‘ৰাখাল দাসগুপ্ত মাথো এজন ব্যক্তি নাছিল ৷ তেখেত আছিল এক আদৰ্শ ৷ ভাৰতীয় ট্ৰেড ইউনিয়নৰ ইতিহাসত এক মাইলৰ খুঁটি, যাৰ অবিহনে ভাৰতীয় ট্ৰেড ইউনিয়নৰ ইতিহাস কেতিয়াও সম্পূৰ্ণ নহয় ৷ তেওঁৰ ৮৮ বছৰীয়া জীৱনকালত তেওঁ ভাৰতীয় ৰে’লৰ ট্ৰেড ইউনিয়নক দিকদৰ্শন কৰাৰ লগতে ৰে’ল ইউনিয়নক এক মজবুত স্থিতিলৈ লৈ গৈছিল’ ৷ এই ভাষ্য উত্তৰ পূৱ ৰে’লৱে মজদুৰ ইউনিয়নৰ সাধাৰণ সম্পাদক আশীষ বিশ্বাসৰ ৷ আজি উত্তৰ পূৱ সীমান্ত ৰেলৱে মজদুৰ ইউনিয়নৰ উদ্যোগত ৰাখাল দাসগুপ্ত মেমোৰিয়েল ফ’ৰামে বঙাইগাঁওৰ প্ৰিয় গুপ্ত মেমোৰিয়েল হলত আয়োজন কৰা ‘স্মৃতি দিৱস’ৰ সভাত ভাষণ প্ৰদান কৰি এইদৰে মন্তব্য কৰে নেতাগৰাকীয়ে ৷ তেওঁ আজিৰ যুৱ প্ৰজন্মক ৰাখাল দাসগুপ্তৰ আদৰ্শৰ পথেৰে বাট বুলিবলৈ আহ্বান জনায় ৷ এই স্মৃতি দিৱসৰ কাৰ্যসূচীৰ শুভাৰম্ভ হয় ইউনিয়নৰ বঙাইগাঁও শাখাৰ সভাপতি দ্বীপেন বৰাৰ দ্বাৰা ৷ ইয়াৰ পিছতে প্ৰস্তাৱিত ৰাখাল দাসগুপ্ত মেমোৰিয়েল সংগ্ৰহালয় তথা পুথিভঁৰালৰ আনুষ্ঠানিক উন্মোচন আৰু বন্তি প্ৰজ্বালন কৰে উত্তৰ পূৱ সীমান্ত ৰে’লৱেৰ ৰঙিয়া সংমণ্ডলৰ উপ মাণ্ডলীক প্ৰৱন্ধক অৰিন্দম লাইয়ে ৷ ইয়াৰ পিছতেই ৰাখাল দাসগুপ্ত মেমোৰিয়েল প্ৰদৰ্শনীৰ দ্বাৰ মুকলি কৰে অসমৰ প্ৰাক্তন শিক্ষামন্ত্ৰী তথা মজদুৰ ইউনিয়নৰ সভাপতি ৰমণী বৰ্মনে ৷ ইয়াৰ পিছতে অনুষ্ঠিত হোৱা মুকলি সভাত সভাপতিত্ব কৰে ৰাখাল দাসগুপ্ত মেমোৰিয়েল ফ’ৰামৰ সভাপতি ডঃপি কে ধৰে ৷ এই সভাত অৰিন্দম লাই, উত্তৰ পূৱ সীমান্ত ৰে’লৱেৰ মুখ্য যান্ত্ৰিক অভিযন্তা (O&F) বিমল টপ্পো, নিউ বঙাইগাঁও ৰে’লৱে চিকিৎসালয়ৰ সহ মুখ্য চিকিৎসা বিষয়া অজয় ৰায়, ৰমণী বৰ্মন, অধিবক্তা জয়শ্ৰী বৰুৱা, মজদুৰ ইউনিয়নৰ কেন্দ্ৰীয় নেতা চুচেন হাজৰিকা, এমপ্লইজ ইউনিয়নৰ কেন্দ্ৰীয় নেতা প্ৰমোদ কুমাৰ ৰস্তোগী আদিকে ধৰি বহুকেইজন বিশিষ্ট ব্যক্তিয়ে ভাষণ প্ৰদান কৰে ৷ সভাৰ উদ্দেশ্য বাখ্যা কৰে ৰাখাল দাসগুপ্ত মেমোৰিয়েল ফ’ৰামৰ সম্পাদক ডঃ তৰুণ কুমাৰ বাহাদুৰে ৷ এই অনুষ্ঠানতে ‘শ্ৰদ্ধাজ্ঞলী’ নামৰ এখনি স্মৰণিকা উন্মোচন কৰি ৰমণী বৰ্মনে ৷ শলাগৰ শৰাই আগবঢ়াই সভাৰ সামৰণি ঘটায় ডঃ ভবানী প্ৰসাদ শৰ্মাই ৷
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- কেৱল ৰূপতেই একে নহয়;অধ্যয়নৰ দিশতো সম পৰ্যায়ৰ পাৰদৰ্শিতা দুয়ো যমজ ভগ্নীৰ
- পংখী সন্দিকৈ হত্যাকাণ্ডই ন্যায় লাভ কৰিবনে ?
- বজালী, বাক্সা আৰু তামুলপুৰত জলসম্পদ বিভাগৰ নিৰ্মীয়মান মথাউৰি আৰু সুৰক্ষাৰ কাম পৰিদৰ্শন মন্ত্ৰী পীযুষ হাজৰীকাৰ
- মুকালমুৱাৰ ৩নং কান্ধবাৰীত দুই ভাতৃৰ মাজৰ ভূমি বিবাদৰ চৰম পৰিণতি…
- ৰাষ্ট্ৰীয় পৰ্যায়ৰ সুদক্ষ ভলীবল খেলুৱৈ ! অসমৰ সম্পদ পল্লৱ প্ৰাণ শাণ্ডিল্যই নাপালে কৰ্ম সংস্থাপন…
- সেই বাঁহীৰ সুৰ ক’তনো হেৰাই থাকিল…
- ড° বুলজিৎ বুঢ়াগোহাঁইৰ ‘কেৰিয়াৰ হাতপুথি’ত কি কি তথ্য আছে জানক…
- অধ্যাপক, বিশিষ্ট বিজ্ঞানী, অসম পেট্ৰকেমিকেলচৰ অৱসৰপ্ৰাপ্ত কাৰ্য্যবাহী সঞ্চালক ড° মহেন্দ্ৰ বৰগোহাঞিৰ দেহাৱসান…
- বঙাইগাঁৱত তৃতীয় পৰ্যায়ৰ নিৰ্বাচনত ভোটাধিকাৰ সাব্যস্ত কৰি বৰপেটা লোকসভা সমষ্টিৰ এনডিএৰ প্ৰাৰ্থী ফণীভূষণ চৌধুৰীৰ মন্তব্য…
- ভগৱান কৃষ্ণৰ জন্ম আৰু কংসৰ অত্যাচাৰ…