তৰোৱালেৰে ঘপিয়াই যুৱকক হত্যা,মহানগৰীত লোমহৰ্ষক হত্যাকাণ্ড। ২৩ বছৰীয়া যুৱকৰ হাতত প্ৰান গ’ল স্কুলীয়া ছাত্ৰৰ। টকাৰ লেনদেনৰ বাবেই সংঘটিত হয় এই হত্যাকাণ্ড,সাত লাখ টকা মুক্তিপণ দাবী। গুৱাহাটী মহানগৰত পুনৰ ভয়ংকৰ ঘটনা । মহানগৰীৰ বোন্দা আমচিং অঞ্চলত এজন ১৫ বছৰীয়া যুৱকক তৰোৱালেৰে ঘপিয়াই হত্যা কৰা হৈছে । বুধবাৰে অৰ্থাত ৯ আগষ্টত সংঘটিত হোৱা এই ঘটনা সন্দৰ্ভত আজি সংবাদমেল যোগে সবিস্তাৰে প্ৰকাশ কৰে গুৱাহাটীৰ আৰক্ষী আয়ুক্ত দিগন্ত বৰাই । আৰক্ষীয়ে উল্লেখ কৰা অনুসৰি নিহত যুৱকজন বেলতলা বনগাঁৱৰ নিবাসী নিতেশ কুমাৰ । ১৫ বছৰীয়া নিতেশ কুমাৰ বেলতলাৰ মহৰ্শি বিদ্য়ামন্দিৰৰ দশম শ্ৰেনীৰ ছাত্ৰ । ঘটনা সন্দৰ্ভত আৰক্ষীয়ে গ্ৰেপ্তাৰ কৰা যুৱকজন অভিষেক বৰুৱা । অভিযুক্ত ২৩ বছৰীয়া অভিষেক বৰুৱাই সংঘটিত কৰিছিল এই হত্যাকাণ্ড । হত্যাকাণ্ডৰ পাচতে নিতেশ কুমাৰৰ পিতৃ ৰাজেশ কুমাৰক ৭ লাখ টকা দাবী কৰিছিল অভিষেক বৰুৱাই । ৰাজেশ কুমাৰে বশিষ্ট আৰক্ষীক সমগ্ৰ ঘটনা অৱগত কৰোৱাৰ পাচত বশিষ্ট আৰক্ষীয়ে ক্ৰাইম ব্ৰান্সৰ সহযোগত অপৰাধীক গ্ৰেপ্তাৰ কৰে ।
ঘটনাৰ সূত্ৰ অনুসৰি ২০১৯ বৰ্ষতে অনলাইন গেমযোগে চিনাকী হৈছিল নিতেশ কুমাৰ আৰু অভিষেক বৰুৱাৰ । তাৰ পাচতে দুয়োৰে মাজত বন্ধুত্বমুলক সম্পৰ্ক গঢ়ি উঠে । ইয়াৰ পাচতে আৰম্ভ হয় টকাৰ লেন দেন । অভিষেক বৰুৱাই আৰক্ষীক জনোৱা মতে নিতেশ কুমাৰে বিভিন্ন সময়ত তেওৰ পৰা টকা ধাৰলৈ লৈছিল কিন্তু ঘুৰাই দিয়া নাছিল । তাৰ পাচতো তেওলোকৰ মাজত চলি আছিল ধনৰ লেনদেন । তাৰ মাজতে বুধবাৰে অৰ্থাত ৯ আগষ্টত দুয়ো বন্ধু আমচাঙ-বোন্দাৰ দিশত ফুৰিবলৈ গৈছিল । তাতেই মতানৈক্য ঘটি সংঘটিত হয় এই ঘটনা ।