হোজাই জিলাৰ বৰহোলা গাঁৱত শনিবাৰে নিশা এগৰাকী ৭ বছৰীয়া কন্যা শিশুক বলাৎকাৰ কৰি হত্যা হত্যা কৰা পোহৰলৈ আহিছে। পথাৰৰ মাজত তেজেৰে লুতুৰি পুতুৰি অৱস্থাত উদ্ধাৰ হয় ৮ বছৰীয়া শিশুৰ মৃতদেহ।মুকলি পথাৰৰ মাজত অৰ্ধ উলংগ অৱস্থাত উদ্ধাৰ হয় ৮ বছৰীয়া শিশুটিৰ মৃতদেহ। হোজাই জিলাৰ বৰহোলা গাঁৱত সংঘটিত হৈছে এই জঘন্য ঘটনা। মোমায়েকৰ বিয়া খাবলৈ অহা ৭ বছৰীয়া শিশুক বলাৎকাৰ কৰি হত্যা কৰা ঘটনাই এতিয়া অঞ্চলজুৰি তীব্ৰ চাঞ্চল্যৰ সৃষ্টি কৰিছে। মৃত শিশুটিৰ মোমায়েকৰ নিশা আছিল বিবাহৰ অনুষ্ঠান। বিবাহৰ অনুষ্ঠানৰ মাজতেই শিশুটিক পথাৰলৈ নি এজন নৰাধমে ধৰ্ষণ কৰি অতি নৃশংসভাৱে হত্যা কৰি পেলাই থৈ যায়।দেওবাৰে পুৱা স্থানীয় ৰাইজে পথাৰত মৃতদেহ পৰি থকা প্ৰত্যক্ষ কৰি হোজাই আৰক্ষীক অৱগত কৰে। ঘটনা সংক্ৰান্তত হোজাই আৰক্ষীয়ে গাঁওখনৰে জয়প্ৰকাশ ওৰফে মুন্না হালোৱা নামৰ এগৰাকী ৩০ বছৰীয়া যুৱকক আটক কৰি অব্যাহত ৰাখিছে জেৰা।মোমায়েকৰ বিয়া খাবলৈ অহা ৭ বছৰীয়া শিশুক বলাৎকাৰ কৰি হত্যা কৰা ঘটনাই এতিয়া যোগীজান অঞ্চলত তীব্ৰ চাঞ্চল্যৰ সৃষ্টি কৰিছে। বলৎকাৰীৰ ফাচী বিচাৰিছে স্থানীয় ৰাইজে।
উল্লেখ্য যে, মাত্র এবছৰ পূৰ্বে হোজাইৰ দৰিয়া বস্তিত এগৰাকী ৪ বছৰীয়া কন্যাক ধৰ্ষন কৰি নিৰ্মম ভাবে হত্যা কৰা ঘটনাৰ পুনৰাবৃত্তি ঘটিল হোজাইত। এবছৰ পূৰ্বে এগৰাকী ৪ বছৰীয়া কন্যাক ধৰ্ষন কৰি হত্যা কৰা অপৰাধত ইতিমধ্যে শংকৰদেৱ নগৰ আদালতে চন্দন হৰিজন ওৰফে বিক্ৰম হৰিজন নামৰ পাষণ্ড জনক ফাচীৰ ৰায় প্ৰদান কৰিছে। পুনৰ এই ধৰ্ষণ কাণ্ডই জোকাৰিছে সমগ্ৰ হোজাই জিলা। জয়প্ৰকাশ ওৰফে মুন্না হালোৱা নামৰ এগৰাকী যুৱকক আৰক্ষীয়ে আটক কৰিছে যদিও বৰ্তমানলৈকে ঘটনাৰ প্ৰকৃত সত্য উতলিবলৈ ব্যাহত ৰাখিছে জেৰা। ৰাজ্য জোকাৰি যোৱা এই জঘন্য ঘটনাৰ পাছতেই বলৎকাৰীৰ ফাচী বিচাৰিছে স্থানীয় ৰাইজে। মাত্ৰ এটা বছৰ পাৰ নহওতেই পুনৰ এক জঘন্য ঘটনা সংঘটিত হৈছে এইখন অসমৰে হোজাই জিলাত।