প্ৰতিদিনে (Biscuit) ৰাতিপুৱা চাহৰ চুমুকৰ সৈতে বিস্কুট খাই ভাল পায় নেকি? যদি ভাল পায়, তেন্তে এই অভ্যাস সোনকালে এৰি দিয়ক নহ’লে আপোনাৰ শৰীৰত সমস্যা হ’ব।
শিশু হওক বা প্ৰাপ্তবয়স্কই হওক সকলোৱে বিস্কুট ভাল পায়। কিন্তু আপুনি কেতিয়াবা ভাবিছেনে বিস্কুটবোৰ ক্ৰমান্বয়ে আপোনাৰ স্বাস্থ্যৰ বাবে ‘মিঠা বিষ’ হৈ পৰিব পাৰে। ইয়াৰ ফলত আপোনাৰ বিপাকীয় ক্ৰিয়াৰ মাত্ৰা হ্ৰাস পাব পাৰে, যাৰ ফলত হজম শক্তি হ্ৰাস পায়। ইয়াৰ ফলত ওজন বৃদ্ধিৰ আশংকা সৃষ্টি হয়।
বিস্কুট কিহৰ পৰা তৈয়াৰ কৰা হয়?
স্বাস্থ্য বিশেষজ্ঞসকলৰ মতে বিস্কুট তৈয়াৰ কৰিবলৈ ৰিফাইনড আটা, ৰিফাইন চেনি আৰু হাইড্ৰজেনেটেড অইল ব্যৱহাৰ কৰা হয়। এই সকলোবোৰ বস্তু স্বাস্থ্যৰ বাবে ক্ষতিকাৰক বুলি গণ্য কৰা হয়। বিস্কুটত ব্যৱহৃত আটা আৰু কম আঁহযুক্ত বস্তুৰ বাবে পেটত সহজে হজম নহয়। যাৰ বাবে আপোনাৰ পাচনতন্ত্ৰ ক্ষতি হ’ব পাৰে আৰু আপুনি কোষ্ঠকাঠিন্য, গেছ আৰু এচিডিটিৰ দৰে সমস্যাৰ বলি হ’ব পাৰে।
ডায়েবেটিছৰ সমস্যাত থকা লোকসকলে বিস্কুটৰ পৰা দূৰত্ব বজাই ৰাখিব লাগে। ইয়াৰ কাৰণ হ’ল বিস্কুটৰ গ্লাইচেমিক ইনডেক্স বেছি, যাৰ বাবে ব্লাডত চেনিৰ মাত্ৰা দ্ৰুতগতিত বৃদ্ধি পাব পাৰে। যিয়ে মানুহৰ স্বাস্থ্যৰ বাবে সমস্যাৰ সৃষ্টি কৰিব পাৰে।
বিশেষজ্ঞসকলে কয় যে যিহেতু বিস্কুটত প্ৰটিন, ফাইবাৰ বা প্ৰয়োজনীয় ভিটামিন অতি কম থাকে, সেয়েহে শিশুক খুৱাই দিলে তেওঁলোকৰ শাৰীৰিক বিকাশত নেতিবাচক প্ৰভাৱ পৰিব পাৰে। ইয়াৰ ফলত তেওঁলোকৰ ৰোগ প্ৰতিৰোধ ক্ষমতাও দুৰ্বল হ’ব পাৰে।
খাদ্য বিশেষজ্ঞৰ মতে বিস্কুটত থকা কেলৰি আৰু চেনি শৰীৰত চৰ্বি হিচাপে জমা হ’বলৈ আৰম্ভ কৰে। ইয়াৰ ফলত ওজন বৃদ্ধি আৰু মেদবহুলতাৰ সম্ভাৱনা বৃদ্ধি পায়। এনে পৰিস্থিতিত যিসকল লোক ইতিমধ্যে মেদবহুল হৈ পৰিছে তেওঁলোকে লগে বিস্কুট ত্যাগ কৰিব লাগে।
