উত্তৰ-পূৰ্ৱাঞ্চলত বৰ্তমানৰ উৎসৱৰ বতৰত বিভিন্ন বেংকৰ দ্বাৰা ঋণ প্ৰদান অনুষ্ঠান চলি আছে। বঙাইগাঁৱতো আজি জিলাখনত থকা ষ্টেট বেংক অৱ ইণ্ডিয়াৰ শাখাৰ পৃষ্ঠপোষকতাত বঙাইগাঁও জিলা পুথিভঁৰাল পৃক্ষাগৃহত এক ঋণ প্ৰদান অনুষ্ঠান অনুষ্ঠিত হয়।এই অনুষ্ঠানত ষ্টেট বেংক অৱ ইণ্ডিয়া,পাঞ্জাৱ নেশ্যনেল বেংক, বেংক অৱ বৰোদা, ইণ্ডিয়ান বেংক, ফেডাৰেল বেংক, আই ডি বি আই, এক্সিচ বেংক, এপেক্স বেংক, এইচ ডি এফ চি বেংক, বন্ধন বেংক, নৰ্থ-ইষ্ট স্মল ফাইনেন্স বেংক, কানাড়া বেংক, ইউকো বেংক, বেংক অৱ ইণ্ডিয়া,অসম গ্ৰামীণ বিকাশ বেংক আদি বেংকসমূহে ঋণ প্ৰদান অনুষ্ঠানত অংশগ্ৰহণ কৰে ৷ এই অনুষ্ঠানৰ জৰিয়তে পি এম স্বনিধি, প্ৰধানমন্ত্ৰী নিয়োগ সৃষ্টি আঁচনি, মহিলা আত্ম-সহায়ক গোট, ষ্টেণ্ড আপ ইণ্ডিয়া, মুদ্ৰা ঋণ, গাহৰি পালন, কেচিচি, ক্ষুদ্ৰ, সৰু আৰু মজলীয়া উদ্যোগী, গৃহ নিৰ্মাণ, গাড়ী ক্ৰয়, পেঞ্চন ঋণ আদি সামৰি মুঠ ৪২৯ সংখ্যক হিতাধিকাৰীক ঋণ মঞ্জুৰী পত্ৰ দিয়াৰ ব্যৱস্থা কৰা হয়। উক্ত ঋণৰ বাবে ধাৰ্য মুঠ টকাৰ পৰিমাণ হৈছে ২০ কোটি ৭১ লাখ টকা। অনুষ্ঠানত মুখ্য অতিথি হিচাপে উপস্থিত থাকে বঙাইগাঁও জিলাৰ উপায়ুক্ত ডা:এম এচ লক্ষ্মী প্ৰিয়া।তেওঁ ভাষণ প্ৰসংগত বেংকৰ এই ঋণ প্ৰদান অনুষ্ঠানৰ বাবে বেংকসমূহক ধন্যবাদ জ্ঞাপন কৰে। অনুষ্ঠানত লীড বেংক মেনেজাৰ হেমতসিং ইছলাৰীয়ে উদ্যেশ্য ব্যাখ্যা কৰে আৰু উপস্থিত অংশগ্ৰহণকাৰীসকলক আদৰণি জনায়। অনুষ্ঠানত বঙাইগাঁও ষ্টেট বেংকৰ মাণ্ডলিক বাণিজ্যিক বিষয়া তথা সহকাৰী মহাপ্ৰবন্ধক গুৰুপদ হালদাৰ ,বেংক অৱ বৰোদাৰ মাণ্ডলিক মুৰব্বী আইলীন ডিংডো,নাবাৰ্ডৰ জিলা উন্নয়ন প্ৰবন্ধক আলাৰাম ডেউৰী,চেন্ট্ৰেল বেংক অৱ ইণ্ডিয়াৰ মুখ্য প্ৰবন্ধক ৰাজীৱ বাঞ্চাল,গ্ৰামীণ স্বনিয়োজন প্ৰশিক্ষণ প্ৰতিষ্ঠানৰ সঞ্চালক তপন কুমাৰ সৰকাৰ,ৰাষ্ট্ৰীয় গ্ৰামীণ জীৱিকা মিছনৰ জিলা প্ৰকল্প প্ৰবন্ধক প্ল’ৰাজ মুছাহাৰী,ৰাষ্ট্ৰীয় নগৰীয়া জীৱিকা মিছনৰ জিলা প্ৰকল্প প্ৰবন্ধক সঞ্জীৱ দাস আদিকে ধৰি বিশিষ্ট ব্যক্তিসকল ঋণ প্ৰদান অনুষ্ঠানত উপস্থিত থাকে। উল্লেখ্য যে ১৬ অক্টোৱৰৰ পৰা আৰম্ভ হোৱা এই ঋণ প্ৰদান অনুষ্ঠান ৩০ অক্টোৱৰলৈ চলি থাকিব।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- মুকবধিৰ আৰু শ্ৰৱণশক্তি ৰহিত ধৃতি কংকনা সাফল্য
- ৰিণিকী ভূঞা শৰ্মাৰ উপস্থিতিত বৃহত্তৰ আজাৰা অঞ্চলত এক হাজাৰৰো অধিক মুছলমান লোকৰ বিজেপিত যোগদান
- ঢাকাত উন্মোচন ড° ৰীতা চৌধুৰীৰ “Zero Hour” উপন্যাস
- দৈ-কিচমিচ খালে পাচনতন্ত্ৰৰ সমস্যা কমে! কৰীনাৰ পুষ্টি বিশেষজ্ঞই ক’লে দৈ-কিচমিচৰ উপকাৰিতাৰ বিষয়ে…
- অটো-ব্ৰুৱেৰী চিণ্ড্ৰোমঃ বেলজিয়ামৰ এজন লোকৰ দেহত নিজে নিজে উৎপাদন হয় সুৰা!
- ‘হেল্থ ড্ৰিংক’ৰ লেবেল আঁতৰোৱা হৰলিক্সৰ পৰা…
- অন্ত পৰিল দ্বিতীয় পৰ্যায়ৰ নিৰ্বাচনী প্ৰচাৰৰ, ২৬ এপ্ৰিলত অসমৰ ৫ সমষ্টিত নিৰ্ণয় হ’ব ৬১ গৰাকী প্ৰাৰ্থীৰ ভাগ্য…
- ২০০তকৈও অধিক ভূমিকম্পই জোকাৰিলে টাইৱানক…
- জাতিগত লোকপিয়ল মোৰ জীৱনৰ মিছন ! কংগ্ৰেছে নিৰ্বাচনত জয়ী হ’লে কোনো শক্তিয়ে ইয়াক বন্ধ কৰিব নোৱাৰে: ৰাহুল গান্ধী…
- হঠাৎ ধোনীৰ খং ! কেমেৰালৈ বটল দলিয়াব বিচাৰিলে এম এছ ধোনীয়ে , ভাইৰেল হৈ পৰিল ভিডিঅ’…