এটা বহু বিতৰ্কিত প্ৰকল্প৷ (Artificial Human) বিজ্ঞানীসকলে এতিয়া কৃত্ৰিম মানৱ ডি এন এ তৈয়াৰ কৰাত মনোনিৱেশ কৰিছে৷ এই কামত বিনিয়োগ কৰিছে বিশ্বৰ সৰ্ববৃহৎ চিকিৎসা দাতব্য সংস্থাটোৱে৷ এই কামত এতিয়ালৈকে ১১৭ কোটি টকা বিনিয়োগ কৰা হৈছে৷ ইয়াত অক্সফ’ৰ্ড আৰু কেি¥ª¤জ কলেজৰ বিজ্ঞানীসকলে কাম কৰি আছে৷ ডি এন এ হৈছে মানুহৰ আটাইতকৈ ডাঙৰ আহিলা৷
ইয়াৰ লগে লগে মানুহে ভৱিষ্যতৰ দিশে আগবাঢ়ি যায়৷ প্ৰতিজন মানুহেই তাৰ পৰাই নিজৰ নিজৰ পৰিচয় কঢ়িয়াই লৈ ফুৰে৷ কিন্তু সেই ডি এন এ সৃষ্টিৰ কাম আৰম্ভ হোৱাৰ পিছৰে পৰা বিতৰ্কৰ সৃষ্টি হৈছে৷ গতিকে এইবাৰ হেৰাই যাব নেকি মানৱৰ পৰিচয়? ডাক্তৰ জুলিয়ান চেলে কৈছিল যে আমি আকাশৰ উচ্ছতালৈ উঠিব লাগিব৷ আমি মানৱ জীৱনক অধিক উন্নতিৰ দিশত লৈ যাব লাগিব৷ ফলত সকলো বস্তু তাৰ পৰাই নতুনকৈ সৃষ্টি কৰিব লাগিব৷ যদি কৃত্ৰিমভাৱে ডি এন এ সৃষ্টি কৰিব পৰা যায়, তেন্তে তাৰ পৰাই নতুন দিগন্তৰ উন্মেষ ঘটিব৷
কিন্তু বিভিন্ন মহলে কোৱা হৈছে যে এই কাম এবাৰ সম্পূৰ্ণ হ’লে মানুহে নিজকে ঈশ্বৰ বুলি গণ্য কৰিব পাৰে৷ অৱশ্যে বিজ্ঞানীসকলে এই কামটো কেৱল এক পৰীক্ষা-নিৰীক্ষাহে বুলি ভাবে৷ ইয়াতকৈ বেছি একো নহয়৷ গতিকে এতিয়াই চিন্তাৰ কোনো কথা নাই৷ কিন্তু এই খবৰ ছ’চিয়েল মিডিয়াত বিয়পি পৰাৰ পৰাই বিভিন্ন পক্ষৰ পৰা বিভিন্ন প্ৰশ্ন উত্থাপন হ’বলৈ আৰম্ভ কৰিছে৷ বহুতে লিখিছে যে ডি এন এ হৈছে মানুহৰ প্ৰধান শক্তি৷ মানৱ জাতিক আগুৱাই নিয়াজনক কিয় এনেদৰে ব্যৱহাৰ কৰা হ’ব? যদি ভৱিষ্যতে পৰীক্ষাগাৰত মানুহৰ সৃষ্টি হয়, তেন্তে পৃথিৱীত মানুহৰ অস্তিত্ব সংকটত পৰিব৷ বিজ্ঞানীসকলৰ মতে এই কামত বহু টকা খৰচ হ’ব পাৰে৷
