বিশিষ্ট সমাজ কৰ্মী গুণাৰাম বৰকটকীৰ মৃত্যু

সদৌ অসম ছাত্ৰ সন্থাৰ প্ৰাক্তন সহকাৰী সাধাৰণ সম্পাদক তথা অসম জাতীয় পৰিষদৰ যুটীয়া সম্পাদক দুলদুল বৰকটকীৰ পিতৃ, পাভৈ অঞ্চলৰ বিশিষ্ট সমাজ কৰ্মী গুণাৰাম বৰকটকীৰ আজি সন্ধিয়া প্ৰায় ৫ বজাত নিজা বাস ভৱনত মৃত্যু ঘটে। মৃত্যুৰ সময়ত তেওঁৰ বয়স হৈছিল ৮২ বছৰ। পাভৈ ৰূপজ্যোতি কলা পৰিষদৰ এগৰাকী অন্যতম প্ৰতিষ্ঠাপক বৰকটকীয় অঞ্চলটোৰ বিভিন্ন সামাজিক অনুষ্ঠানৰ লগত জড়িত আছিল। মৃত্যুৰ সময়ত তেওঁ পত্নীৰ উপৰি ৩ জন পুত্ৰ আৰু এগৰাকী কন্যা সন্তানক ইহ সংসাৰত এৰি থৈ যায়। তেখেতৰ মৃত্যুৰ বাতৰি পোৱাৰ পিছতে বহুতো গুণমুগ্ধই শেষ শ্ৰদ্ধা জ্ঞাপন কৰে। অসম জাতীয় পৰিষদৰ বিশ্বনাথ জিলা সমিতিৰ সভাপতি অমৃত হাজৰিকা,মুখ্য আহ্বায়ক কন্দৰ্প হাজৰিকা, পাভৈ আঞ্চলিক ছাত্ৰ সন্থা,পাভৈ পাঁচআলি ছাত্ৰ সন্থা, বিশ্বনাথ জিলা ছাত্ৰ সন্থা, আঞ্চলিক ছাত্ৰ সন্থা, ৰঙামুৰি গাঁও সংগঠন, নাম ধৰ্ম সমাজ, পাভৈ শাখা সাহিত্য সভা আদি ভালেমান অনুষ্ঠান প্ৰতিষ্ঠানে গভীৰ শোক প্ৰকাশ কৰে।