শিৱসাগৰত তেল আৰু প্ৰাকৃতিক গেছ নিগম ঠিকাদাৰ সন্থা সংবাদ মেল।শিৱসাগৰ নগৰৰ প্ৰেছ ক্লাব ত সংবাদ মেল আয়োজন।তেল আৰু প্ৰাকৃতিক গেছ নিগমত অসমীয়া নিবনুৱা কৃষি ভূমি দি বহু ক্ষেত্ৰত সহযোগিতা স্থাপন কৰি আহিছে।উত্তৰ পূৰ্বাঞ্চলৰ সৰ্ব বৃহৎ উদ্যোগ প্ৰতিস্থাপন তেল আৰু প্ৰাকৃতিক গেছ নিগমৰ বছৰ বছৰ ধৰি ঠিকা কাম কৰি পৰিয়াল পোহপাল দিয়া প্রায় ৫০০ ঠিকাদাৰ পৰিয়ালক ভাতে মৰাৰ এক ষড়যন্ত্ৰৰ লিপ্ত হৈছে।
যোৱা ইং ৩০/০৯/২০১৯ তাৰিখে নিবিদা নং RC2NC1909ৰ যোগেদি তিনি বছৰৰ বাবে আহ্বান কৰা তৈল্যক্ষেত্ৰ কেইখনত ARC (Annual Rate Contact) নিবিদাত দুবাৰকৈ নিৰিখ ধাৰ্য্য কৰিব দি ক’ভিদ – ১৯ ৰ সুযোগ লৈ নিম্ন হাৰত নিৰিখ ধাৰ্য্য কৰিবলৈ বাধ্য কৰিলে। অন্যথা ঠিকাদাৰসকলক ব্লেক লিষ্ট কৰাৰ ভাবুকি প্রদান কৰিলে। যাৰ বাবে ঠিকাদাৰসকলে বহু লোকচানৰ
সন্মুখীন হ’ব লগা হয়। উক্ত বিষয় টো ওপৰত ঠিকাদাৰ সন্থাই পেট্ৰলিয়াম মন্ত্ৰী ৰামেশ্বৰ টেলী ডাঙৰীয়াৰ যোগেদি
অ’এন.জি.চি. কর্তৃপক্ষক উক্ত নিবিদাটো বাতিল কৰিবৰ বাবে স্মাৰক পত্ৰ প্ৰেৰণ কৰা পাছতোকোনোধৰণৰ সহাৰি নজনালে।পুনৰ আচৰ্যজনক ভাৱে যোৱা ইং 25/06/2022 তাৰিখে নিবিদা নং RC1B22005 ৰ যোগেদি তেল আৰুপ্রাকৃতিক গেছ নিগমে নিবিদা আহ্বান কৰিছে। উক্ত নিবিদাত Sub head A আৰু Sub head B বুলি উল্লেখ কৰি লাকুৱা, গেলেকী, ৰূদ্ৰসাগৰ তিনিখন তৈলক্ষেত্ৰৰ প্ৰত্যেকতে দুটাকে গ্রুপ উল্লেখ কৰি কৈছে যে Sub head A ত পাঁচ জনকৈ আৰু Sub head Bত পোন্ধৰ জনকৈ প্ৰত্যেক তৈল ক্ষেত্ৰত ঠিকাদাৰ বাচনি কৰা হৈছে। উক্ত নিবিদা সম্পৰ্কত যোৱা ইংৰাজী ৫-07-2022 তাৰিখে তেল আৰু প্ৰাকৃতিক গেছ নিগমৰ চিভিল কৰ্তৃপক্ষক লিখিত স্মাৰক পত্ৰৰ যোগেদি সকলো ঠিকাদাৰ অন্তৰ্ভুক্ত কৰাৰ বিষয়ে কোৱা হৈছিল আৰু লগতে নিৰিখ ধাৰ্য্য ১০ শতাংশ তলত বা ওপৰত নিৰিখ ধাৰ্য্য কৰিব কোৱা হৈছিল যদিও আজি পর্যন্ত বিভাগীয় কর্তৃপক্ষই একো সু-ব্যৱস্থা গ্ৰহণ নকৰিলে।
নিবিদাৰ অন্তৰালত নিহিত হৈ থকা কূট কৌশলৰ যোগেদি এচাম অনা অসমীয়া উৰ্ধতম কৰ্তৃপক্ষৰ মইমতালিত স্থানীয় শিক্ষিত নিবনুৱা ঠিকাদাৰ সকল ঠিকা কামৰ পৰা বঞ্চিত কৰি অসমীয়াক ভাতে মৰাৰ ব্যৱস্থা কৰিব উলাইছে তাক লৈ তীব্র ভাষাৰে গৰিহনা জনাইছে যদি উক্ত বিভাগীয় কৰ্তৃপক্ষই এক সু সিদ্ধান্ত নকৰিলে এক গণতান্ত্ৰিক প্ৰক্ৰিয়াৰে আন্দোলনৰ কাৰ্যসূচী গ্ৰহণ হুংকাৰ প্ৰদান কৰিছে।
