এটা যুগৰ অৱসান। কোটি কোটি অনুৰাগীৰ হৃদয় ভাঙি আন্তঃৰাষ্ট্ৰীয় ফুটবলৰ পৰা অৱসৰ ঘোষণা বিশ্ব ফুটবলৰ মহাতাৰকা লিঅ’নেল মেছিৰ। লিঅ’নেল মেছিৰ অৱসৰৰ পাছতে দুখ প্ৰকাশ কোটি কোটি অনুৰাগীৰ।সোমবাৰে ইনষ্টাগ্ৰামযোগে অৱসৰৰ কথা ঘোষণা কৰে মেছিয়ে। ৩৯ বছৰ বয়সত অৱসৰ ল’লে মেছিয়ে।
মেছিৰ অৱসৰৰ সন্দৰ্ভত ফিফাৰ সভাপতি জিয়ানি ইনফান্টিনো আৰু সহযোগী আৰ্জেণ্টিনাৰ খেলুৱৈসকলে মহাতাৰকাগৰাকীক উজ্জ্বল ভৱিষ্যতৰ বাবে ধন্যবাদ জনাইছে।
বিশ্বজুৰি অন্যতম জনপ্ৰিয় মুখ মেছিৰ ভাৰততো বহু অনুৰাগী আছে। তেওঁৰ অৱসৰ ঘোষণা কৰা ইনষ্ট্ৰাগ্ৰাম প’ষ্টত অনুৰাগীৰ আৱেগিক মন্তব্যৰে উপচি পৰিছে, অনুৰাগীসকলে খেলপথাৰৰ পৰাই কিংবদন্তিগৰাকীৰ বিজয়ী মুহূৰ্তৰ ছবি আৰু ভিডিঅ’ শ্বেয়াৰ কৰি আহিছে।
মেছিৰ কিংবদন্তি ফুটবল যাত্ৰাঃ
অভিলেখ ৮বাৰৰ বেলন ডি’অৰ বিজয়ীগৰাকীয়ে বিশ্বকাপ বিজয়ী আৰু দুবাৰৰ কোপা আমেৰিকাৰ চেম্পিয়ন হয়। ডিয়েগো মাৰাডোনাৰ অপৰিসীম ছাঁৰ পৰা ওলাই আহি সম্পূৰ্ণ নিজৰ আৰ্জেণ্টিনাৰ উত্তৰাধিকাৰ সৃষ্টি কৰিলে মেছিয়ে।
২০১৪ চনৰ বিশ্বকাপৰ ফাইনেল আৰু একেৰাহে কোপা আমেৰিকাৰ ফাইনেলত পৰাজয়কে ধৰি আৰ্জেণ্টিনাৰ সৈতে বছৰ বছৰ ধৰি হতাশাৰ অন্তত মেছিয়ে ২০২১ চনৰ কোপা আমেৰিকাত প্ৰথমটো বৃহৎ আন্তঃৰাষ্ট্ৰীয় ট্ৰফী লাভ কৰে।
ইয়াৰ পিছতে মেছিয়ে ২০২২ চনৰ ফাইনেলত ডোহাত ফ্ৰান্সৰ বিৰুদ্ধে পেনাল্টি শ্বুটআউটত জয়লাভ কৰি আৰ্জেণ্টিনাক বিশ্বকাপৰ গৌৰৱলৈ লৈ যায়। বাৰ্চিলোনা আৰু পেৰিছ ছেইণ্ট জাৰ্মেইনৰ প্ৰাক্তন ফৰৱাৰ্ডগৰাকীয়ে এতিয়া ইণ্টাৰ মিয়ামিৰ হৈ খেলিছে, ২০২৪ চনত আন এক কোপা আমেৰিকাৰ খিতাপ সংযোজন কৰিছিল।কিন্তু ২০২৬ চনৰ বিশ্বকাপৰ ফাইনেলত স্পেইনৰ হাতত ১-০ গ’লত পৰাস্ত হৈছিল তেওঁৰ দলটোৱে। ২০০৫ চনত আৰ্জেণ্টিনাত অভিষেক ঘটোৱা মেছিয়ে নিজৰ দেশৰ হৈ ২০৭খন খেলত ১২৫টা গ’ল দিছিল।
