টীয়ক সমষ্টিৰ অন্তৰ্গত নামচিচু অঞ্চলত নামচিচু পূজা খেলপথাৰৰ কাষত ৰখাই থোৱা অৱস্থাত হঠাৎ জ্বলি উঠে এখন বাহন। বাহনখনৰ নম্বৰ AS-03-H-1499।
স্থানীয় লোকে বাহনখন জ্বলি থকা দেখি ততাতৈয়াকৈ টীয়ক আৰক্ষী আৰু অগ্নি নিৰ্বাপক বাহিনীক খবৰ দিয়ে আৰু টীয়ক অগ্নিনিৰ্বাপক বাহিনীৰ তৎপৰতা আৰু টীয়ক আৰক্ষীৰ সহযোগত ইতিমধ্যে জুই নিৰ্বাপিত কৰা হয় যদিও বাহনখনৰ ৮০% জ্বলি যায়৷
জানিব পৰা মতে কোনো লোকে পুৱাৰ ভাগত গাড়ীখন উক্ত স্থানত ৰাখি বেলেগ এখন গাড়ীত উঠি কোনো স্থানলৈ গতি কৰে।কি কাৰণত উক্ত ঘটনা সংঘটিত হ’ল এই পৰ্যন্ত জানিব পৰা হোৱা নাই আৰু গাড়ীখনৰ গৰাকী কোন বা কিয় ৰাখি থৈ গৈছিল কোনো স্থানীয় লোক অৱগত নহয়।
