ইনক্লুছিভ মাইণ্ডেৰে আলোচনা কৰা ভয়ংকৰ তথ্য ফাদিল মুখ্যমন্ত্ৰীৰ
জুবিনক লৈ কংগ্ৰেছে ৰাজনীতি কৰাৰ অভিযোগ মুখ্যমন্ত্ৰীৰ
কংগ্ৰেছে জুবিনক টানি আনি ভুল কৰিছেঃ হিমন্ত বিশ্ব শৰ্মা
‘নিৰ্বাচনী ইস্তাহাৰত জুবিনৰ কথা আনি কংগ্ৰেছে অক্ষমনীয় অপৰাধ কৰিছে’: হিমন্ত বিশ্ব শৰ্মা
জুবিন গাৰ্গক লৈ কংগ্ৰেছে ৰাজনীতি কৰাৰ অভিযোগ মুখ্যমন্ত্ৰী হিমন্ত বিশ্ব শৰ্মাৰ। তেওঁ অভিযোগ – আগন্তুক বিধানসভা নিৰ্বাচনৰ পূৰ্বে কংগ্ৰেছে জুবিন গাৰ্গৰ নাম ব্যৱহাৰ কৰি ৰাজনৈতিক লাভ উঠাবলৈ চেষ্টা কৰিছে। মুখ্যমন্ত্ৰী হিমন্ত বিশ্ব শৰ্মাই কয় যে, কংগ্ৰেছৰ দৰে জঘন্য ৰাজনীতি কোনেও কৰা নাই। কংগ্ৰেছে জুবিনক টানি আনি ভুল কৰিছে। নিৰ্বাচনী ইস্তাহাৰত জুবিনৰ কথা আনি কংগ্ৰেছে অক্ষমনীয় অপৰাধ কৰিছে। উল্লেখ্য যে, ১৬ মাৰ্চৰ নিশা গুৱাহাটী GS ৰোডস্থিত ষ্টাৰবাক্সত ইনক্লুছিভ মাইণ্ডেৰে আলোচনা হোৱা এক গোপন বৈঠকৰ ভিডিঅ’ ক্লিপ ভাইৰেল হৈছিল সামাজিক মাধ্যমত। আৰু এই বৈঠকত কংগ্ৰেছৰ সৈতে জড়িত প্ৰচাৰ কৌশলকাৰী গোট ইনক্লুছিভ মাইণ্ডৰ সদস্যসকলে অংশগ্ৰহণ কৰিছিল। প্ৰাপ্ত তথ্য অনুসৰি, বৈঠকখনত আগন্তুক নিৰ্বাচনৰ পূৰ্বে জুবিন গাৰ্গৰ বিষয়টো “মচলা” লগাই ৰাজনৈতিক সুবিধা ল’বলৈ ব্যৱহাৰ কৰাৰ বিষয়ে আলোচনা হোৱা বুলি অভিযোগ উত্থাপন হৈছিল। এই ঘটনাৰ প্ৰসংগত আজি সংবাদ মাধ্যমৰ আগত ইনক্লুছিভ মাইণ্ডেৰে আলোচনা কৰাৰ ভিডিঅ মুকলি কৰে মুখ্যমন্ত্ৰী হিমন্ত বিশ্ব শৰ্মাই। তেওঁ কয় যে,মই মুখ্যমন্ত্ৰী হ’লে আটাইকে গ্ৰেপ্তাৰ কৰিম। সুনীল কানুগুলু বহুদিন অসমৰ জেলত থাকিব। জুবিনৰ নামত ৰাজনীতি কৰা সকলক এৰি নিদিওঁ। মই মুখ্যমন্ত্ৰীৰ শপত লোৱাৰ পাছত জুবিন গাৰ্গৰ সমাধি লৈ যাম।
