‘The Midway Journey’ৰ উদ্যোগত ৰাইমনা ৰাষ্ট্ৰীয় উদ্যানৰ সমীপত অনুষ্ঠিত মূকাভিনয় কৰ্মশালাৰ ১২ অক্টোবৰ, ২০২৬ তাৰিখে সফল সামৰণি পৰে। এই কৰ্মশালাত মুঠ ২০ গৰাকী ছাত্ৰ-ছাত্ৰীয়ে অংশগ্ৰহণ কৰে।
কৰ্মশালাখনত প্ৰশিক্ষণ প্ৰদান কৰে অসমৰ প্ৰতিভাৱান যুৱ মূকাভিনয় শিল্পী মিনাংক ডেকাই। তেওঁৰ তত্ত্বাৱধানত অংশগ্ৰহণকাৰীসকলে মূকাভিনয়ৰ বিভিন্ন কৌশল, শৰীৰী অভিব্যক্তি আৰু অভিনয়ৰ জৰিয়তে সামাজিক বাৰ্তা প্ৰদানৰ বিষয়ে প্ৰশিক্ষণ লাভ কৰে।
কৰ্মশালাৰ সামৰণি অনুষ্ঠানত অংশগ্ৰহণকাৰীসকলে ‘Stop Plastic Pollution’ শীৰ্ষক এক বিশেষ মূকাভিনয় পৰিৱেশন কৰে। এই পৰিৱেশনৰ জৰিয়তে প্লাষ্টিক প্ৰদূষণৰ ভয়াৱহতা, প্লাষ্টিকৰ ব্যৱহাৰ হ্ৰাস কৰা, পুনৰ ব্যৱহাৰ আৰু পুনঃচক্ৰীকৰণৰ গুৰুত্বৰ বিষয়ে সজাগতাৰ বাৰ্তা প্ৰদান কৰা হয়।
কৰ্মশালাখনে ছাত্ৰ-ছাত্ৰীসকলৰ মাজত সৃজনশীলতা, আত্মবিশ্বাস আৰু দলীয় কৰ্মদক্ষতা বৃদ্ধিৰ লগতে পৰিৱেশ সংৰক্ষণৰ প্ৰতি দায়বদ্ধতা গঢ়ি তোলাত গুৰুত্বপূৰ্ণ ভূমিকা পালন কৰে। মুকাভিনয়ৰ জৰিয়তে সামাজিক আৰু পৰিৱেশ সম্পৰ্কীয় বিষয়সমূহ জনসাধাৰণৰ মাজলৈ লৈ যোৱাৰ এই প্ৰয়াসে কলা-সংস্কৃতিৰ সামাজিক ভূমিকা পুনৰ প্ৰতিফলিত কৰে।
