সদৌ অসম সংবাদকর্মী সন্থাৰ ষষ্ঠ বার্ষিক অধিৱেশন দেওবাৰে গুৱাহাটীৰ চানমাৰিস্থিত পেন্সনাৰ ভৱনত অনুষ্ঠিত হয়। সন্থাৰ পতাকা উত্তোলন কৰে সন্থাৰ সভাপতি সুদীপ্ত সৰকাৰে। বস্তি প্ৰজ্বলন কৰে জ্যেষ্ঠ সদস্য যোগকান্ত পূজাৰীয়ে। সাধাৰণ সম্পাদক দীপক কুমাৰ দাসে সম্পাদকীয় প্রতিবেদন পাঠ কৰে। বিগত বৰ্ষৰ আয়-ব্যয়ৰ হিচাপ দাখিল কৰে কোষাধ্যক্ষ নীলকান্ত নাথে। মুকলি সভাৰ মুখ্য বক্তা হিচাপে উপস্থিত থাকে বিশিষ্ট সমাজকর্মী, সমালোচক ময়ূৰ বৰা প্ৰতিজন অসাংবাদিক সংবাদকর্মীক একোজন ৰণুৱা বুলি কয় ময়ূৰ বৰাই।
সভাত বিশিষ্ট অতিথি হিচাপে অংশগ্ৰহণ কৰে জ্যেষ্ঠ সাংবাদিক মুনীন বায়নে। সভাত সন্থাৰ মুখপত্র ‘প্ৰয়াস’ৰ বৰ্দ্ধিত কলেৱৰৰ দ্বিতীয় সংস্কৰণ উন্মোচন কৰা হয়। সভাত সন্থাৰ ২৩ জনীয়া নতুন কমিটী গঠন কৰা হয়।
