বিশ্বজুৰি হৃদৰোগৰ বাবে বহুলোকৰ মৃত্যু হয়। কিন্তু আমি স্বাস্থ্যসন্মত খাদ্য গ্ৰহণ কৰি এই ৰোগৰ হ্ৰাস কৰিব পাৰোঁ। তাৰ বাবে আপুনি আপোনাৰ খাদ্যৰ প্ৰতি যত্ন ল’ব লাগিব। চীনৰ গৱেষকসকলে দাবী কৰিছে যে খাদ্যাভ্যাসৰ পৰিৱৰ্তন কৰিলে হৃদৰোগৰ ফলত হোৱা মৃত্যু ৰোধ কৰিব পৰা যায়। গৱেষকসকলে কয় যে অস্বাস্থ্যকৰ খাদ্যাভ্যাস উচ্চ ৰক্তচাপ আৰু হাৰ্ট এটেকত হোৱা মৃত্যুৰ অন্যতম প্ৰধান কাৰণ। বৰ্তমান এই ৰোগত আক্ৰান্ত লোকৰ সংখ্যাও বৃদ্ধি পাইছে।
গৱেষকসকলে মাছ, ফল-মূল, শাক-পাচলি, বাদাম খাবলৈ পৰামৰ্শ দিছে। চেনিযুক্ত পানীয়, অতিৰিক্ত নিমখ আৰু চেনি আদি প্ৰচেছড বা আল্ট্ৰা প্ৰচেছড খাদ্য কম কৈ খাবলৈ পৰামৰ্শ দিছে।
আপুনি কি কি কাদ্য সেৱন কৰিব-
প্ৰতিদিনে সাগৰীয় খাদ্যৰ পৰা ২০০ৰ পৰা ৩০০ মিলিগ্ৰাম ওমেগা-৩ ফেটি এচিড লাভ কৰক।
প্ৰতিদিনে ২০০ৰ পৰা ৩০০ গ্ৰাম ফলমূল খাওক
প্ৰতিদিনে ২৯০ৰ পৰা ৪৩০ গ্ৰাম শাক-পাচলি খাওক
খাদ্যত দৈনিক ১৬ৰ পৰা ২৫ গ্ৰাম বাদাম অন্তৰ্ভুক্ত কৰিব লাগে
