শীতৰ (Phagun) শেতেলিত উঠি ধৰাৰ বুকুলৈ নামি আহিছে ফাগুন। ৰঙা পলাশ,মদাৰ,শিমলুৱে আনিছে আশাৰ বতৰা। এই দৃশ্য নলবাৰী জিলাৰ বৰক্ষেত্ৰী সমষ্টিৰ অন্তৰ্গত লাৰকুছি কাপলাবড়ী গাঁও পঞ্চায়ত কাৰ্যালয় চৌহদৰ।
শীতৰ প্ৰকোপৰ পৰা আঁতৰি পক্ষীৰ গুণগুণনিৰ মাজেৰে সংগোপনে ধৰাৰ বুকুত নামি আহিছে ফাগুন। বননিত সৰাপাতৰ জুনুকা বাজি থকাৰ সময়তেই ধূলিময় বাটেৰে আহিছে ফাগুন ৷ এই ধুনীয়া পৰিৱেশত ফাগুন অহাৰ বাটত ৰঙা দলিছা পাৰি দিছে ৰঙা শিমলুৱে ৷
শিমলু ফুলৰ ৰঙা পৰিৱেশে এক অনন্য মাত্ৰা প্ৰদান কৰিছে পুনৰুজ্জীৱিত হোৱা এখন ছবি। নান্দনিক সৌন্দৰ্যৰ মাজত পক্ষীৰ গুণগুণনি এতিয়া আকৰ্ষণৰ কেন্দ্ৰবিন্দু হৈ পৰিছে।
