জীৱ বৈচিত্ৰ্য সংৰক্ষণক মূল লক্ষ্য হিচাপে লোৱা বেচৰকাৰী প্ৰাকৃতিক সংস্থা আৰন্যকে এক মহৎ উদ্দেশ্য আগত ৰাখি “ৰাইড ফৰ কঞ্জাৰভেচন” শীৰ্ষক তিনি দিনীয়া কাৰ্যসূচী হাতত লৈ যোৱা ১৯-০৫-২০২৪ তাৰিখ দেওবাৰে কাজিৰঙা ৰাষ্ট্ৰীয় উদ্যানৰ পৰা চাইকেল ৰেলি কৰি ১৬০ কিলোমিটাৰ পথ অতিক্ৰম কৰি এটা আঠ জনীয়া দল আহি দ্বিতীয় দিনত সোমবাৰে আবেলি উপস্থিতি হয় দৰং জিলাৰ শিলবৰী বজাৰত। শিলবৰী বজাৰত আৰণ্যকৰ এই দলটোক শিলবৰীৰ প্ৰাকৃতি প্ৰেমী আব্দুল মালেক দলগাওঁৰ প্ৰাকৃতিক প্ৰেমী নেজিব আহমেদ, অৱসৰপ্ৰাপ্ত প্ৰধান শিক্ষক হাইদৰ আলী, শিক্ষক তৈবুৰ ৰহমান, শংকৰদেৱ জাতীয় বিদ্যালয়ৰ অধ্যক্ষ ছফিকুৰ ৰহমান আদি কৰি কেইবাজনো বিশিষ্ট ব্যক্তিয়ে ফুলামা গামোচাৰে সম্বৰ্ধনা জনায়।
সন্ধিয়া এই দলটোৱে উপস্থিত হয় ওৰাং ৰাষ্ট্ৰীয় উদ্যানত। মংগলবাৰে ৰাতিপুৱা প্ৰায় আঠ বজাত ওৰাং ৰাষ্ট্ৰীয় উদ্যানৰ পৰা আৰণ্যক,ওৰাং ৰাষ্ট্ৰীয় উদ্যান কতৃপক্ষ আৰু স্থানীয় যুৱকৰ এটা বৃহৎ সংখ্যক দলে চাইকেল ৰেলি আহি শিলবৰী বজাৰত উপস্থিত হয়।শিলবৰীত এই দলটোক শিলবৰী আঞ্চলিক আমছুৰ পৰা ফুলাম গামোচাৰে সম্বৰ্ধনা জনোৱা হয়।লগে লগেই বন আৰু বন্যপ্ৰাণীক সুৰক্ষা দিয়ক,ওৰাং ৰাষ্ট্ৰীয় উদ্যান আমাৰ গৌৰৱ,গছ থাকিলে হে মানুহ থাকিব,ছেভ ৰাইনো আদি ধ্বনিৰে চাইকেল ৰেলি খন আগুৱাই যায় কৌপাটি বল্লভভাই পেটেল উচ্চতৰ মাধ্যমিক বিদ্যালয়ৰ অভিমুখে। বল্লভভাই পেটেল উচ্চতৰ মাধ্যমিক বিদ্যালয়ৰ ছাত্ৰ-ছাত্ৰী, শিক্ষক-শিক্ষয়িত্ৰীয়ে উক্ত চাইকেল ৰেলিৰ দ’ল টোক উস্ম আদৰণি জনায়। বল্লভভাই পেটেল উচ্চতৰ মাধ্যমিক বিদ্যালয়ত ছাত্ৰ ছাত্ৰী সৈতে বন্যপ্ৰাণী ৰক্ষনাবেক্ষন আৰু সজাগতাৰ উদ্দেশ্যত এক বিশেষ বাৰ্তালাপ হয়।এই যাত্ৰাৰ মূল উদ্দেশ্য সম্পৰ্কে আৰন্যকৰ প্ৰৱন্ধক আৰিফ আহমেদে কয় যে বন আৰু বন্যপ্ৰাণী সংৰক্ষণৰ প্ৰতি ৰাইজৰ সজাগতা সৃষ্টি কৰা।আমি আমাৰ পৰিবেশ ৰক্ষানাবেক্ষনত প্ৰতি জন নাগৰিকে নিজৰ দায়িত্ব হিচাপে ল’ব লাগিব।
ৰাইজৰ মৰম সহায় সহযোগিতা এনেকৈ পাই গ’লে কাম কৰাৰ উৎসাহ আৰু প্ৰেৰণা দিয়ে আৰিফ আহমেদে আৰু কয় যে আমাৰ এই চাইকেল ৰেলিত অংশ গ্ৰহণ কৰা আৰণ্যকৰ ড০ দেৱ কুমাৰ দত্ত,ওৰাং ৰাষ্ট্ৰীয় উদ্যান কতৃপক্ষৰ হৈ মঙ্গলদৈ বন-সংমণ্ডল প্ৰাধিকাৰী বিষয়া প্ৰদীপ্ত বৰুৱা,ওৰাং ৰাষ্ট্ৰীয় উদ্যানৰ বনাঞ্চলিক বিষয়া দিব্যজ্যোতি দেউৰী,বনপালক প্ৰানজীত ডেকা, দলগাওঁৰ প্ৰাকৃতিক প্ৰেমী নেজিব আহমেদ, স্থানীয় প্ৰাকৃতি প্ৰেমী আব্দুল মালেক,খাইৰুল বাদশ্বাৰ, বাহাৰুল ইছলাম,শিলবৰী আঞ্চলিক আমছুৰ ৰাহুল ইছলাম, ছৰিফুল ইছলাম,মনিৰুল ইছলাম,হাচেন আলী আদিৰ লগতে কাজিৰঙাৰ পৰা চাইকেল ৰেলিত সঙ্গ দিয়া জৈষ্ঠ সাংবাদিক স্বপন নাথ,বিপুল গঞ্জু,জেহিৰ আহমেদ,আকাশ মৰাঙ, দিগন্ত দাস,লোচন গগৈ,ৰিটন বৰা আদি সকলোকে হৃদয়ৰ পৰা ধন্যবাদ জনায়।
