আফগানিস্তানত ভূমিকম্পত (Afghanistan Earthquake) নিহতৰ সংখ্যা ২,২০০ লৈ বৃদ্ধি পাইছে। দেশ খনত ভূমিকম্পত ভাঙি পৰা ঘৰৰ ধ্বংসাৱশেষৰ পৰা বৃহস্পতিবাৰে উদ্ধাৰকাৰীয়ে মৃতদেহ টানি উলিয়ায়। মৃত্যু হোৱা লোকৰ সংখ্যা ২২০০ৰ ওপৰত উপনীত হোৱাৰ বিপৰীতে গৃহহীন লোকসকলে সাহায্যৰ বাবে হাহাকাৰ কৰিছে। ভূমিকম্পত ক্ষতিগ্ৰস্ত পাহাৰীয়া পূব অঞ্চলত অনুসন্ধান অব্যাহত আছে বুলি তালিবান প্ৰশাসনে জনাইছে।
তালিবানে নতুনকৈ ২২০৫ জন লোকৰ মৃত্যু হোৱাৰ কথা ঘোষণা কৰিছে আৰু কমেও ৩৬৪০ জন লোক আহত হৈছে।আটাইতকৈ বেছি ক্ষতিগ্ৰস্ত কুনাৰ প্ৰদেশৰ ঘৰবোৰ মাটিৰ সৈতি মিলি গৈছে।শেহতীয়া বছৰবোৰত আফগানিস্তানৰ অন্যতম মাৰাত্মক ভূমিকম্পৰ ভিতৰত ৬ ৰিখটাৰ স্কেলৰ প্ৰথমটো ভূমিকম্পই দেওবাৰে কুনাৰ আৰু নাংগাৰহৰ প্ৰদেশত ব্যাপক ক্ষতিসাধন আৰু ধ্বংসলীলাৰ সৃষ্টি কৰে, য’ত ১০ কিলোমিটাৰ (৬ মাইল) অগভীৰ গভীৰতাত সংঘটিত হয়।
মঙলবাৰে ৫.৫ প্ৰাবল্যৰ দ্বিতীয়টো ভূমিকম্পই আতংকৰ সৃষ্টি কৰে আৰু উদ্ধাৰ প্ৰচেষ্টাত বাধাৰ সৃষ্টি কৰে কাৰণ ইয়াৰ ফলত পাহাৰৰ পৰা শিল ছিটিকি পৰাৰ লগতে দুৰ্গম অঞ্চলৰ গাঁৱলৈ যোৱা পথো বিচ্ছিন্ন হৈ পৰে।
