সট্টা বজাৰত আহিবলৈ আৰম্ভ কৰিছে অসম নিৰ্বাচনৰ বাতৰি।
সট্টা বজাৰৰ ভৱিষ্যৎ বাণী এনডিএ য়ে লাভ কৰিব ৯০-৯৪খন আসন।
অসমত ব্যাপক নিৰ্বচানী প্ৰচাৰ চলি থকাৰ সময়ত ভাৰতৰ সট্টা বজাৰলৈ আহিছে অসম নিৰ্বাচনৰ তুলচনী। ফল’দী সট্টা বজাৰত এনডিএক প্ৰদান কৰা হৈছে ৯০-৯৪খন আসন আৰু বিৰোধী ঐক্যক প্ৰদান কৰা হৈছে ২৬-৩০ খন আসন।
আনহাতে সট্টা মক্কাত চলিছে আন এক দৰদাম। অসমৰ মুখ্যমন্ত্ৰী কোন হ’ব। গৌৰৱ গগৈৰ দৰদামত ১টকাত প্ৰদান কৰা মূল্য হৈছে ১.৮৫ টকা আৰু হিমন্ত বিশ্ব শৰ্মাৰ ১ টকাত মূল্য হৈছে ৪৫ পইচা। ই স্পষ্ট সংকেত প্ৰদান কৰিছে যে সট্টা মক্কাত মুখ্যমন্ত্ৰী হিচাপে হিমন্ত বিশ্ব শৰ্মাৰ নাম সকলোতকৈ বেছি চৰ্চাত আছে। আচৰিত কথাটো হ’ল সট্টা মক্কাত প্ৰথমবাৰলৈ অসমৰ নিৰ্বাচনত নাম আহিছে অখিল গগৈৰো।
অখিল গগৈৰ মূল্য ১ টকাত ৩.২০ পইচা।
অৱশ্যে অবৈধ বজাৰ কেইখনত ভিন্ন সময়ত ৰাজস্থান আৰক্ষীয়ে অভিযান চলাই আছে যদিও, এই দিশত সফল হ’ব পৰা নাই।
