Breaking

কোভিড পৰিস্থিতিৰ বাবে অনুষ্টুপীয়া হব বৰপেটা সত্ৰৰ দালানৰ সন্মুখৰ সাত বহাগৰ নাম

0 2,030

বৰপেটা সত্ৰৰ দালানৰ সন্মুখত প্ৰতি বছৰে ৭ বহাগত অনুষ্ঠিত হয় থিয়নাম ৷ কিন্তু এইবেলি কোভিড পৰিস্থিতিৰ পৰিপ্ৰেক্ষিতত এই নাম অনুষ্টুপীয়াকৈ পালন কৰা হব ৷ তিনিওটা থুলৰ হকে সীমিত সংখ্যক ভকতৰ দ্বাৰা দালানৰ সন্মুখভাগত মাত্ৰ এটা থিয়নাম গাই সামৰা হব আৰু তিনিওটা থুলৰ ভকতসকলে একেলগে থান বন্দনী ঘোষাৰে মঠৰ চোতালত সামৰণি ঘোষা গাই বহাগৰ দোমাহীৰ নামৰ পৰম্পৰা ৰক্ষা কৰিব ৷ থুল দক্ষিণহাটী, থুল নহাটী আৰু থুল উত্তৰহাটীৰ নিৰ্দিষ্ট স্থানত পূৰ্ব প্ৰথা অনুসাৰে চাকি জ্বলোৱা হব যদিও কোনো থালী আৰু শৰাই পতা নহব ৷ আনকি পাল তৰাও নহব ৷ নামলৈ অহা প্ৰতিজন ভকতে মাস্ক পিন্ধি আহিব লাগিব আৰু সামাজিক দূৰত্ব বৰ্তাই ৰাখিব লাগিব ৷ আজি বিয়লি বৰপেটা সত্ৰৰ যোগমোহন গৃহত বৰপেটাৰ মুঠ ২২ খন হাটীৰ ভড়ালী আৰু মজুমদাৰ সকলৰ উপস্থিতিত আৰু থুল দক্ষিণহাটীৰ ভড়লী চিত্তৰঞ্জন দাসৰ সভাপতিত্বত অনুষ্ঠিত হোৱা জৰুৰী সাধাৰণ সভাই এই গুৰুত্বপূৰ্ণ সিদ্ধান্ত গ্ৰহণ কৰিছে ৷ সভাত থুল দক্ষিণহাটী,থুল নহাটী আৰু থুল উত্তৰহাটীৰ ভড়ালী মজুদাৰসকলো উপস্থিত থাকে ৷ উল্লেখ্য যে বিগত বৰ্ষত কৰোণা মহামাৰীৰ বাবে তলা বন্ধ চলি থকাত এই থিয়নাম বাতিল কৰি কেৱল তিনিওটা থুলৰ নামখলাত বন্তি জ্বলাই থান বন্দনী ঘোষাৰে মাত্ৰ ১২ জনমান ভকতে মঠৰ চোতালত সামৰণি ঘোষা গাই পৰম্পৰা ৰক্ষা কৰিছিল ৷

Leave A Reply