মানৱ সৰবৰাহৰ সন্দেহত পেৰিছ কৰ্তৃপক্ষই আটক কৰি ৰখা ৩০৩জন যাত্ৰী দেওবাৰে স্থানীয় ন্যায়াধীশৰ সন্মুখত হাজিৰ হয়। বিষয়াসকলে জনোৱা মতে, বিমানবন্দৰতে পৰীক্ষাৰ বাবে বিশেষ ব্যৱস্থা কৰা হৈছে। দেওবাৰৰ পৰা সোমবাৰলৈ স্থানীয় সময় অনুসৰি পুৱা ৯ বজাৰ পৰা যাত্ৰীসকলক জেৰা কৰিব ন্যায়াধীশে।
ফ্ৰান্সৰ আইন অনুসৰি, বিদেশীক ফ্ৰান্সৰ সীমান্ত আৰক্ষীয়ে চাৰিৰ পৰা আঠ দিনৰ বাবে আটক কৰিব পাৰে। বাধ্যতামূলক পৰিস্থিতিত বিদেশীক সৰ্বাধিক ২৬ দিন নিজৰ জিম্মাত ৰাখিব নালাগে। এই প্ৰসংগত তেওঁলোকক গন্তব্যস্থানলৈ প্ৰেৰণ কৰা উচিত নেকি? স্থানীয় সংবাদ মাধ্যমে জনোৱা মতে, প্ৰত্যাৰ্পণ কৰিব নে নকৰে সেই বিষয়ে ন্যায়াধীশে সিদ্ধান্ত ল’ব। “ফ্ৰান্সত আগতে এনেকুৱা হৈছে নেকি নাজানো। কিন্তু, এইটো এটা সমস্যা যিটো সোনকালে সমাধান কৰিব লাগিব, কাৰণ উপযুক্ত নথি-পত্ৰ নথকা বিদেশীক দীৰ্ঘদিন ধৰি আটক কৰি ৰখা হৈছে।”
ডুবাইৰ পৰা নিকাৰাগুয়ালৈ যোৱা ৰোমানিয়াৰ পৰা লিজেণ্ড এয়াৰলাইন্সৰ এখন বিমান বৃহস্পতিবাৰে পেৰিছৰ পৰা ১৫০ কিলোমিটাৰ দূৰৈৰ ভাট্ৰি বিমানবন্দৰত ইন্ধনৰ বাবে ৰৈছিল। মানৱ সৰবৰাহৰ তথ্য লাভ কৰি ফ্ৰান্স কৰ্তৃপক্ষই বিমানখন জব্দ কৰে।
বিমানখনত থকা ৩০৩জন যাত্ৰীৰ অধিকাংশই ভাৰতীয়। স্থানীয় এখন কাকতত প্ৰকাশ পাইছে যে ইয়াৰে ১৩ জন নাবালক। নিৰ্ভৰযোগ্য সূত্ৰই প্ৰকাশ কৰা অনুসৰি তেওঁলোক সকলোৱেই নিকাৰাগুয়ালৈ গৈ আছিল মধ্য আমেৰিকাত গৈ অবৈধভাৱে আমেৰিকা বা কানাডাত প্ৰৱেশ কৰাৰ পৰিকল্পনাৰ অংশ। এনে পৰিপ্ৰেক্ষিতত আইনী তদন্তৰ অন্তত যাত্ৰীসকলৰ ভাগ্য জানিব পৰা যাব।
