বিশ্বনাথৰ তিনিসূঁতিত লিম্বু মহাসভা অসমৰ কেন্দ্ৰীয় কাৰ্যনিৰ্বাহক সভাত সাহিত্যিক ছত্ৰমান চুব্বাক বিশেষ সম্বৰ্ধনা জ্ঞাপন…
লিম্বু মহাসভা অসমৰ কেন্দ্ৰীয় কাৰ্যনিৰ্বাহক সভা আৰু এক বিশেষ সম্বৰ্ধনা সভা কালি বিশ্বনাথ জিলাৰ তিনিসূঁতিত দিনযোৰা কাৰ্যসূচীৰে অনুষ্ঠিত হয় । লিম্বু মহাসভা অসমৰ কেন্দ্ৰীয় সভাপতি লক্ষী খাপুঙৰ সভাপতিত্বত অনুষ্ঠিত সভাত সভাৰ বিভিন্ন কাৰ্যপন্থা , সাংগঠনিক কাম-কাজ বিষয়ক আলোচনাৰে এখন কেন্দ্ৰীয় কাৰ্যনিৰ্বাহক সভা অনুষ্ঠিত হয় ।
সভাত শোণিতপুৰ, বিশ্বনাথ, লক্ষীমপুৰ, ধেমাজি, কোকৰাঝাৰ ইত্যাদি বিভিন্ন জিলা সমিতিৰ বিষয়ববীয়া, কেন্দ্ৰীয় সমিতিৰ বিষয়ববীয়াসকল উপস্থিত থাকে।
সভাতেই ২০২৩ বৰ্ষৰ সাহিত্য অকাদেমী অনুবাদ পুৰস্কাৰ লাভ কৰা বালিপৰাৰ বিশিষ্ট সাহিত্যিক , অনুবাদক, সমালোচক ছত্ৰমান চুব্বাক কেন্দ্ৰীয় সমিতি আৰু বিশ্বনাথ জিলা সমিতিয়ে অসমীয়া গামোছা, লিম্বু জনগোষ্ঠীয় গামোছা, চেলেং, ফুলাৰ থোপা, মানপত্ৰৰে বিশেষভাৱে সম্বৰ্ধনা জনায় ।