এপিএছচি কেলেংকাৰিত পুনৰ এছআইটিৰ জালত পৰিল এগৰাকী এপিএছ বিষয়া। এপিএছ সুকন্যা দাসক গ্ৰেপ্তাৰ কৰিছে এছআইটি-এ৷ আজি এপিএছগৰাকীক জেৰাৰ বাবে তলব কৰিছিল এছআইটি-এ৷ ৬ খনৰ পৰিৱৰ্তে সুকন্যাৰ ৮খন উত্তৰ বহী পাইছিল এছআইটি-এ৷ সুকন্যাৰ দুখন ভুৱা উত্তৰ বহীৰ তথ্য লাভ কৰিছে তদন্তকাৰী বিষয়াই৷ সোমবাৰে আদালতত হাজিক কৰোৱা হৈছে সুকন্যা দাসক৷ সুকন্যাৰ গ্ৰেপ্তাৰৰ উপৰি চিআইডিৰ কাৰ্যালয়ত অভিযুক্ত আন ২ ৰাজপত্ৰিত বিষয়াক মাৰাথন জেৰা চলাইছে এছআইটি-এ৷ সম্প্ৰতি এপিএছ নৱনীতা শর্মা আৰু এএছপি কল্যাণ কুমাৰ দাসক জেৰা চলাই আছে এছআইটি-এ৷ নিলম্বিত এপিএছ কল্যাণ কুমাৰ দাস টকাৰ বিনিময়ত উত্তীর্ণ হৈছিল পৰীক্ষাত৷ বৃদ্ধি কৰা হৈছিল কল্যাণ কুমাৰ দাসৰ এপিএছচিৰ মূল পৰীক্ষাৰ নম্বৰ৷ এপিএছ কল্যাণ কুমাৰ দাসে এপিএছচি পৰীক্ষাত নম্বৰ পাইছিল ৫৮৬৷ কিন্তু ৰাকেশ পাল বাহিনীয়ে উত্তৰবহীত নম্বৰ বৃদ্ধি কৰিছিল ৮৫৬লৈ৷ কল্যাণৰ টেবুলেচন শ্বিটত বৃদ্ধি কৰা হৈছিল ২৭০ নম্বৰ৷
আনহাতে, ৬খন উত্তৰবহীৰ বিপৰীতে সুকন্যাৰ আছে ৮খন উত্তৰ বহী৷ দুখন উত্তৰবহী ভুৱা এপিএছ সুকন্যাৰ৷ এপিএছ নৱনীতা শৰ্মাৰ উত্তৰবহীত বৃদ্ধি কৰা হৈছিল ৫০ নম্বৰ৷ ৭৮২ৰ পৰিৱৰ্তে জালিয়াতিৰে ৮৩২ নম্বৰ লাভ কৰিছিল নৱনীতাই৷ নৱনীতাৰ টেবুলেচন শ্বিটৰ ফৰেনছিক ৰিপৰ্টত দেখা গৈছে ভয়ংকৰ বিসংগতি৷ নৱনীতাৰ মুঠ নম্বৰ নিজে বৃদ্ধি কৰিছিল ৰাকেশ পালে৷ ইপিনে চিআইডিয়ে আজি তিনি জন এপিএছ বিষয়াক ৭ ডিচেম্বৰত হাজিৰ হোৱাৰ নিৰ্দেশ দিছে। তেওঁলোক হ’ল ফাৰুক আহমেদ , দীপাংকৰ দত্ত লহকৰ আৰু এপিএছ অসীমা কলিতা।
