জন্ম শতবাৰ্ষিকীত (Bhupen Hazarika 100th Birth Anniversary) সুধাকণ্ঠক স্মৰণ কৰিবলৈ চলিছে বিশাল আয়োজন।সোমবাৰৰ পৰা ভাৰত ৰত্ন ড০ ভূপেন হাজৰিকাৰ জন্ম শতবাৰ্ষিকী আৰম্ভ হোৱাৰ লগে লগে অসম এক ঐতিহাসিক সাংস্কৃতিক উদযাপনৰ সাক্ষী হ’ব। ৰাজ্য চৰকাৰৰ পৰা আৰম্ভ কৰি ছাত্ৰ সংগঠন, সাহিত্যিকৰ সংগঠন আৰু প্ৰবাসী অসমীয়ালৈ সকলোৱে , কিংবদন্তি শিল্পী , সুৰকাৰ, কবি, মানৱতাবাদী ড০ ভূপেন হাজৰিকাক সন্মান জনোৱাৰ বাবে বিভিন্ন কাৰ্যসূচীৰ যুগুত কৰিছে।গুৱাহাটীৰ জালুকবাৰীৰ ভূপেন হাজৰিকা সমন্বয় ক্ষেত্ৰত অনুষ্ঠিত হ’ব জন্ম শতবৰ্ষৰ আনুষ্ঠানিক ৰাজ্যিক উদ্বোধনী অনুষ্ঠান। যাৰ গীতে প্ৰজন্মৰ পিছত প্ৰজন্ম ধৰি অনুপ্ৰাণিত কৰি আহিছে সেইগৰাকী মহান শিল্পীৰ স্মৃতিত কাইলৈ পুৱা ৯ বজাত স্মৃতি-তৰ্পন অনুষ্ঠানৰ আয়োজন কৰিছে চৰকাৰে। চৰকাৰৰ এই অনুষ্ঠানত ৰাজ্যপাল লক্ষ্মণ প্ৰসাদ আচাৰ্য, মুখ্যমন্ত্ৰী হিমন্ত বিশ্ব শৰ্মা, সাংস্কৃতিক পৰিক্ৰমা মন্ত্ৰী বিমল বৰাকে ধৰি বহু মন্ত্ৰী আৰু গণ্য-মান্য ব্যক্তি উপস্থিত থাকিব। সমান্তৰালভাৱে ভূপেন হাজৰিকা সাংস্কৃতিক ন্যাসে শ্ৰীমন্ত শংকৰদেৱ কলাক্ষেত্ৰত শ্ৰদ্ধাঞ্জলি অনুষ্ঠানৰ আয়োজন কৰিছে।
এই অনুষ্ঠানটোক “সকলোৰে বাবে প্ৰেৰণাৰ মুহূৰ্ত” আখ্যা দি মুখ্যমন্ত্ৰী শৰ্মাই ঘোষণা কৰে যে সমগ্ৰ অসম আৰু ইয়াৰ বাহিৰত শৈক্ষিক আলোচনা চক্ৰ আৰু সাংস্কৃতিক অনুষ্ঠানৰ পৰা আৰম্ভ কৰি প্ৰদৰ্শনীলৈকে বছৰজোৰা অনুষ্ঠান অনুষ্ঠিত হ’ব। প্ৰধানমন্ত্ৰী নৰেন্দ্ৰ মোদীয়েও ১৩ ছেপ্টেম্বৰত ৰাজ্য ভ্ৰমণ কৰি শতবাৰ্ষিকীত অংশগ্ৰহণ কৰিব তথা নুমলীগড় শোধনাগাৰ জৈৱ শোধনাগাৰ প্ৰকল্প উদ্বোধন কৰিব।নগাঁৱৰ কুঠৰীত হাজৰিকাৰ পূৰ্বৰ ঘৰত “শতবৰ্ষৰ সন্ধ্যা”কে ধৰি জিলা পৰ্যায়ৰ বিশেষ অনুষ্ঠান উদযাপনৰ কথা ঘোষণা কৰা হৈছে। ১০ ছেপ্টেম্বৰত নগাঁৱৰ নুৰুল আমিন ষ্টেডিয়ামত ১৫ হাজাৰৰো অধিক ছাত্ৰ-ছাত্ৰীয়ে ইণ্ডিয়া বুক অৱ ৰেকৰ্ডছত প্ৰৱেশৰ লক্ষ্যৰে মানুহে মানুহৰ বাবে গীত পৰিবেশন কৰিব । কামৰূপ মেট্ৰ’ পৰিবহণ বিভাগেও অটোৰিক্সা চালকৰ সৈতে সহযোগিতা কৰি তেওঁৰ গীত অটোৰিক্সা চলাও আমি দুই ভাই বজাই থকা পৰিলক্ষিত হৈছে। উদযাপন কৰিছে।সদৌ অসম ছাত্ৰ সন্থাই অহা ৮ ছেপ্টেম্বৰত “উদ্দীপনা” আয়োজন কৰিব, য’ত উজানবজাৰৰ শ্বহীদ ন্যাস, আৰু পিছলৈ দীঘলীপুখুৰীত কণ্ঠশিল্পীসকলে শ্ৰদ্ধাঞ্জলি জ্ঞাপন কৰিব।
ইফালে, এসময়ত হাজৰিকাই সভাপতিত্ব কৰা অসম সাহিত্য সভাই ৩৩খন জিলা আৰু ১০০০ শাখাত স্মৃতিচাৰণ অনুষ্ঠানৰ আয়োজন কৰিব। ইউৰোপ, উত্তৰ আমেৰিকা, ৰাছিয়া, ছিংগাপুৰ, দক্ষিণ আফ্ৰিকা, আৰু মধ্যপ্ৰাচ্যতো আন্তঃৰাষ্ট্ৰীয় অনুষ্ঠানৰ পৰিকল্পনা কৰা হৈছে। সাহিত্য সভাৰ কেন্দ্ৰীয় অনুষ্ঠান ওদালগুৰিৰ কলাইগাঁৱত অনুষ্ঠিত হ’ব, য’ত সাংস্কৃতিক সমাৱেশ, প্ৰতিযোগিতা, আৰু বন্তি প্ৰজ্বলন কৰা হ’ব।আৱেগিক গভীৰতা যোগ কৰি হাজৰিকাৰ পুত্ৰ তেজ হাজৰিকাই পৰিয়ালৰ সৈতে আমেৰিকাৰ পৰা উৰাজাহাজেৰে আহি এই অনুষ্ঠানসমূহত অংশগ্ৰহণ কৰিছে। ভাৰত ৰত্ন ড০ ভূপেন হাজৰিকাৰ প্ৰভাৱ বংগ, বাংলাদেশ, আৰু ইয়াৰ বাহিৰতো বিয়পি পৰিছিল।
