত জুলাই মাহত পৰবৰ্তী শুনানীৰ দিন ধাৰ্য কৰিছে। অধিবক্তা ঋষি মালহোত্ৰাই ফাঁচীকাঠত দোষী গৰাকীক ওলোমাই মৃত্যুদণ্ড প্ৰদান কৰা কাৰ্য নিষ্ঠুৰ আৰু অমানবীয় বুলি মন্তব্য কৰে। কিয়নো দণ্ডিত গৰাকীৰ মৃত্যু নোহোৱা পৰ্যন্ত প্ৰায় আধা ঘন্টা ওলোমাই ৰখা হয়। উল্লেখযোগ্য যে ফাঁচী দিয়া কাৰ্য সম্পাদন কৰে জাল্লাদে।

বৰ্তমান বহু ব্যক্তিয়ে জাল্লাদৰ কাম কৰিবলৈ অনিচ্ছুক। একেদৰে ফাঁচীকাৰ্যত ব্যবহৃত ৰচীডাল বিশেষ ভাবে প্ৰস্তুত কৰা হয়। আনহাতে একাংশৰ মতে আদালতে ফাঁচীৰ নিৰ্দেশ দিয়া ব্যক্তি গৰাকী জঘন্যতম কাৰ্যত লিপ্ত থকাৰ বাবে এই শাস্তি প্ৰদান কৰা হয়। এনে নিৰ্দেশে অপৰাধত লিপ্ত থকা অথবা তেনে মানসিকতাৰ ব্যক্তিৰ বাবে এক সকিয়নি স্বৰূপ বুলি এচামে মত প্ৰকাশ কৰিছে। ফাঁচীৰ নিৰ্দেশে এটা দুৰ্ভগীয়া পৰিয়ালক কিছু পৰিমানে হ’লেওঁ শান্তি প্ৰদান কৰে বুলি একাংশই কব বিচাৰে। ভাৰতত মৃত্যুদণ্ডৰে দণ্ডিত অপৰাধীক কি পদ্ধতিত মৃত্যু দিয়া হব তাৰ বিষয়ে কেন্দ্ৰই গঠন কৰিবলগীয়া বিশেষজ্ঞ কমিটিয়ে বিবেচনা কৰি প্ৰতিবেদন দাখিল কৰিব চৰকাৰক। আদালতে প্ৰতিবেদনৰ ওপৰত ভিত্তি কৰি কি সিদ্ধান্ত গ্ৰহন কৰে তাৰ ওপৰতেই মৃত্যুদণ্ডৰে দণ্ডিতই মৃত্যু পোৱাটো নিৰ্ভৰ কৰিব।

এজন চীনা বুদ্ধ প্ৰতিমূৰ্তিৰ ওচৰলৈ গ’ল। ঈশ্বৰে তেওঁৰ প্ৰতিটো ইচ্ছা পূৰণ কৰিবলৈ চীনা বুদ্ধ প্ৰতিমূৰ্তিৰ ওচৰত প্ৰাৰ্থনা কৰে। কিন্তু এই ব্যক্তি জনৰ ভিডিঅ’ চাই মানুহ আচৰিত হৈছে।চীনৰ ছ’চিয়েল মিডিয়া ভিভ’ত এখন ছবি ক্ৰমান্বয়ে ভাইৰেল হৈছে। ইয়াত ৭১ মিটাৰ উচ্চতাৰ বুদ্ধ মূৰ্তিৰ কাণৰ ওচৰত এটা ডাঙৰ স্পীকাৰ দেখা যায়। ঝাং নামৰ এজন ব্যক্তিয়ে নিজৰ ফোনটোৰ পৰা বুদ্ধ প্ৰতিমূৰ্তিলৈকে জোৰেৰে শব্দ কৰি নিজৰ ইচ্ছা পূৰণ কৰিব বিচাৰে। ঝাঙে চিঞৰিছে…

‘ভগৱান মোৰ বয়স ২৭ বছৰ। মোৰ ঘৰ নাই, গাড়ী নাই, প্ৰেমিকাও নাই। প্ৰথমেই মই বৰ ধনী হ’ব বিচাৰো। মই বেছি নিবিচাৰো, মাত্ৰ মোক ১৫ লাখ ডলাৰ টকা দিয়ক আৰু মূল কথাটো হ’ল মোক এনেকুৱা এগৰাকী প্ৰেমিকা লাগে যি ধুনীয়া আৰু কোমল। মোৰ টকা নহয় মোক ভাল পাব লাগে।’ বুদ্ধ প্ৰতিমূৰ্তিৰ কাষত প্ৰায় ১২ ঘণ্টা সময় কটালে ঝাঙে। চাউথ চাইনা মৰ্নিং পোষ্টৰ তথ্য অনুসৰি ঝাঙে কয় যে তেওঁ বহু দুখত বুদ্ধ প্ৰতিমূৰ্তিৰ ওচৰলৈ আহিছিল। ঝাঙে কয় যে তেওঁ এই স্পীকাৰটো এটা ৱেবছাইটত কিনিছিল কাৰণ তেওঁ ভাবিছিল যে ইয়াক “বুদ্ধৰ মূৰ্তিৰ সৈতে ভাল দেখা যাব”। ফটো খন সামাজিক মাধ্যমত ভাইৰেল হোৱাৰ পিছত ব্যৱহাৰকাৰীসকলে এই সন্দৰ্ভত বিভিন্ন মন্তব্য আগবঢ়ায়। এজন ব্যৱহাৰকাৰীয়ে লিখিছে, “আনক বিশ্বাস কৰা আৰু নিজকে বিশ্বাস কৰাৰ মাজত তেওঁ বুদ্ধক বিশ্বাস কৰিবলৈ বাছি লৈছিল।” আন এজন ব্যৱহাৰকাৰীয়ে লিখিছে, “বুদ্ধৰ বাবে ডিজাইন কৰা এটা ইয়াৰফোন লৈ আহা – ঈশ্বৰক পূজা কৰাৰ নতুন উপায়”।