ছিংগাপুৰতো যোৰদাৰ গতিত চলিছে জুবিন গাৰ্গৰ মৃত্যুৰ তদন্ত। ছিংগাপুৰ আৰক্ষী আৰু CIDৰ SITৰ মাজত অনুষ্ঠিত হয় প্ৰায় ডেৰঘণ্টাজোৰা বৈঠক। বৈঠকত SIT প্ৰধান মুন্না প্ৰসাদ গুপ্তা আৰু তৰুণ গোৱেলে লয় অংশ।
জানিব পৰা অনুসৰি ছিংগাপুৰ আৰক্ষীয়ে এইবৰ্ষৰ ১৯ ডিচেম্বৰৰ পূৰ্বে দাখিল কৰিব কৰ’নাৰৰ তদন্তৰ প্ৰতিবেদন। জুবিনৰ মৃত্যু তদন্তত ছিংগাপুৰ আৰক্ষীয়ে অসম আৰক্ষীক সম্পূৰ্ণ সহযোগিতা আগবঢ়াব বুলি জানিব দিয়ে। অসমৰ ৰাইজক ধৈৰ্য ধৰিবলৈও আহ্বান জনাই ছিংগাপুৰ আৰক্ষীয়ে।
ইতিমধ্যে CIDৰ SITএ য়ে ১৯ ছেপ্টেম্বৰত ঘটনা সংঘটিত হোৱা স্থান পৰিদৰ্শন কৰিছে। লগতে জুবিন গাৰ্গ থকা হোটেল পেন পেছিফিক, ছানটেক কনভেনচনো পৰিদৰ্শন কৰিছে SITএ।
জানিব পৰা অনুসৰি SITএ ছিংগাপুৰত জুবিন গাৰ্গৰ মৃত্যুৰ তদন্ত সামৰি দুদিন বা এদিনৰ ভিতৰে উভতি আহিব অসমলৈ।
উল্লেখ্য যে জুবিন গাৰ্গৰ মৃত্যুৰ তদন্তৰ বাবে সোমবাৰে CIDৰ SIT ছিংগাপুৰত উপস্থিত হৈছিল। অসমৰ সমান্তৰালকৈ CIDৰ SITএ ছিংগাপুৰতো চলাইছিল জুবিন গাৰ্গৰ মৃত্যুৰ তদন্ত।
