নিৰৱে-নিতালে (Zubeen Garg) চিৰদিনলৈ শুই পৰিল আমাৰ সকলোৰে প্ৰাণৰ শিল্পী জুবিন গাৰ্গে। আজি পঞ্চভূতত বিলীন হ’ল গণ শিল্পী জুবিন গাৰ্গ। সোণাপুৰৰ কমাৰকুছিৰ নিৰিবিলি প্ৰকৃতিৰ মাজত চিৰদিনৰ বাবে শুই পৰিল আমাৰ জুবিনদা। জুবিনৰ চিতাৰ কাষত অজস্ৰ অনুৰাগীয়ে গালে মায়াবিনী ৰাতি…। স্বামীৰ বিদায় বেলাত কান্দি কান্দি পত্নী গৰিমা শইকীয়াও গাৰ্গেও গালে মায়াবিনী ৰাতিৰ বুকুত…।
সঁচাই বিশ্বই দেখিলে, অসমে কি হেৰুৱালে। লাখ, লাখ অনুৰাগীক এৰি গুচি গ’ল হিয়াৰ আমঠু জুবিন গাৰ্গ। কোনে, কাক সান্তনা দিব। আজি অসম ভাষাহীন। অসম আজি কান্দি কান্দি ভাগৰি পৰিছে।
এটা যুগৰ অৱসান ঘটিল। জুবিন নামৰ সম্পদটি হেৰুৱালে অসমে। ক’ব লাগিব যে বৃদ্ধৰ পৰা শিশুলৈকে আজি সকলো শোকত ভাগি পৰিছে।
