অসম চাহ মজদুৰ সংঘ মঙ্গলদৈ শাখা সংঘৰ উদ্যোগত আৰু বাগিছা ইউনিট কমিটি, মহিলা কমিটি আৰু লাইন কমিটিৰ সহযোগত শুকুৰবাৰে বামুনজুলী চাহ বাগিচাত কৰ্মৰত চাহ মজদুৰ শ্ৰমিকসকলে নিজৰ অধিকাৰ সাব্যস্ত কৰিবলৈ নিজ-নিজ অভাৱ অভিযোগ সমূহ কাৰ্যকৰী কৰাৰ সন্দৰ্ভত এদিনীয়া কৰ্মবিৰতিৰ কাৰ্যসূচী ৰূপায়ন কৰে।
বিগত সময়ত বাগান কৰ্তৃপক্ষই বাগিচাৰ চাকৰিৰ পৰা অৱসৰ গ্ৰহণ কৰাৰ পিছতো বহু শ্ৰমিক উপ-কৰ্মচাৰীক অৱসৰকালীন ভাট্টা দিয়া নাই।
উল্লেখ্যনীয় ভাৱে জৰাজীৰ্ণ অৱস্থা থকা ধুমুহাত ক্ষতিগ্ৰস্ত হোৱা শ্ৰমিকসকলৰ আৱাসগৃহ সমূহ শীঘ্ৰে মেৰামতিৰ বাবে, লগতে আৱাসগৃহ সমূহৰ শৌচাগাৰৰ টেংকি পৰিস্কাৰ কৰা, বাগিচাত খালি হৈ থকা গ্ৰেডৰ পদসমূহ পূৰণ কৰা আৰু উপ-কৰ্মচাৰী সকলৰ পদসমূহ নিয়মীয়া কৰণ কৰা বাগিচাৰ শ্ৰমিক সকলক স্বাস্থ্যৰ প্ৰতি যত্ন লোৱা, গাঁৱত বসবাস কৰা শ্ৰমিকসকলক উদ্যোগিক চুক্তিমতে পাবলগীয়া ২০২২বৰ্ষৰ ঘৰ ভাড়া আদায় দিবলৈ শ্ৰমিক সকলে দাবী উত্থাপন কৰে।
