AIMIM । অসমৰ ৰাজনীতিত নতুন সমীকৰণৰ আভাস। সদায় ‘একলা চলো নীতি’ত বিশ্বাসী বুলি জনাজাত এ আই ইউ ডি এফৰ সভাপতি বদৰুদ্দিন আজমলে এইবাৰ ২০২৬ৰ বিধানসভা নিৰ্বাচনক লক্ষ্য ৰাখি আছাউদ্দিন ওৱেছিৰ AIMIM-ৰে মিত্ৰতা কৰাৰ ঘোষণা কৰিছে। গুৱাহাটীত সংবাদ মাধ্যমৰ আগত প্ৰাক্তন সাংসদ আজমলে কয় যে বিহাৰৰ ভাল ফলাফলৰ বাবে ওৱেছিক ধন্যবাদ জ্ঞাপন কৰিছে আৰু অসমলৈ আহিলে তেওঁক উষ্ণ অভ্যৰ্থনা জনাব।
নতুন ৰাজনৈতিক সমীকৰণ
এ আই ইউ ডি এফ সভাপতিৰ মতে, আগন্তুক নিৰ্বাচনত AIMIM, কেৰেলাৰ UDF আৰু ৰাষ্ট্ৰীয় উলেমা কাউন্সিলৰ সৈতে এক বৃহৎ মিত্ৰজোট গঠনৰ বাবে আলোচনা আৰম্ভ হৈছে। এই জোটৰ লক্ষ্য—সংখ্যালঘু ভোটাৰক আকর্ষণ কৰা আৰু কংগ্ৰেছৰ সংখ্যালঘু ভোটব্যাংকক সমূলি বৈছদ্য কৰিব। আজমলে দৃঢ়তাৰে দাবী কৰিছে যে ২০২৬ৰ নিৰ্বাচনত কংগ্ৰেছতকৈ বেছি আসন লাভ কৰিব এ আই ইউ ডি এফ।
তেওঁৰ মতে, ইতিমধ্যে ৩৫টা সমষ্টিত প্ৰাৰ্থী দিয়াৰ বাবে দল সাজু হৈছে। ডিচেম্বৰ মাহত অসমলৈ আহিব ৰাষ্ট্ৰীয় উলেমা কাউন্সিলৰ সভাপতি; ইয়াকেই ধৰি অসমৰ ৰাজনীতিত তৃতীয় মৰ্চা গঠনৰ কার্যত্মক সূচনা হৈ পৰিছে।
অসমত নতুন তৃতীয় মৰ্চাৰ সম্ভাবনা
আজমল-ওৱেছি সমীকৰণ সফল হ’লে অসমৰ ৰাজনীতিত নতুন ৰাজনৈতিক শক্তিৰ আবিৰ্ভাৱ ঘটিব। তবে বহু বিশ্লেষকৰ মতে, এই মিত্ৰতা রাজনীতিত সাম্প্ৰদায়িক মেরুকৰণ অধিক তীব্ৰ কৰিব পাৰে।
জমিয়তৰ সভাপতি হিচাপে পুনৰ নিৰ্বাচিত আজমল
ইফালে দেওবাৰে গুৱাহাটীত অনুষ্ঠিত জমিয়ত উলেমা-এ-হিন্দৰ অসম শাখাৰ নিৰ্বাচনী সভাত সৰ্বসন্মতিক্ৰমে চতুৰ্থবাৰৰ বাবে সভাপতি হিচাপে নিৰ্বাচিত হয় বদৰুদ্দিন আজমল। কেন্দ্রীয় প্ৰতিনিধিৰ উপস্থিতিত অনুষ্ঠিত এই সভাত সিদ্ধান্ত লোৱা হয় যে আজমল ২০২৭ চনলৈ জমিয়তৰ সভাপতিৰ দায়িত্বত থাকিব।
