ৰঙিয়াৰ বিজুলী নগৰ বাণী বিদ্যাপীঠ হাইস্কুলত ৰঙিয়া ৰেডক্ৰছ চোছাইটিৰ উদ্যোগত বিশ্ব ধপাঁত বিৰোধী দিৱস উপলক্ষে ছাত্ৰ- ছাত্ৰী সকলৰ মাজত অনুষ্ঠিত কৰা হয় সজাগতা সভা। ৰঙিয়া ৰেডক্ৰছ চোছাইটিৰ যুটীয়া সম্পাদক প্ৰকাশ ডেকাই আত ধৰা অনুষ্ঠানটোত ৰঙিয়া ৰেডক্ৰছ চোছাইটিৰ সভাপতি ডাঃ চফিকুল হকে দিৱসটিৰ তাৎপৰ্য
ব্যাখ্যা কৰাৰ লগতে ধপাঁতে গোটেই বিশ্বত নিযুতৰ হিচাপত কেনেদৰে বছৰি মানুহক মৃত্যুৰ মুখত পেলাইছে সেই সন্দৰ্ভত তথ্য বোৰ ডাঙি ধৰে । ৰঙিয়া ৰেডক্ৰছ চোছাইটিৰ সম্পাদক ডা: খবিৰুদ্দিন আহমেদে ধপাঁত সেৱনৰ পৰা মানুহে ভুগি অহা নানান দুৰাৰোগ্য ৰোগৰ কথা উল্লেখ কৰি মানৱ সমাজৰ বাবে হানিকাৰক এই বৰবিহৰ পৰা
সকলোকে কেনেদৰে আতৰাই ৰাখিব পাৰি এই সন্দৰ্ভত ছাত্ৰ ছাত্ৰী সকলৰ আগত সুন্দৰ ভাবে বুজাই দিয়ে।বিজুলী নগৰ বাণী বিদ্যাপীঠ হাইস্কুলৰ প্ৰধান শিক্ষক ফাৰুক হুছেইনে এনে স্বাস্থ্যৰ হানিকাৰক দ্ৰব্যৰ পৰা আঁতৰত ৰাখিবলৈ সজাগতাৰ প্ৰয়োজন বুলি মন্তব্য কৰে।
