All Assam Chess Association ।গুৱাহাটীস্থ মালিগাঁও হিতেশ্বৰ শইকীয়া প্ৰেক্ষাগৃহত অনুষ্ঠিত হোৱা সদৌ অসম দবা সন্থাৰ বহুপ্ৰত্যাশিত বাৰ্ষিক সভা আৰু সাধাৰণ নিৰ্বাচন ৰবিবাৰে অনুষ্ঠিত হৈ যায় । সন্থাৰ সভাপতি কন্দৰ্প কলিতাৰ সভাপতিত্ব অনুষ্ঠিত হয় বাৰ্ষিক সাধাৰণ সভা খনত ৩৩ খন জিলাৰ প্ৰতিনিধিয়ে অংশ গ্ৰহণ কৰে । সন্থাৰ বৰ্তমানৰ কাৰ্যনিৰ্বাহকৰ অন্তিম খন কাৰ্যনিৰ্বাহক আৰু বাৰ্ষিক সাধাৰণ সভাৰ অন্তত নতুন কাৰ্যনিবাহক গঠন হয় । ২০২৫-২৮ বৰ্ষৰ বাবে গঠন হোৱা সদৌ অসম দবা সন্থাৰ কাৰ্যনিবাহক খনৰ সভাপতি হিচাপে নিৰ্বাচিত হয় জি এম ডি এ উপাধ্যক্ষ মুকুটাডেকা । ৰাজীৱ ধৰ পুনৰ সাধাৰণ সম্পাদক হিচাপে বিনা প্ৰতিদ্বন্দিতাৰে নিবাচিত হয় ।
মুঠ ১৩ জনীয়া কাৰ্যনিৰ্বাহক খনৰ উপ-সভাপতি হিচাপে নিৰ্বাচিত হয় ক্ৰমে মাধৱ শৰ্মা , মনোজ গোহাঁই , প্ৰান্তপ সুত্ৰধৰ চৌধুৰী , সীমান্ত দাস আৰু ড০ ছাৰ্ভাক আৰু যুটীয়া সম্পাদক হিচাপে নিৰ্বাচিত হয় প্ৰণৱ কুমাৰ নাথ , প্ৰদীপ চন্দ্ৰ ডেকা , নন্দন বুঢ়াগোহাঁই , ত্ৰলোক্য নন্দা আৰু আব্দুল মতালেব নিবাচিত হয় । সন্থাৰ কোষাধ্যাক্ষ হিচাপে ৰাকেশ চক্ৰবৰ্ত্তী নিবাচিত হয় । উল্লেখ্য যে সদৌ অসম দবা সন্থাৰ অন্তৰ্গত ৩৩ জিলা উক্ত বাৰ্ষিক সাধাৰণ সভা আৰু সন্থাৰ কাৰ্যনিৰ্বাহকৰ নিৰ্বাচনত অংশ গ্ৰহণ কৰে ।
