৬৩%লৈ বৃদ্ধি পাব পাৰে চৰকাৰী কৰ্মচাৰী আৰু পেন্সনাৰৰ ডি এ৷ চলিত বৰ্ষৰ এপ্ৰিল মাহত মোদী চৰকাৰে কেন্দ্ৰীয় চৰকাৰৰ কৰ্মচাৰী আৰু পেন্সনাৰৰ ডি এ ২ শতাংশ বৃদ্ধিৰ কথা ঘোষণা কৰিছিল৷ ইয়াৰ জৰিয়তে ডি এ পূৰ্বৰ ৫৮ শতাংশৰ পৰা এতিয়া মৌলিক দৰমহাৰ ৬০ শতাংশলৈ বৃদ্ধি কৰা হৈছিল৷ এতিয়া ডি এ ৬৩%লৈ বৃদ্ধি পাব পাৰে৷ সমগ্ৰ ভাৰতবৰ্ষৰ লাখ লাখ কেন্দ্ৰীয় চৰকাৰৰ কৰ্মচাৰী আৰু পেন্সনাৰসকলে ২০২৬ চনৰ জুলাইৰ পৰা ডিয়াৰনেছ এলাৱেন্স [ডি এ] আৰু ডিয়াৰনেছ ৰিলিফ [ডি আৰ] ৩ শতাংশ বৃদ্ধি লাভ কৰিব পাৰে৷
শেহতীয়া মুদ্ৰাস্ফীতিৰ পৰিসংখ্যাই ইংগিত দিয়ে যে ৩ শতাংশ বৃদ্ধিৰ সম্ভাৱনা আছে৷ যদি চৰকাৰে এই বৃদ্ধিত অনুমোদন দিয়ে তেন্তে ডি এৰ হাৰ ৬০ শতাংশৰ পৰা ৬৩ শতাংশলৈ বৃদ্ধি পাব, যাৰ অৰ্থ হ’ব পাৰে সমগ্ৰ দেশৰ লাখ লাখ কৰ্মচাৰী আৰু অৱসৰপ্ৰাপ্ত লোকৰ বাবে অধিক দৰমহা আৰু পেন্সন বৃদ্ধি৷ লাখ লাখ কেন্দ্ৰীয় চৰকাৰৰ কৰ্মচাৰী আৰু পেন্সনাৰৰ দৰমহা সালসলনি আৰু মগজুৰ ভাত্তা সন্দৰ্ভত ঘোষণাৰ বাবে আগ্ৰহেৰে অপেক্ষা কৰি আছে৷ লেবাৰ ব্যুৰোৱে প্ৰকাশ কৰা শেহতীয়া কনজিউমাৰ প্ৰাইচ ইনডেক্স ফৰ ঔদ্যোগিক শ্ৰমিকৰ [চিপিআই-আইডব্লিউ] তথ্যৰ ফলত ডিএ অধিক হোৱাৰ আশা কৰা হৈছে৷
২০২৬ চনৰ এপ্ৰিল মাহত এই সূচকাংক ০.৮ পইণ্ট বৃদ্ধি পাই ১৪৯.৯ পইণ্ট হৈছে৷ শেহতীয়া তথ্যই মুদ্ৰাস্ফীতি অব্যাহত থকাৰ কথা সূচায়, যাৰ ফলত ভাত্তা আৰু বৃদ্ধিৰ সম্ভাৱনা অধিক হৈ পৰে৷ উপলব্ধ তথ্য অনুসৰি ২০২৬ চনৰ প্ৰথম চাৰি মাহৰ ভিতৰত ডি এ গণনা ক্ৰমাগতভাৱে বৃদ্ধি পাইছে৷ এপ্ৰিল মাহৰ মুদ্ৰাস্ফীতিৰ ৰিডিঙৰ পিছত গণনা কৰা ডি এ ৬২.৫৪ শতাংশত আছে৷ যদিহে মে’ আৰু জুন মাহৰ চিপিআই-আইডব্লিউৰ তথ্য বৰ্তমানৰ অনুমানৰ সৈতে সামঞ্জস্যপূৰ্ণ হৈ থাকে তেন্তে চূড়ান্ত পৰিসংখ্যা প্ৰায় ৬৩.৭২ শতাংশ হ’ব পাৰে৷ সাধাৰণতে ডি এক নিকটতম পূৰ্ণসংখ্যালৈ গোল কৰা হয় বাবে সংশোধিত ভাত্তা ৬৩ শতাংশ নিৰ্ধাৰণ কৰা হ’ব বুলি আশা কৰা হৈছে৷ অৰ্থাৎ ৩ শতাংশ বৃদ্ধিৰ ফলত ডি এ হাৰ ৬০ শতাংশৰ পৰা ৬৩ শতাংশলৈ বৃদ্ধি পাব পাৰে৷ ডি এ বৃদ্ধিৰ নিৰপেক্ষ পৰিমাণ কৰ্মচাৰীজনৰ মৌলিক দৰমহাৰ ওপৰত নিৰ্ভৰ কৰে৷ নূ্যনতম মৌলিক দৰমহা ১৮ হাজাৰ টকা লোৱা লেভেল-ৰ কেন্দ্ৰীয় চৰকাৰৰ কৰ্মচাৰীৰ বাবে বৰ্তমান ৬০ শতাংশ ডি এ প্ৰতি মাহে ১০,৮০০ টকা৷ যদি ডি এ ৬৩ শতাংশলৈ বৃদ্ধি পায় তেন্তে মাহেকীয়া ডি এ উপাদান ১১,৩৪০ টকালৈ বৃদ্ধি পাব, যাৰ ফলত প্ৰতি মাহে অতিৰিক্ত ৫৪০ টকা লাভ কৰিব৷ পেন্সনাৰসকলক দিয়া ডিয়াৰনেছ ৰিলিফ [ডি আৰ]ৰ ক্ষেত্ৰতো একেই বৃদ্ধি প্ৰযোজ্য হ’ব৷
নূ্ন্যতম মৌলিক পেন্সন জ্ঝ হাজাৰ টকা লোৱা পেন্সনাৰ এজনে ডি আৰ বৰ্তমানৰ ৬০ শতাংশ হাৰত ৫,৪০০ টকাৰ পৰা ৬৩ শতাংশ ৫,৬৭০ টকালৈ বৃদ্ধি পাব যাৰ অৰ্থ হ’ল প্ৰতি মাহে ২৭০ টকা অতিৰিক্ত৷ ঔদ্যোগিক শ্ৰমিকৰ বাবে সৰ্বভাৰতীয় গ্ৰাহক মূল্য ব্যৱহাৰ কৰি ডিয়াৰনেছ ভাত্তা গণনা কৰা হয়৷ সপ্তম দৰমহা আয়োগৰ অধীনত কেন্দ্ৰীয় চৰকাৰী কৰ্মচাৰীৰ বাবে ডি এ বহলভাৱে এই সূত্ৰ ব্যৱহাৰ কৰি গণনা কৰা হয় : ডি এণ [গড় এআইচিপিআই [১২ মাহ]–২৬১.৪২]য২৬১.৪২ × ১০০৷ ডি এ হৈছে এজন কৰ্মচাৰীৰ মৌলিক দৰমহাৰ শতাংশ যিটো তেওঁলোকৰ জীৱন-যাপনৰ খৰচত মুদ্ৰাস্ফীতিৰ প্ৰভাৱ কমোৱাত সহায় কৰিবলৈ ডিজাইন কৰা হৈছে৷ ডি এ বৃদ্ধিৰ ফলত কৰ্মচাৰীসকলৰ বাবে টেক-হোম পে’ বেছি হয়, যাৰ ফলত মুদ্ৰাস্ফীতিৰ পৰা কিছু সকাহ পোৱা যায়৷ ২০২৬ চনৰ ৰ জুলাইৰ পৰা কাৰ্যকৰী হ’ব এই বৃদ্ধি৷ অৱশ্যে আনুষ্ঠানিক ঘোষণাৰ বাবে কিছু সময় লাগিব৷ চৰকাৰে সাধাৰণতে বছৰত দুবাৰকৈ ডি এ বৃদ্ধি ঘোষণা কৰে, এবাৰ জানুৱাৰী-জুন সময়ছোৱাৰ বাবে মাৰ্চ মাহত আৰু পুনৰ জুলাই-ডিচেম্বৰ সময়ছোৱাত ছেপ্টেম্বৰ-অক্টোবৰ মাহত৷ আনুষ্ঠানিক ঘোষণাৰ বাবে কৰ্মচাৰীসকলে হয়তো দীপাৱলীলৈকে অপেক্ষা কৰিব লাগিব৷ অৱশ্যে ইতিমধ্যে পাৰ হোৱা মাহৰ বকেয়া লাভ কৰিব কৰ্মচাৰী আৰু পেন্সনাৰ উভয়ে৷
