শোণিতপুৰ জিলাৰ অন্তৰ্গত শিঙৰীৰ ইতিসাহ প্ৰসিদ্ধ ঐতিহাসিক শ্ৰীশ্ৰী গুপ্তেশ্বৰ দেৱালয়ত আজিৰে পৰা শুভাৰম্ভ হৈছে অতিৰূদ্ৰ মহাযজ্ঞ ৷ আজিৰ উক্ত অনুষ্ঠানত উপস্থিত থাকে অসমৰ মাননীয় মুখ্যমন্ত্ৰী ড° হিমন্ত বিশ্বশৰ্মা ৷
উল্লেখ্য যে ঢেকীয়াজুলি বিধানসভা সমষ্টিৰ বিধায়ক তথা অসম চৰকাৰৰ কেবিনেট মন্ত্ৰী অশোক সিংহলৰ তত্পৰতাত আৰু ধৰ্মপ্ৰাণ ৰাইজৰ সহযোগত আজিৰে পৰা ৭ দিনীয়া কাৰ্যসূচীৰে শুভাৰম্ভ কৰা হৈছে উক্ত অতিৰুদ্ৰ মহাযজ্ঞৰ অনুষ্ঠান ৷ আজি মুখ্যমন্ত্ৰী ড° হিমন্ত বিশ্বশৰ্মা পত্নী ৰিণিকি ভূঞা শৰ্মা সহিতে শিঙৰীত উপস্থিত হৈ অতিৰূদ্ৰ মহাযজ্ঞত ভাগলয় ৷
আজিৰ উক্ত অনুষ্ঠানত ভাৰতীয় জনতা পাৰ্টিৰ জ্যেষ্ঠ নেতা জন শইকীয়া,অসম গণ পৰিষদ দলৰ শোণিতপুৰ জিলাৰ সভাপতি ৰাতুল কুমাৰ নাথ,শোণিতপুৰ জিলাৰ আয়ুক্ত,শোণিতপুৰ জিলাৰ জ্যেষ্ঠ আৰক্ষী অধীক্ষক বৰুণ পুৰকায়স্থ,ঢেকীয়াজুলি সম-জিলাৰ আয়ুক্ত দ্যোতিভা বৰা,ঢেকীয়াজুলি সম-জিলাৰ আৰক্ষী অধীক্ষক ভাৰ্গৱ মণি দাস,ভাৰতীয় জনতা পাৰ্টিৰ ঢেকীয়াজুলি মণ্ডলৰ সভাপতি কাজু দ্বীপ,ঢেকীয়াজুলি পৌৰসভাৰ পৌৰনেত্ৰী সুস্মিতা দাস,উপ পৌৰনেত্ৰী তুলিকা শইকীয়াৰ লগতে বহুতো জ্যেষ্ঠ প্ৰশাসনিক বিষয়া উপস্থিত থাকে ৷
