সমগ্ৰ বিশ্বতে জলবায়ু পৰিৱৰ্তনৰ ভাবুকি, যাৰ প্ৰত্যক্ষ প্ৰভাৱ আমাৰ স্বাস্থ্যৰ ওপৰত পৰিছে। বৰ্তমান সময়ত চৰ্দি আৰু চকুৰ সংক্ৰমণৰ সমস্যা মানুহৰ মাজত সাধাৰণ হৈ পৰিছে। এক গৱেষণাত জলবায়ু পৰিৱৰ্তনক এই ৰোগ সমূহৰ মূল কাৰণ হিচাপে বিবেচিত হৈছে। এই গৱেষণা প্ৰকাশ পাইছে ফ্ৰন্টিয়াৰ্ছ ইন এলাৰ্জী নামৰ আলোচনীখনত। আজি আমি আপোনালোকক জনাম চকুৰ সংক্ৰমণ বৃদ্ধি পোৱাৰ আঁৰৰ কাৰণ সমূহৰ বিষয়ে-
চকুৰ সংক্ৰমণৰ আটাইতকৈ সাধাৰণ কাৰণ হ’ল হাত মিলোৱা বা আক্ৰান্ত ব্যক্তিৰ সংস্পৰ্শলৈ অহা। এনে সময়ত নিয়মিতভাৱে চাবোন আৰু পানীৰে হাত ধুব লাগে।
হাত পৰিষ্কাৰ নকৰিলে হাতৰ বেক্টেৰিয়া বা ভাইৰাছ চকুত সোমাৱ পাৰে। বিশেষকৈ চকু দুটা স্পৰ্শ কৰাৰ পৰা বিৰত থাকিব।
চকু ঘঁহিলে হাতৰ বেক্টেৰিয়া বা ভাইৰাছ চকুত প্ৰৱেশ কৰিব পাৰে। চকু শুকান বা খজুৱতি হ’লেও ঘঁহিব নালাগে।
দিনটোত কেইবাবাৰো পৰিষ্কাৰ পানীৰে চকু ধুব লাগে। ইয়াৰ দ্বাৰা চকুত থকা যিকোনো বেক্টেৰিয়া বা ভাইৰাছ আঁতৰিব।
প্ৰতিদিনে আপোনাৰ কনটেক্ট লেন্স পৰিষ্কাৰ কৰক। নিৰ্দেশনা অনুসৰণ কৰক আৰু নিৰ্ধাৰিত সময়ত আপোনাৰ কনটেক্ট লেন্স সলনি কৰক।
প্ৰতিদিনে চশমা চাফা কৰক। ইয়াৰ ফলত চকুত ধূলি সোমাব নোৱাৰে।
়
