এবুকু সাহসৰে স্বদেশ প্ৰেমেত উদ্বাউল হৈ নৈৰাশ্যৰ কুহেলিকাত মৰহি নাযোৱা স্ব-নিৰ্ভৰশীলতাৰে অম্লান জেউতীৰে স্বদেশৰ গৌৰৱ ঘোষণা কৰি জ্ঞান ভাস্কৰৰ উদীপ্ত কিৰণেৰে জগোদীপ্ত কৰি তোলাৰ শোণিতপুৰ জিলাৰ গহপুৰ ২ নং ৱাৰ্ডৰ বাসিন্দা দীন দত্ত আৰু জিন্টু দত্তৰ সন্তান দত্ত অসম গ্ৰামীণ বিকাশৰ বেংক নাৰায়ণপুৰ শাখাৰ সহ:প্ৰৱন্ধক সূৰজিৎ দত্ত।নিজৰ কৰ্তব্য আৰু দায়িত্ব নিষ্ঠা আৰু সততাৰে সেৱা আগবঢ়োৱাৰ উপৰিয়ো স্ব-প্ৰতিভা আৰু সাধনাৰে এটি সাংস্কৃতিক মন লৈ মনত ৰঙা নীলা বৰণীয়া কল্পনাৰ জীয়া পখিলাবোৰৰ পম খেদি জীৱন আগবঢ়াইছে।জনপ্ৰিয় কণ্ঠশিল্পী হিচাপে খ্যাতি অৰ্জন কৰি সুৰজিৎ দত্তয়ে শেহতীয়া দৃশ্য-শ্রব্য আধুনিক গীতৰ এলবাম ‘স্পদন’- এ শেহতীয়াকৈ মুক্তি লাভ কৰিছে।
তেওঁ কয় যে ,”এইয়ে মোক এক মনৰ শান্তি আৰু তৃপ্তি প্ৰদান কৰে।শিক্ষাগত দিশত ২০১২ চনতে ডিষ্টিংচন লাভ কৰি ২০১৪ চনতো খ্যাতিৰে উত্তীৰ্ণ হৈ গৰিমামণ্ডিত কটন কলেজত বিজ্ঞান শাখাত পদাৰ্থ বিজ্ঞান বিভাগত শিক্ষাগ্ৰহণৰ মন মেলে।তেতিয়াৰ কটন কলেজ (বর্তমান কটন বিশ্ববিদ্যালয়) ৰ ২০১৬-১৭ বৰ্ষৰ ছাত্ৰ একতা সভাৰ সভাপতিৰ দৰে সৎ,মহৎ,গধুৰ দায়িত্ব সুচাৰুৰূপে পালন কৰে।ছাত্ৰ অৱস্থাতে কলেজ সপ্তাহৰ সাংস্কৃতিক প্রতিযোগিতাত অংশগ্ৰহণৰ লগতে এইগৰাকী স্বনামধন্য গীতিকাৰ ,সুৰকাৰ জনপ্ৰিয় কণ্ঠশিল্পীয়ে অংশ গ্ৰহণ কৰে।দত্তই বিগত বর্ষত ‘স্পদন’ দৃশ্য-শ্রব্য এলবামৰ শুভমুক্তি কৰি সংস্কৃতিপ্রেমী ৰাইজৰ পৰা বিপুল সঁহাৰি লাভ কৰিবলৈ সক্ষম হয়।
‘মই খেদি খেদি জোনাকী পৰুৱাৰে জ্যোতি পালোহি মধুবন মোক নালাগে উভতাব অতীতৰে বালি তোমাৰে দেখোন মোৰ সপোনৰ আশা লৈ মোৰে দিশে বলিবা মোলৈ লম বুটলি, অকাশ মুকলি যদিও আহে মোলৈ আহে মোলৈ
দৃঢ় মই দৃঢ় মই’
-সুৰজিৎ দত্ত
উল্লেখ্য, স্বনাম ধন্য কণ্ঠশিল্পী গৰাকীয়ে শিশু অৱস্থাৰ পৰাই সংগীত চর্চা কৰি অহাৰ সমান্তৰালভাৱে সমাজ সেৱাটো আছে গভীৰ হেঁপাহ আৰু দায়বদ্ধতা।ছাত্ৰ অৱস্থাতে কটন কলেজৰ ছাত্ৰ সমাজৰ জৰিয়তে গঠন কৰা গোটত দুখীয়া,শোষিত,নিস্পেষিত লোক সকলক সহায়ৰ হাত আগবঢ়োৱাত জড়িত আছিল। তেওঁ বৰ্তমান নাৰায়ণপুৰ বেংকৰ সহ: শাখা প্ৰৱন্ধক হিচাপে কৰ্মৰত হৈ তিনি বছৰীয়া নাৰায়ণপুৰ অঞ্চলৰ চাকৰি জীৱনত সুখী। তেওঁ কয় ,”আমাৰ নতুন প্ৰজন্মই ভৱিষ্যৎ পৰিকল্পনাসমূহ ৰূপায়ণ কৰাৰ ক্ষেত্ৰত কৌশলগত দিশসমূহ চালিজাৰি চাব লাগে সামগ্ৰিকভাৱে অসম গ্ৰামীন বিকাশ বেংকে অসম ৰাজ্যৰ গ্ৰাম্য উন্নয়ন,বিত্তীয় অন্তৰ্ভুক্তি আৰু অৰ্থনৈতিক বিকাশৰ ক্ষেত্ৰত গুৰুত্বপূৰ্ণ ভূমিকা পালন কৰি আহিছে। ইয়াৰ বিভিন্ন পদক্ষেপ আৰু সেৱাৰ জৰিয়তে বেংকে গ্ৰাম্য ব্যক্তি আৰু সম্প্ৰদায়ক আনুষ্ঠানিক বিত্তীয় সেৱা আৰু আৰ্থ-সামাজিক উন্নতিৰ সুযোগ প্ৰদান কৰি জীৱনৰ মান উন্নত কৰাত অৰিহণা যোগায় আহিছে”।
আজিৰ পৰা কিছুদিন আগলৈকে বেংক কর্তৃপক্ষই থলুৱা যুৱকক প্ৰতাৰণা কৰা বুলি প্ৰচাৰিত গুজবৰ বিপৰীতে তেখেতে ইয়াৰ কাৰণ ব্যাখ্যা কৰি অসমীয়া যুৱকক কৰি দেখুওৱা’ৰ আৰু ঘূৰাই দেখুৱাওৱা’ৰ মানসিকতা পোষণ কৰি আগবাঢ়ি যাবলৈ উপদেশ দিয়ে।শেহতীয়াকৈ অসম চৰকাৰৰ বিভিন্ন আঁচনিৰ উদ্দেশ্য আৰু ইয়াৰ সঠিক ব্যৱহাৰৰ বিষয়ে বিতং তথ্য প্ৰদান কৰি সকলোকে কৰ্মৰ প্ৰতি উদগনি যোগায় আহিছে।এনেধৰনৰ কৰ্ম চেতনাই নিবনুৱা শব্দটোৰ পৰিৱৰ্তে আত্ননিয়োজন হৈ স্বাৱলম্বীৰ দিশত সমাজ তথা অসমৰ উন্নয়নৰ বাট দ্ৰুত গতিত আগবাঢ়িব।বহুজন নিয়মীয়া গ্ৰাহক তথা শুভাকাংশী জনগণে সুৰজিৎ দত্তৰ দৰে মৃদুভাষী, অমায়িক, সহনশীল, চেতনা গধুৰ, সু-পৰামৰ্শদাতা বিষয়াক আজীৱন প্ৰিয় ব্যক্তি হিচাপে বুকুত সাঁচি ৰাখিব।
