চেলিব্ৰিটিয়ে হওক বা সাধাৰণ মানুহৰে সন্তান হওক, প্ৰতিটো শিশুৱে সন্মানৰ অধিকাৰী: দিল্লী উচ্চ ন্যায়ালয়
চেলিব্ৰিটিয়ে হওক বা সাধাৰণ মানুহৰে হওক, প্ৰতিটো শিশুৱে সন্মানৰ অধিকাৰী: দিল্লী উচ্চ ন্যায়ালয়। বৃহস্পতিবাৰে দিল্লী উচ্চ ন্যায়ালয়ে অভিষেক আৰু ঐশ্বৰ্য ৰায় বচ্চনৰ ১১ বছৰীয়া কন্যা আৰাধ্যা বচ্চনৰ বিষয়ে ভুৱা ভিডিঅ’ প্ৰচাৰ বা অধিক শ্বেয়াৰ কৰাৰ কেইবাটাও ইউটিউব চেনেলক বাধা প্ৰদান কৰিছে।আদালতে লক্ষ্য কৰিছে যে যদিও চেলিব্ৰিটিসকলৰ বাবে এনে বিভ্ৰান্তিকৰ তথ্য প্ৰচাৰ হোৱাটো প্ৰথমবাৰৰ বাবে নহয়, তথাপিও শিশুৰ এনে ভিডিঅ’সমূহৰ বাবে শিশু মানসিক হাৰাশাস্তি সন্মুখীন হয়। আদালতে কয়, ‘প্ৰতিটো শিশুৱে, কোনো চেলিব্ৰিটিৰ সন্তানে হওক বা সাধাৰণ মানুহৰ সন্তানে হওক, সন্মান আৰু সন্মানৰ ব্যৱহাৰৰ অধিকাৰ আছে ”৷
এপ্ৰিল মাহৰ দ্বিতীয় সপ্তাহত অভিষেক বচ্চন আৰু তেওঁৰ পৰিয়ালৰ আন সদস্যসকলে আৰাধ্যা বচ্চনৰ স্বাস্থ্যৰ বিষয়ে ভুৱা তথ্য থকা অনলাইনত প্ৰচাৰিত ভিডিঅ’ৰ বিষয়ে জানিব পাৰে।কিছুমান ভিডিঅ’ত আৰাধ্যাৰ স্বাস্থ্যক লৈ ভুৱা প্ৰচাৰ চলাইছিল। ইয়াৰ পিছতে আৰাধ্যই কাষ চাপে আদালতৰ।
আনহাতে আৰাধ্যা বচ্চন আৰু অভিষেক বচ্চনক প্ৰতিনিধিত্ব কৰা অধিবক্তা অমিত নায়কে কয়, ‘আমি এই বিবাদ দাখিল কৰিবলৈ বাধ্য হৈছিলো কাৰণ যোৱা সপ্তাহত মোৰ ক্লায়েণ্টে এই মানহানিকাৰক ভিডিঅ’বোৰৰ সন্মুখীন হৈছিল। আমি ১৪ এপ্ৰিলত এই ভিডিঅ’বোৰৰ বিষয়ে জানিব পাৰিলোঁ আৰু এই ভিডিঅ’বোৰ লৈ জাননী প্ৰেৰণ কৰা হ’ল (গুগলৰ অভিযোগ কোষলৈ)। মুঠ ২৪টা ভিডিঅ’ আছিল আৰু ছটাৰো অধিক এতিয়াও আছে, আৰু সেয়েহে আমি সেই ভিডিঅ’বোৰ আঁতৰাবলৈ নিষেধাজ্ঞা বিচাৰিছোঁ। এই গোচৰটো তিনিটা ভিত্তিত গুৰুত্বপূৰ্ণ – গোপনীয়তা ভংগ, মানহানি আৰু ব্যক্তিত্বৰ অধিকাৰ উলংঘা। আদালতৰ এই আদেশে গোপনীয়তাৰ ওপৰত বিশ্বাস পুনৰুদ্ধাৰ কৰে আৰু আপুনি মানহানিকাৰক সামগ্ৰী প্ৰচাৰ কৰি ইয়াৰ পৰা লাভৱান হ’ব নোৱাৰে আৰু শিশুসকলক মৰ্যাদা আৰু সন্মানেৰে ব্যৱহাৰ কৰিব লাগিব। আদালতে লগতে কয় যে যিকোনো চেলিব্ৰিটিৰ ব্যক্তিগত জীৱন আন যিকোনো ব্যক্তিৰ দৰেই পবিত্ৰ।”
আদালতে গুগলক তথ্য প্ৰযুক্তি (মধ্যস্থতাকাৰী নিৰ্দেশনা আৰু ডিজিটেল মিডিয়া নৈতিকতা সংহিতা) নিয়ম মানি চলা বুলি দেখুওৱা নীতি বিতংভাৱে উল্লেখ কৰিবলৈও নিৰ্দেশ দিয়ে। ১৩ জুলাইত শুনানি গ্ৰহণ কৰা হ’ব এই বিষয়টোৰ ওপৰত।