‘জয় শ্ৰীৰাম’ ধ্বনিৰে মুখৰিত মাৰ্ঘেৰিটা।
ভক্তি আৰু উলহ-মালহেৰে পালিত পৱিত্ৰ হনুমান জয়ন্তী।
সমগ্ৰ দেশৰ লগতে আজি মাৰ্ঘেৰিটাতো অত্যন্ত ভক্তিপূৰ্ণ তথা আধ্যাত্মিক পৰিৱেশত পালন কৰা হয় পৱিত্ৰ হনুমান জয়ন্তী।
ৰামভক্ত হনুমানৰ জন্মোৎসৱক কেন্দ্ৰ কৰি আজি পুৱাৰে পৰা মাৰ্ঘেৰিটাৰ আকাশ-বতাহ মুখৰিত হৈ পৰে।
হনুমান জয়ন্তীৰ এই বিশেষ দিনটোৰ লগত সংগতি ৰাখি মাৰ্ঘেৰিটাৰ ৰাজপথত উলিওৱা হয় এক বিশাল ধৰ্মীয় শোভাযাত্ৰা।
সমদলত অংশগ্ৰহণ কৰা হাজাৰ হাজাৰ ভক্তৰ ‘জয় শ্ৰীৰাম’ আৰু ‘জয় হনুমান’ ধ্বনিৰে অঞ্চলটোত এক উখল-মাখল পৰিৱেশৰ সৃষ্টি হয়।
গেৰুৱা পতাকা আৰু শংখ-ঘণ্টাৰ ধবনিৰে মাৰ্ঘেৰিটাৰ মূল পথসমূহ এক আধ্যাত্মিক সুৰত বিলীন হৈ পৰে।
উৎসৱৰ দিনটোত অঞ্চলটোৰ মন্দিৰসমূহতো দেখিবলৈ পোৱা যায় ভক্তৰ ভিৰ।
”মাৰ্ঘেৰিটাৰ এই বিশাল সমদলে কেৱল ধৰ্মীয় আৱেগকেই প্ৰতিফলিত কৰা নাই, বৰঞ্চ অঞ্চলটোৰ ভক্তি আৰু একতাৰ নিদৰ্শনো দাঙি ধৰিছে।”
হনুমান জয়ন্তী উপলক্ষে সমগ্ৰ মাৰ্ঘেৰিটা নগৰত এক বিশেষ উছাহ-উদ্দীপনা দেখিবলৈ পোৱা যায়।
স্থানীয় ৰাইজৰ লগতে বিভিন্ন ধৰ্মীয় সংগঠনৰ সহযোগত এইবাৰৰ জয়ন্তী অত্যন্ত সাফল্যমণ্ডিত হৈ উঠে।
