বেক্টেৰিয়া সংক্ৰমণত জিম্বাবুৱেত ২২টা হাতীৰ মৃত্যু

দৈনন্দিন বাৰ্তা ডেস্ক : জিম্বাবুৱেৰ বন্যপ্ৰাণী সংস্থাই জনাইছে যে এখন বৃহৎ গেম পাৰ্কৰ সমীপত বহু হাতীৰ শৱদেহ উদ্ধাৰ কৰিছে ৷ প্ৰাথমিকভাৱে বেক্টেৰিয়া সংক্ৰমণৰ ফলত ২২টা হাতীৰ মৃত্যু হৈছে বুলি সন্দেহ কৰা হৈছে ৷ জিম্বাবুৱেৰ পাৰ্কছ এণ্ড ৱাইল্ডলাইফ মেনেজমেণ্ট অথৰিটি (জিম্পাৰ্কছ)য়ে ইতিমধ্যে পশ্চিম জিম্বাবুৱেৰ পাণ্ডামছসুৰ হাবিত হাতীৰ মৃত্যুৰ বাবে সকলোতকৈ বৃহৎ বন্যপ্ৰাণী অভয়াৰণ্য হাওৱাঞ্জ নেচনেল পাৰ্ক আৰু ভিক্টোৰিয়া জলপ্ৰপাতৰ মাজৰ চিকাৰ কৰা আৰু চায়নাইড বিষ দিয়া বন্ধ কৰিছে ৷ জিম্পাৰ্কছৰ মুখপাত্ৰ টিনাশে ফাৰাৱে জনায় যে মঙলবাৰ আৰু বুধবাৰে শেষৰটো হাতীৰ শৱদেহ পোৱা যায় ৷ বেছিভাগ হাতী কম বয়সীয়া আছিল ৷ সকলোতকৈ বেছি বয়স আছিল ১৮ বছৰ ৷ যোৱা সপ্তাহত প্ৰথম আবিষ্কাৰ হোৱা হাতীবোৰ একেই পৰিস্থিতিত মৰিছিল, যিবোৰৰ দাঁত অক্ষত আছিল ৷ জিম্পাৰ্কছৰ বিষয়াই কয় যে হাতীৰ সংখ্যা বহু বেছি হোৱা আৰু বৰষুণৰ পৰিমাণ কম হোৱাটো বৃহৎ ভাবুকি হৈ পৰিছে ৷ পানী আৰু খাদ্যৰ বাবে ২০১৯ চনত কমেও ২০০ হাতীৰ মৃত্যু হৈছিল ৷ উল্লেখ্য যে জিম্বাবুৱে ৮০ হাজাৰ হাতীৰ ৰম্যভূমি ৷ ইয়াত আফ্ৰিকাৰ মুঠ হাতীৰ এক পঞ্চমাংশ আছে ৷ ইয়াৰ পূৰ্বে চলিত বছৰত কাষৰীয়া বোটছৱানাত শতাধিক হাতীৰ মৃত্যু হৈছিল ৷