গুৱাহাটী মহানগৰীৰ লাচিত নগৰত অবস্থিত চৰকাৰী বাণীকান্ত শিক্ষক প্রশিক্ষণ মহাবিদ্যালয়ৰ সমাজ বিজ্ঞান বিভাগৰ দ্বাৰা ডিগাৰুৰ আমচং বাগিচা আদৰ্শ বিদ্যালয়ত এক সজাগতা অভিযান কার্যসূচী দিনযোৰা ভাৱে অনুষ্ঠিত হয়। এই অনুষ্ঠানটোত মহাবিদ্যালয়ৰ প্ৰবক্তা ড° কৃষ্ণা দেৱী বনিয়াই সমম্বয়ক হিচাপে অংশগ্ৰহন কৰি অনুষ্ঠানটো সুচাৰুৰূপে পৰিচালনা কৰে।
কার্যসূচীৰ আৰম্ভণিতে উপেন গোস্বামীয়ে আদৰণি ভাষণ দিয়ে। সন্মানীয় অতিথি হিচাপে মহাবিদ্যালয়খনৰ অধ্যক্ষা ড° মৌচুমী বৰদলৈৰ লগতে প্ৰবক্তা ড° কৃষ্ণা দেৱী বনিয়া চিম্পি বৰুৱা কৰৱী ভট্টাচাৰ্য মৃদুলা ডেকা মিতালী বৰুৱাকে আদি কৰি বিদ্যালয়খনৰ শিক্ষক-শিক্ষয়িত্রী আৰু অভিভাৱক সকল উপস্থিত থাকে।
কার্যসূচীৰ লগত সংগতি ৰাখি মহাবিদ্যালয়খনৰ শিক্ষক প্রশিক্ষাৰ্থী সকলে এখন বাটৰ নাট প্ৰদৰ্শন কৰাৰ লগতে স্বচ্ছতা আৰু পৰিষ্কাৰ-পৰিচ্ছন্নতা, পুষ্টিকৰ আহাৰ আৰু আমাৰ খাদ্য, এইডছ নিৰ্মূলকৰণ এই বিষয় কেইটাৰ আধাৰত এখন পষ্টাৰ মাধ্যমেৰে ছাত্র-ছাত্রী সকলৰ মাজত সজাগতাৰ সৃষ্টি কৰে।
ইয়াৰোপৰি বিদ্যালয়খনৰ ছাত্র-ছাত্রী সকলৰ মাজত চিত্ৰাঙ্কন প্ৰতিযোগিতা অনুষ্ঠিত কৰে। প্ৰতিযোগিতাৰ অন্তত স্থানপ্রাপ্ত প্রতিযোগী সকলক চাৰ্টিফিকেট আৰু মেডেল প্রদান কৰা হয়। শেষত মহাবিদ্যালয়খনৰ প্ৰবক্তা ড° কৃষ্ণা দেৱী বনিয়াই শলাগৰ শৰাই আগবঢ়াই।
