২০১০ চনৰ ২৫ ডিচেম্বৰত মাজুলীৰ মুদৈবিলত প্ৰতিষ্ঠা হোৱা উত্তৰ পূৰ্বাঞ্চলৰ প্ৰথমটো ৰেডিঅ’ শ্ৰোতা সংঘ “অনাতাঁৰ মৰম পৰিয়াল” ৰ সোমবাৰে ধেমাজিৰ জোনাই তেলেমত অনুষ্ঠিত হোৱা চতুৰ্দশ প্ৰতিষ্ঠা দিৱসত আকাশবাণী গুৱাহাটী কেন্দ্ৰৰ বাতৰি বিভাগৰ বাৰ্তা সম্পাদক মানস প্ৰতীম শৰ্মাক “শ্ৰোতা প্ৰেৰণা বঁটা -২০২৩” আৰু জোনাই তেলেমৰ জয়বৰ পাংগিং আৰু মেছাকী চাপৰিৰ সোণাৰাম লালুঙক “অনাতাঁৰ শ্ৰোতাবন্ধু বঁটা – ২০২৩ প্ৰদান কৰে।
অনুষ্ঠানটিত পৰিয়ালটিৰ ফালৰপৰা প্ৰতি বছৰে প্ৰকাশ পাই অহা বাৰ্ষিক মুখপত্ৰ “মৰম এক যোগসূত্ৰ” উন্মোচন কৰে আকাশবাণী ডিব্ৰুগড় কেন্দ্ৰৰ প্ৰসাৰণ কাৰ্যবাহী পৰশা কোঁৱৰে ।
অনুষ্ঠানত চিলাপথাৰ প্ৰজ্ঞাজ্যোতি সংগীত মহাবিদ্যালয়ৰ সচিব ৰেণু বৰুৱাই সঞ্চালনা কৰা সভাখনিত, মহাবিদ্যালয়ৰ খনিৰ অধ্যক্ষ, অসম চৰকাৰৰ শিল্পী পেঞ্চনাৰ বিপিন ৰাজখোৱা, ডিব্ৰুগড় বিশ্ববিদ্যালয়ৰ ৰেডিঅ’ জ্ঞান মালিনী ৰ অনুষ্ঠান কাৰ্যবাহী স্বপ্নালী ভূঞা, ওমানৰ নিবাসী বিশিষ্ট অভিযন্তা তথা গীতিকাৰ মনজিত শইকীয়া চলিহা , আকাশবাণী লখিমপুৰৰ সংবাদদাতা হিমাদ্ৰী ঠাকুৰীয়া , আকাশবাণী ডিব্ৰুগড় কেন্দ্ৰৰ প্ৰিয়াংকী গোস্বামী , নেনচি বৰুৱা , সংহীতা মাধৱী দত্ত , উপাসনা বৰদলৈ , পৰিয়ালটোৰ বিভিন্ন জিলাৰ পৰা অহা সদস্য সকলৰ লগতে জোনাই অঞ্চলৰ প্ৰায় তিনিশৰো অধিক ৰেডিঅ’প্ৰেমী শ্ৰোতা ৰাইজ উপস্থিত থাকে।
