২০৫০ চনৰ ভিতৰত ৮০ কোটিতকৈ অধিক লোক এই ৰোগৰ বলি হোৱাৰ সম্ভাৱনা! অনাগত কেইবছৰমানৰ ভিতৰত অৰ্থাৎ ২০৫০ চনৰ ভিতৰত ৮০ কোটিতকৈ অধিক লোক কঁকালৰ বিষত ভোগাৰ সম্ভাৱনা। বৰ্তমান দ্ৰুতগতিত বৃদ্ধি পাইছে এই ৰোগৰ ৰোগীৰ সংখ্যা। যদি এনেদৰে কঁকালৰ বিষৰ সমস্যা বাঢ়ি গৈ থাকে, তেন্তে আগন্তুক ২৫ বছৰত বিশ্বৰ কোটি কোটি লোক আক্ৰান্ত হ’ব পাৰে কঁকালৰ বিষত। Lancet Rheumatology Journal ত প্ৰকাশিত এক অধ্যয়নত কোৱা হৈছে যে ২০৫০ চনৰ ভিতৰত সমগ্ৰ বিশ্বৰ প্ৰায় ৮৪ কোটি লোক কঁকালৰ বিষৰ সমস্যাত ভুগিব। ইয়াৰ লগতে এই অধ্যয়নত এইটোও কোৱা হৈছে যে কঁকালৰ বিষৰ বেছিভাগ এছিয়া আৰু আফ্ৰিকান দেশত দেখা যাব। অষ্ট্ৰেলিয়াৰ ছিডনী বিশ্ববিদ্যালয়ৰ কঁকালৰ বিষৰ অধ্যাপক তথা এই অধ্যয়নৰ মূল লেখক মেনুৱেল ফেৰেইৰাই কয় যে এই অধ্যয়নটোত কোৱা হৈছে কঁকালৰ বিষৰ সমস্যাই অনাগত দিনত চিকিৎসা আৰু স্বাস্থ্যসেৱা ব্যৱস্থাৰ ওপৰত বৃহৎ বোজা জাপি দিব পাৰে। ফেৰেইৰাই কয় যে কঁকালৰ তলৰ অংশৰ বিষৰ ক্ষেত্ৰ নিয়ন্ত্ৰণ কৰিবলৈ হ’লে ইয়াৰ ওপৰত সঠিক গৱেষণা হ’ব লাগে যাতে এই ৰোগ নিয়ন্ত্ৰণ কৰিব পৰা যায়।
লেন্সেটৰ অধ্যয়নত কোৱা হৈছে যে বিশ্বজুৰি কঁকালৰ বিষৰ সমস্যাত আক্ৰান্ত লোকৰ সংখ্যা আছিল ৬১৯ মিলিয়ন, আনহাতে অনাগত বছৰবোৰত ই বহুগুণ বৃদ্ধি পাব। কেৱল এয়াই নহয়, কঁকালৰ বিষৰ লগত জড়িত আঘাত আৰু অক্ষমতাৰ প্ৰায় এক তৃতীয়াংশ ক্ষেত্ৰ কাৰ্যালয়ৰ কামৰ বোজা, ধূমপান আৰু অতিৰিক্ত ওজনৰ সৈতে জড়িত। যদিও কঁকালৰ বিষৰ সৈতে জড়িত বেছিভাগ গোচৰেই অফিচৰ কামৰ বোজাৰ সৈতে জড়িত বুলি ক’লে ভুল হ’ব।
গৱেষকসকলে এই সিদ্ধান্তত উপনীত হৈছে যে কঁকালৰ বিষৰ বেছিভাগেই বয়স বৃদ্ধিৰ সৈতে জড়িত আৰু পুৰুষতকৈ মহিলাসকল অধিক বলি হয়। লেন্সেটৰ অধ্যয়নত গ্ল’বেল বাৰ্ডেন অৱ ডিজিজৰ যোৱা ২০ বছৰৰ তথ্যৰ মূল্যায়ন কৰা হৈছে। লেন্সেট অধ্যয়নৰ বাবে তথ্যৰ বাবে প্ৰায় ২০৪খন দেশত অধ্যয়ন কৰা হৈছিল। এই অধ্যয়নৰ অধীনত ত্ৰিশ বছৰৰ ওপৰৰ লোকৰ ওপৰত মূল্যায়ন কৰা হৈছে।
