আজি দিনৰ ১০ বজাত বায়ুসেনাৰ বিশেষ হেলিকপ্টাৰ যোগে দক্ষিণ শালমাৰা মানকাচৰ জিলাত পদাৰ্পন কৰে অসমৰ ৰাজ্যপাল গোলাপ চান্দ কাটাৰীয়া । অসম মেঘালয় সীমান্তৰ মানকাচৰ মা কামাখ্যা মন্দিৰ হেলিপেডত অৱতৰণ পিছত ৰাজ্য পাল গৰাকীক আদৰণি জনায় দক্ষিণ শালমাৰা মানকাচৰ জিলাৰ আয়ুক্ত ৰাহুল কুমাৰ গুপ্তা আৰু আৰক্ষী অধীক্ষক হৰেণ টকবী। ইয়াৰ পিছত পোনে পোনে প্ৰশাসনৰ বিশাল কনভয় সহ উপস্থিত হয় ভাৰত বাংলাদেশ সীমান্তৰ মানকাচৰ সাহাপাৰাৰ ৪৫ নং বি এন ভি এছৰ কেম্পত উপস্থিত হয়। সীমান্ত সুৰক্ষা বাহিনীৰ উচ্চ পৰ্যায়ৰ বিষয়াৰ লগত অলপ সময় মত বিনিময় কৰি ৰাজ্য পাল গৰাকীয়ে গছ পুলি ৰোপন কৰি পোনে পোনে খোজকাঢ়ি জিলা আয়ুক্ত, আৰক্ষী অধীক্ষক, সীমান্ত সুৰক্ষা বাহিনীৰ উচ্চ পৰ্যায়ৰ বিষয়াৰ লগত সীমান্তৰ গেটৰ ভিতৰেদি সীমান্তৰ শূন্য ঠাইত গৈ বুজ লয় আৰু বাংলাদেশৰ বৰ্ডাৰ বিষয়াৰ লগত কথা বতৰা পাতি আকৌ ৪৫ নং সীমান্ত সুৰক্ষা বাহিনীৰ কেম্পত উপস্থিত হয় আৰু সীমান্তত থকা ভাৰতীয় লোক সকলৰ লগত মত বিনিময় কৰে। উক্ত মন বিনিময় সভাত উপস্থিত আছিল ২১ নং মানকাচৰ বিধান সভা সমষ্টি বিধায়ক, অসম গণ পৰিষদ দলৰ কেন্দ্ৰীয় সম্পাদক জাৱেদ ইছলামে।
জিলা খনৰ বিভিন্ন অভাব সমূহ ৰাজ্যপালক ভাষণৰ মাধ্যমৰে অৱগত কৰে বিধায়ক আমিনুল ইছালামে। ৰাজ্যপাল গৰাকীয়ে অসম চৰকাৰৰ বিভিন্ন উন্নয়ন মূলক আচনি আৰু কেন্দ্ৰীয় চৰকাৰৰ বিভিন্ন আঁচনিৰ কথা ৰাইজক অৱগত কৰে ৰাজ্য পাল গৰাকীয়ে। সভাৰ পিছত মানকাচৰৰ পৰা সীমান্ত দি বিশাল কয়ভয়ৰে হাটশিঙিমাৰীৰ জিলা আয়ুক্তৰ কাৰ্যালয়ত উপস্থিত হৈ বিভিন্ন বিভাগৰ বিষয়াৰ সৈতে চৰকাৰী বিভিন্ন আঁচনি ৰোপায়ন সন্দৰ্ভত আলোচনা কৰে।
