এজন ব্যক্তিয়ে কেৱল আধাৰ কাৰ্ড, (Aadhaar Pan Voter Id) পান কাৰ্ড বা ভোটাৰ আইডিৰ দৰে নথি-পত্ৰ লৈয়েই ভাৰতৰ নাগৰিক বুলি প্ৰমাণ কৰিব নোৱাৰে৷ মঙলবাৰে বোম্বাই উচ্ছ ন্যায়ালয়ে বাংলাদেশৰ বুলি অভিযোগ উত্থাপন কৰা এজন লোকক অবৈধভাৱে ভাৰতত প্ৰৱেশ কৰাৰ বাবে জামিন প্ৰদান কৰিবলৈ অস্বীকাৰ কৰাৰ সময়তে এনেদৰে কয়৷ আদালতে কয় যে আইনে নিৰ্ধাৰণ কৰে কোন ভাৰতৰ নাগৰিক হ’ব পাৰে আৰু কেনেকৈ নাগৰিকত্ব লাভ কৰিব পাৰি আৰু আধাৰ কাৰ্ড, পান কাৰ্ড আৰু ভোটাৰ আইডিৰ দৰে নথি-পত্ৰ কেৱল চিনাক্তকৰণ বা সেৱা লাভ কৰাৰ বাবেহে৷ বৈধ পাছপ’ৰ্ট বা ভ্ৰমণৰ নথি-পত্ৰ অবিহনে অবৈধভাৱে ভাৰতত প্ৰৱেশ কৰা বাংলাদেশী নাগৰিক বুলি অভিযোগ উত্থাপন কৰা বাবু আব্দুল ৰুফ চৰ্দাৰক আদালতে জামিন নাকচ কৰে৷ অভিযোগ অনুসৰি তেওঁ জাল ভাৰতীয় নথি-পত্ৰ যেনে আধাৰ কাৰ্ড, পান কাৰ্ড, ভোটাৰ আইডি আৰু লগতে ভাৰতীয় পাছপ’ৰ্ট ক্ৰয় কৰিছিল৷
১৯৫৫ চনত সংসদে নাগৰিকত্ব আইন গৃহীত কৰিছিল, যিয়ে নাগৰিকত্ব লাভৰ বাবে এক স্থায়ী আৰু সম্পূৰ্ণ ব্যৱস্থাৰ সৃষ্টি কৰিছিল, ন্যায়াধীশ বৰকাৰে লক্ষ্য কৰিছিল৷ ‘মোৰ মতে ১৯৫৫ চনৰ নাগৰিকত্ব আইনখনেই আজি ভাৰতত নাগৰিকত্ব সম্পৰ্কীয় প্ৰশ্নৰ সিদ্ধান্ত লোৱাৰ মূল আৰু নিয়ন্ত্ৰণকাৰী আইন৷ এইখনেই হৈছে সেই আইন যি আইনে কোন নাগৰিক হ’ব পাৰে, নাগৰিকত্ব কেনেকৈ লাভ কৰিব পাৰি আৰু কি পৰিস্থিতিত হেৰুৱাব পাৰে সেই বিষয়ে নিৰ্ধাৰণ কৰা বিধি’ আদালতে কয়৷ আইনখনে বৈধ নাগৰিক আৰু অবৈধ প্ৰব্ৰজনকাৰীৰ মাজত স্পষ্ট ৰেখা আঁকিছে বুলি বিচাৰপীঠে কয়৷
ভাৰতত থাকিবলৈ কোনো আইনী মৰ্যাদা নাই৷’ ভাৰতীয় নাগৰিক হোৱাৰ অভিনয়ৰ লক্ষ্যৰে পৰিচয়-পত্ৰ জাল কৰা বুলি উচ্ছ ন্যায়ালয়ে জনায়৷ ভাৰতীয় ন্যায় সংহিতা, পাছপ’ৰ্ট [ভাৰতত প্ৰৱেশ] আইন আৰু বিদেশী আদেশৰ বিধানৰ অধীনত চৰ্দাৰৰ বিৰুদ্ধে অভিযোগ উত্থাপন কৰা হৈছে৷ আদালতে লক্ষ্য কৰে যে এই গোচৰৰ তদন্ত এতিয়াও চলি আছে, যিটো আধাৰ কাৰ্ডৰ প্ৰকৃততা সম্পৰ্কে চলি আছে, যিটো ভাৰতৰ একক পৰিচয় প্ৰাধিকৰণে পৰীক্ষা কৰি আছে৷ চৰ্দাৰে জামিন আবেদনত কয় যে তেওঁ ভাৰতৰ এজন নাগৰিক আৰু তেওঁ বাংলাদেশৰ নাগৰিক বুলি প্ৰমাণ কৰিব পৰাকৈ কোনো নিৰ্ণায়ক বা নিৰ্ভৰযোগ্য প্ৰমাণ নাই৷ তেওঁ আৰু দাবী কৰে যে তেওঁৰ নথি-পত্ৰ তেওঁৰ আয়কৰৰ ৰেকৰ্ড আৰু ব্যৱসায়িক পঞ্জীয়নৰ সৈতে জড়িত আৰু তেওঁ ২০১৩ চনৰ পৰা মুম্বাইৰ চুবুৰীয়া থানে জিলাত বাস কৰি আহিছে৷ কিন্তু আদালতে কয়-আধাৰ, ভোটাৰ আইডি থকা মানেই এজন লোক ভাৰতীয় নাগৰিক নহয়৷
