ফলক অবিহনে পশ্চিম টীয়কত পথ নিৰ্মাণ, ভূমি সংৰক্ষণৰ কামত ক্ষুব্ধ জনতা
কলিয়াপানী উন্নয়ন খণ্ডৰ অন্তৰ্গত পশ্চিম টীয়ক গাঁও পঞ্চায়তৰ অধীনৰ ঢেকীয়ানি সংযোগি টেপৰজান পথাৰ পথৰ তথ্য ফলক অবিহনে পথ নিৰ্মাণ কৰাক লৈ ৰাইজৰ মাজত প্ৰতিক্ৰিয়া সৃষ্টি হৈছে । জানিব পৰা মতে পশ্চিম টীয়ক গাঁও পঞ্চায়তৰ টেপৰজানৰ এম,জি এনেৰেগা অধীনত কলমৌ আৰু টেপৰজান খনৰ কাম স্থানীয় লোক সকলে জৱকাৰ্ডৰ দ্বাৰা সুচাৰুভাৱে চলি আছে যদিও ,আশ্চৰ্যজনক ভাৱে দুলিয়াগাঁও আৰু ঢেকীয়ানি ভৰলুৱা পথাৰৰ এটা পথ কোনো ধৰণৰ তথ্য ফলক অবিহনে কাম কৰা দেখা পাই স্থানীয় সাংবাদিকে পঞ্চায়তটোৰ সচিব পৰা জানিব বিচৰাত ভূমি সংৰক্ষণ বিভাগে কৰা কথা অৱগত কৰাৰ লগতে স্থানীয় ঠিকাদাৰক উপটোকোন দিছে বুলি জানিব পৰা গৈছে । এতিয়া প্ৰশ্ন হৈছে যি সময়ত নৰেন্দ্ৰ মোদী নেতাধীন চৰকাৰ খন ‘ সৱকে সাথ সৱকে বিকাশ ‘ নীতি দাঙি ধৰিছে ঠিক তেনে সময়ত সমস্যা জৰ্জৰিত গ্ৰাম্য অঞ্চলটোৰ টকা সঠিক কামত ব্যৱহাৰ হ’বনে সচেতন ৰাইজৰ মাজত প্ৰশ্ন উঠিছে ।