নগাঁৱৰ চামগুৰিৰ ৰঙাগঢ়াস্থিত অসমৰ একমাত্ৰ খাদ্য সামগ্ৰী প্ৰস্তুত আৰু পৰিৱেশন শৈলী শিক্ষাৰ নিৰ্ভৰযোগ্য প্ৰশিক্ষণ প্ৰতিষ্ঠান ফুড ক্ৰাফ্ট ইনষ্টিটিউটত আজি সামৰণি পৰিল ১০ দিনীয়া ফাৰ্ষ্ট ফুড ভেণ্ডৰ আৱাসীক কৰ্মশালা ৷ অসম চৰকাৰৰ পঞ্চায়ত আৰু গ্ৰামোন্নয়ন বিভাগৰ দ্বাৰা পৰিচালিত অসম ৰাজ্যিক গ্ৰাম্য জীৱিকা অভিযানৰ উদ্যোগত অনুষ্ঠিত হোৱা ১০ দিনীয়া কৰ্মশালাত অসমৰ বিভিন্ন জিলাৰ মুঠ ত্ৰিশ গৰাকী প্ৰশিক্ষাৰ্থী ৷
মহিলা আত্মসহায়ক গোট সমূহৰ পৰা নিৰ্বাচিত উক্ত প্ৰশিক্ষাৰ্থী সকলে বিভিন্ন প্ৰকাৰৰ ফাৰ্ষ্ট ফুড খাদ্য সামগ্ৰী প্ৰকৰণৰ ওপৰত প্ৰশিক্ষণ গ্ৰহণ কৰে ৷ যোৱা ২০ মেত ফুড ক্ৰাফ্ট ইনষ্টিটিউটৰ প্ৰেক্ষাগৃহত অসম চৰকাৰৰ পঞ্চায়ত
আৰু গ্ৰামোন্নয়ন বিভাগৰ মুখ্য সচিব ড° জে বি এক্কা আৰু অসম ৰাজ্যিক গ্ৰাম্য জীৱিকা অভিযানৰ সঞ্চালক মচন্দা পাৰ্টিনৰ উপস্থিতিত ফুট ক্ৰাফ্ট ইনষ্টিটিউটৰ ভাৰপ্ৰাপ্ত অধ্যক্ষ প্ৰৱাল শৰ্মা বৰদলৈৰ আদৰনী ভাষনেৰে শুভাৰম্ভ কৰা কৰ্মশালাটি আজি সৌহাদ্যপূৰ্ণ পৰিৱেশত আনুষ্ঠানিক প্ৰমাণপত্ৰ বিতৰণেৰে সামৰণি পৰে ৷
