Priyanka Chopra । বৰ্তমান ভাৰতত আছে আৰু নিজৰ আগন্তুক ভাৰতীয় ছবিৰ শ্বুটিংত ব্যস্ত সময় পাৰ কৰিছে। ব্যস্ততাৰ মাজতো নিজৰ বাবে কিছু বিশেষ সময় উলিয়াই অভিনেত্ৰীগৰাকীয়ে পুলত চিল কৰাৰ কিছুমান গ্লেমাৰাছ মুহূৰ্ত ছ’চিয়েল মিডিয়াত শ্বেয়াৰ কৰি পুনৰবাৰ অনুৰাগীৰ দৃষ্টি আকৰ্ষণ কৰিছে।
অভিনেত্ৰীগৰাকীয়ে নিজৰ ইনষ্টাগ্ৰামত শ্বেয়াৰ কৰা ফটোসমূহত ক’লা মনোকিনি পিন্ধি পুলৰ কাষত আৰু পানীত সময় কটোৱা দেখা গৈছে। নীলা আকাশৰ পটভূমিত তোলা ছবিসমূহত তেওঁক আত্মবিশ্বাসী আৰু ষ্টাইলিছ ৰূপত দেখা যায়। এটা ভিডিঅ’ত পুলৰ পৰা ওলাই অহা মুহূৰ্তও শ্বেয়াৰ কৰিছে, যি ইতিমধ্যে ছ’চিয়েল মিডিয়াত ভাইৰেল হৈ পৰিছে।
ফটোসমূহত অভিনেত্ৰীগৰাকীয়ে নিজৰ ফিটনেছ আৰু টোনড লুকো প্ৰদৰ্শন কৰাৰ লগতে স্কিনকেয়াৰ ৰুটিনৰ কিছু ঝলকো অনুৰাগীৰ সৈতে ভাগ-বতৰা কৰিছে। পুলত সময় কটোৱাৰ পিছত ফেচ মাস্ক ব্যৱহাৰ কৰা ফটোও তেওঁ শ্বেয়াৰ কৰিছে।
ফটোসমূহৰ সৈতে অভিনেত্ৰীগৰাকীয়ে লিখিছে, “এটা সুন্দৰ দেওবাৰ আছিল… এতিয়া মই গ্ৰীষ্মকাললৈ আহিছো।” এই কেপশ্যনৰ পিছতেই অনুৰাগীসকলৰ প্ৰতিক্ৰিয়াৰে ভৰি পৰে কমেণ্ট ছেকশ্যন। বহুতে তেওঁক “ৰাণী”, “ষ্টানিং” আৰু “সুন্দৰ” বুলি অভিহিত কৰিছে।
ইফালে, অভিনেত্ৰীগৰাকী বৰ্তমান হায়দৰাবাদত নিজৰ আগন্তুক ছবিৰ শ্বুটিংতো ব্যস্ত। শ্বুটিং চেটৰ পৰা চন্দ্ৰালোকিত নিশাৰ এখন সুন্দৰ ফটো শ্বেয়াৰ কৰি সেই মুহূৰ্তো অনুৰাগীৰ সৈতে ভাগ কৰিছে।
ব্যস্ত শ্বুটিং সূচীৰ মাজতো ব্যক্তিগত সময় উপভোগ কৰা এই মুহূৰ্তবোৰে পুনৰ এবাৰ অনুৰাগীৰ মাজত চৰ্চা লাভ কৰিছে।
