চিলাপথাৰ পৌৰসভাত বিদ্ৰোহী ৱাৰ্ড সদস্যৰ ৰুদ্ধদ্বাৰ সভা। কটা গ’ল বিতৰ্কিত পৌৰপতি লাবন্য পাইত দলেৰ পাখী। চিলাপথাৰ পৌৰসভাত অব্যাহত আছে চৰম আচলাৱস্থা। যোৱা ১ ডিচেম্বৰ ২০২৩ ত ১২ গৰাকী ৱাৰ্ড কমিছনাৰৰে গঠিত চিলাপথাৰ পৌৰসভাৰ ৯ গৰাকী ৱাৰ্ড সদস্যই পৌৰপতি লাবণ্য পাইত দলেৰ বিৰুদ্ধে চৰম বিত্তীয় অনিয়মৰ অভিযোগ তোলে। সংখ্যাগৰিষ্ঠ বিদ্ৰোহী সদস্যই পৌৰপতি বিৰুদ্ধে অনা অনাস্থা প্ৰস্তাৱৰ ওপৰত যোৱা ৫ জানুৱাৰীত পৌৰসভাৰ কাৰ্যালয়ত আলোচনা সভাৰ আয়োজন হ’ল যদিও সফল নহল এই সভা। সাংসদ প্ৰদান বৰুৱা বিধায়ক ভূৱন পেগুৰ উপস্থিতিত অনুষ্ঠিত গুৰুত্বপূৰ্ণ সভাত পৌৰপতিৰ ভেৰুনিয়া গুণ্ডাই আৰক্ষীৰ চকুৰ আগতে ৱাৰ্ড কমিছনাৰ জিতেন কুটুমক চোঁছৰাই নি সৃষ্টি কৰা হুলস্থুলীয়া পৰিস্থিতিৰ বাবে সম্ভৱ নহ’ল সভাখন। ইয়াৰ পিছতে যোৱা ১২ মে’ত বিষয়টোৰ ওপৰত ক্ষুদ্ধ ৱাৰ্ড সদস্য সকলে গুৱাহাটী উচ্চ ন্যায়ালয়ৰ দ্বাৰস্থ হোৱাত যোৱা ২৯ এপ্ৰিলত মহামান্য আদালতে নিৰ্দেশ জাৰী কৰি পৌৰ আইন ১৯৫৬’ৰ আধাৰত পুনৰবাৰ অনাস্থা আনিবলৈ পৰামৰ্শ দিয়ে।
অনাস্থক লৈ আয়োজিত সভাৰ সময়ত অযথা হস্তক্ষেপ নকৰিবলৈকো প্ৰশাসনক কাঢ়া নিৰ্দেশ প্ৰদান কৰে ন্যায়ালয়ে। আদালতৰ ৰায় মৰ্মে কমিছনাৰ সকলে যোৱা ৬ মে’ত ১২ সদস্যৰ ভিতৰত ৭ জনে পুনৰ অনাস্থা প্ৰস্তাৱ তুলি পৌৰপতিক ২০ দিনৰ ভিতৰত সংখ্যা গৰিষ্ঠতা প্ৰমাণ কৰিবলৈ কয়। কিন্তু পৌৰপতি লাবণ্য পাইত দলেই ন্যায়ালয়ৰ নিৰ্দেশনাকো চূড়ান্ত অৱমাননা কৰি কোনোধৰণৰ সভা আয়োজন নকৰিলে। ইয়াৰ পিছতে ন্যায়ালয়ৰ নিৰ্দেশক মৰ্মেই আজি পৌৰসভাৰ কাৰ্যালয়ত উপ-পৌৰপতি শৰ্মিষ্ঠা দেৱে অনাস্থা প্ৰস্তাৱৰ ওপৰত আহ্বান কৰে এক সভাৰ। উক্ত সভাতো পৌৰপতি লাবণ্য পাইত দলেক উপস্থিত থাকিবলৈ জাননী দিয়াৰ পিছতো সভাত উপস্থিত নহ’ল পৌৰপতি দলে। সভাত অনাস্থা প্ৰস্তাৱ গৃহীত কৰি পৌৰসভাৰ আইন ধাৰা ২৮’ৰ ১৯৫৬ মতে সভাই পৌৰসভা ভংগ কৰি পৌৰপতিৰ পদৰ পৰা বৰ্খাস্ত কৰা হয় লাবণ্য পাইত দলেক। অহা এক সপ্তাহটোৰ ভিতৰতে এগৰাকী নতুন পৌৰপতি বাছনি কৰিব বুলি জানিব দিছে উপ পৌৰপতি শৰ্মিষ্ঠা দেবৰ লগতে ৱাৰ্ড সদস্য আদিত্য সোণোৱাল, তৰুনিমা দত্ত, দীনেশ দাস, শিল্পী চৌধুৰী, ৰাতুল গগৈ আৰু জিতেন কুটুমে। উল্লেখ্য যে বিদ্ৰোহী কমিছনাৰ সকলৰ মাজত আছে ৩ গৰাকী বিজেপি,১ গৰাকী কংগ্ৰেছ আৰু ৩ গৰাকী নিৰ্দলীয় হিচাপে নিৰ্বাচিত প্ৰতিনিধি। লক্ষ্যনীয় যে বিধায়ক ভূৱন পেগুৰ বৰঘৰৰ মানুহ বুলি চৰম ময়মতালিৰে দৌৰত্ম্য প্ৰদৰ্শন কৰা পৌৰপতি লাবন্যই একাংশ ৱাৰ্ড সদস্যক মেনেজ কৰিবলৈ কুটিল চক্ৰান্তত চলাই আহিছে। ধন বল বাহু বল প্ৰয়োগ কৰিও বলেৰে নোৱাৰা সকলক ইটো সিটো ভুৱা গোচৰ জাপি দি চৰম হাৰাশাস্তি কৰি অহাৰ অভিযোগ উঠিছে। পৌৰসভাৰ গৰিষ্ঠ সংখ্যক সদস্যৰ অপচন্দৰ পিছতো নাওঁ দুবিলেও তিঙৰ পৰা নামানে পৌৰপতি। সেইদৰে
বিভিন্ন দুৰ্নীতি অনিয়মৰে অভিযুক্ত লাবন্য পাইত দলেক একাংশ ৰাজনৈতিক নেতাই ৰক্ষণাবেক্ষণ দি অহাৰ কাৰণ কি বুলি ৰাইজে প্ৰশ্ন কৰিছে।
