বন বিভাগৰ তৎপৰতাত আমগুৰি ৰেলৱে কলনিৰ ১০ নং ৱাৰ্ডৰ এজন লোকৰ বাসগৃহৰ ভিতৰত ডিঙি আৰু ঠেং কটা অৱস্থাত উদ্ধাৰ হয় কাছটো, সম্প্ৰতি পলাতক চোৰাং চিকাৰী। বন্যপ্ৰাণী আৰু মানুহৰ মাজত প্ৰায়ে সংঘাত হৈ অহা খবৰ ৰাজ্যৰ চৌদিশে সম্পচাৰিত হৈ আহিছে। কঠোৰ হৈছে চৰকাৰ নতুবা বন বিভাগ। এফালে প্ৰকৃতিপ্ৰেমী সকলে বন আৰু বন্যপ্ৰাণী সমূহ সংৰক্ষণ কৰি মানৱতাৰ জড়িয়তে ৰাইজক সজাগ, সচেতন কৰিব বিচাৰিছে। আনফালে আকৌ এটা চক্ৰই চলাই গৈছে প্ৰকৃতি ধ্বংসৰ জড়িয়তে মাংস ভক্ষণৰ নামত সন্ত্ৰাস। এইবাৰ স্থান আমগুৰি। শিৱসাগৰৰ আমগুৰি নগৰস্থিত বৰপুখুৰীৰ পৰা দিন দুপৰতে এটা দুষ্প্ৰাপ্য কাছ চোৰি।
চোৰাং চিকাৰীৰ দ্বাৰা বৰশীত ধৰি কাছ নিধন। আমগুৰি বন বিভাগৰ তৎপৰতাত আমগুৰি ৰেলৱে কলনিৰ ১০ নং ৱাৰ্ডত মৃত অৱস্থাত উদ্ধাৰ হৈছে দুষ্প্ৰাপ্য কাছটো। সমৰ শীল নামৰ লোকজনৰ বাসগৃহৰ ভিতৰত ডিঙি আৰু ঠেং কটা অৱস্থাত উদ্ধাৰ হয় কাছটো। অভিযুক্তৰ ঘৰৰ পৰা কাছ নিধন কৰা বিভিন্ন ধৰণৰ সামগ্ৰী সমূহ ক্ৰমে দুখন চোকা দা, এখন খুকুৰী, এখন কটাৰী, এটা প্লাছ আৰু এটা হাতুৰী জব্দ কৰিছে বন বিভাগে। সম্প্ৰতি পলাতক চোৰাং চিকাৰীটো।
