Breaking

বিহালী উপ-নিৰ্বাচনৰ প্ৰাৰ্থী হ’ব পাৰে ভূপেন বৰা !

0 44



বিহালীত কংগ্ৰেছ সভাপতি ভূপেন বৰাই বজালে উপ-নিৰ্বাচনৰ ৰণডংকা । কংগ্ৰেছ দল বিসম্বাদী বিধায়কৰ পদ খাৰিজ নকৰি ৰক্ষনাবেক্ষণ দিছে বিধানসভাৰ অধক্ষ্য বিশ্বজিৎ দৈমাৰীয়ে

ৰাজ্যৰ ৭১ নং বিহালী বিধান সভা সমষ্টিত বাজিছে উপ-নিৰ্বাচনৰ ৰণডংকা৷ শাসকীয় দল বিজেপি দলৰ ৰাজ্যিক সভাপতি পল্লৱলোচন দাস আৰু সদ্য বিজেপি নেতা জয়ন্ত বৰাই বিহালীৰ কুচ-কাৱাজ আৰম্ভ কৰিছে৷ উল্লেখ্যযোগ্য যে শাসকীয় বিজেপি দলৰ প্ৰাৰ্থীত্ব প্ৰত্যাশী পল্লৱলোচন দাসৰ বিৰূদ্ধে বিহালীত সৃষ্টি হৈছে প্ৰতিষ্ঠান বিৰোধী প্ৰৱল ঢৌ৷ গুৰুত্বপূৰ্ণ বিষয়টো হ’ল ক্ৰমাৎ বিহাসী বিজেপিৰ ভিতৰচ’ৰাত উমি-উমি জ্বলিছে পল্লৱলোচন দাস বিৰোধী ৰণকৌশল ৷ বিহালী বিজেপিৰ জ্যেষ্ঠ নেতাই কোনো কাৰণত পল্লৱলোচন দাসক সহযোগ নকৰাৰ পণ লৈছে বিহালী বিজেপিয়ে৷

তাৰামজতে আজি ৭১ নং বিহালী বিধান সভা সমষ্টিত প্ৰদেশ কংগ্ৰেছৰ সভাপতি ভূপেন বৰাই কৰ্মী সভা অনুষ্ঠিত কৰি একপ্ৰকাৰে ৰণ হুংকাৰ দিছে সভাপতি ভূপেন বৰাই৷ তাৎপৰ্যপূৰ্ণ বিষয়টো হ’ল বিহালীত অনুষ্ঠিত হ’বলগীয়া উপ-নিৰ্বাচনক কংগ্ৰেছ সভাপতি ভূপেন বৰাই সন্মুখৰ পৰা , নিজে উপস্থিত থাকি নিৰ্বাচনক নেতৃত্ব দিয়াৰ কথা ঘোষণা কৰিছে,লগতে সভাপতি ভূপেন বৰাই বিহালীবাসীৰ ঘৰে-ঘৰে গৈ ভোট বিচাৰিব বুলি গুৰুত্বপূৰ্ণ ইংগিত প্ৰদান কৰিছে ৷আনকি সভাপতি ভূপেন বৰাই কৰ্মী সভাতেই বিশ্বনাথ জিলা সভাপতিক নিৰ্দেশ দি কই যে যি সকলে কংগ্ৰেছ দলত থাকি কংগ্ৰেছ হাৰিব আৰু ফাল্টু কথা-বতৰা পতা সময় অতিবাহিত কৰে তেনে কংগ্ৰেছীক দলৰ পৰা ডিঙিত ধৰি বাহিৰ কৰি দিবলৈ নিৰ্দেশ দিয়ে৷ তদুপৰি সভাপতি ভূপেন বৰাই অহা ৩০ জুনৰ ভিতৰত বিহালীত উপ-নিৰ্বাচনী কাৰ্যালয় মুকলি কৰি নিৰ্বাচনী কাম-কাজ তীব্ৰতৰ কৰিৱলৈ নিৰ্দেশ দিয়া পৰিলক্ষিত হয়৷ শেহতীয়া চৰ্চা অনুসৰি বিহালী উপ-নিৰ্বাচনত ৰাজ্যিক সভাপতি ভূপেন বৰাও হ’ব পাৰে কংগ্ৰেছ দলৰ প্ৰাৰ্থী বুলিও এক ইঙ্গিত দিয়ে৷

সিফালে সভাপতি ভূপেন বৰাই অভিযোগ উত্থাপন কৰি কই যে, কংগ্ৰেছৰ ৫ জন বিসম্বাদী বিধায়কৰ পদ খাৰিজ নকৰি বিধানসভাৰ অধক্ষ্য বিশ্বজিৎ দৈমাৰীয়ে ৰক্ষনাবেক্ষন দিছে ৷ হিমাচল প্ৰদেশত কংগ্ৰেছে অভিযোগ দিয়াৰ ১৫ দিনৰ ভিতৰতে অধ্যক্ষই ব্যৱস্থা লৈছিল যদিও অসমত অধ্যক্ষই লেহেমীয়া গতিৰে আগবাঢ়ি বিজেপিৰ কাৰ্যালয়ত কংগ্ৰেছৰ বিধায়ক ঘুৰি ফুৰাটো নেদেখাৰ ভাও জুৰিছে বুলি বিধান সভাৰ অধ্যক্ষক ক্ষুৰদ্ধাৰ সমালোচনা কৰে সভাপতি ভূপেন বৰায়৷ যদিও শেহতীয়াভাৱে বিহালীৰ উপ-নিৰ্বাচনৰ প্ৰাৰ্থী হিচাপে কংগ্ৰেছ সভাপতি ভূপেন বৰাৰ নাম চৰ্চালৈ অহাৰ সমান্তৰালভাৱে সদ্য অনুষ্ঠিত শোণিতপুৰ সংসদীয় সমষ্টিৰ কংগ্ৰেছ প্ৰাৰ্থী প্ৰেমলাল গঞ্জুৰ নামো প্ৰাৰ্থী হিচাপে চৰ্চাত আছে৷

Leave A Reply